Mak 15:19 - Nobonob Baibel

¹⁹ Ag anam henana amu ag gumu laa, qaittobttob gumu bia, amu aona, Jesus ikki eɗunna onana, hunu qenana, Nug noobppa hambuppuak dup noa binag mak heppig.

Mak 15:19 ပူးပေါင်းရင်းမြစ်များ

Genesis 24:52

Laban, Betuel ele anam aeh, maɗi nid nug Yawe noobppa gateg qaun o, gomela, ikki wanppa meum.

Genesis 43:28

Nug anam oɗ matte amu, ag appig. “Ig mamenig, nahip maɗi nid amu, nug uppa uma ena daatte,” aon appig. Anam ana amu, ag Josep binag mettaglagnu, ag gatelag qaun ona, gomelna autna aona, iɗulag wanppa meppig.

1 King 19:18

Ag mauhkkulag, amge da heppi, Israel ooppa danab 7,000, da ag aɗualatti, ag dahilad daatteb. Danab amu ag kayak hambuppuak Bal noobppa dup ii nona binag ii meppig; ag nug onig okkai mettaglagnu nug dottog ele ii ootuqidppig,” awa aum.

Job 13:9

Nug ag hettoɗiak abenppa maatta hettoɗiattebeb, ag ena daaglagte? Ge, ag danab hambuppualadtteb, ag Kayak ele anam hambuppuidkkulagnu elelete?

Sam 69:12

Ikki danab ag dahilnu nai nau maditteb. Ge, laa ag le nau laeg aqatte, ag da onil aon, ahi nauppa mena ettaladtteb.

Aisaia 45:23

Da dakka, dahil nai da onilppa ɠagattag qettami; amu da geha aɗi keeke hekkulnunab ami amu, da genab hekkul. Da dahil nai qakkak amu eɗuen ii aopa; anamib daakku. Amu nai amuam danab ah oh ag da noolppa gatelag qaun ona, da binal mena, ag oh ahilag nai ɠagattag qettan, ag dahilnu inam akkulag.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Aisaia 52:14

Laa ag heppeg, nug beɗu nauha auttanab aokku. Ag anam heppeg, danab ah laa ele ag nug beɗu am danab beɗu bia ii anidmana. Ao, nug beɗunu anttak am keeke laa bia daakku. Nuhigppa anam bekku amunu, laa kuɗum ag nuhignu, am dabmak huanaknab aoglag.

Maika 5:1

Kekeɗ ag uɗin, oo mekkan iqaglagnu daatteb amunu, Juda dilag anuqak danab, ag appeg, ban danab, ag ban hekkulagnu babaittak dayeg! Kekeɗ ag Israel dilag okkai hippeg buppa makkuɗkkulag.

Matyu 27:30

Ag anam anana, iɗuppa hununa, gumu Nug medappig amu, ag amu aon, ikki eɗunna oppig.

Mak 10:34

Meiɗppeg, iitta aɗi ag aon aon iuna, hunu iuna, bu qaun eleppa eheɗ mataɗilna, iuppeg mauhppi, deɗ ewam uueb amu da eɗuen hippaidkkul,” awa aum.

Mak 14:65

Ag anam ana amu laa ag digmen hunu qena, lamenppa ameg qakkona, eppelag bitakkan makkuɗnana appig. “Kayak ehanitteb, na aun na oittom appe dootu!” aon appig. Aria, mana mettak ikki danab, nuhikkud daup, ag ele nug makkuɗppig.

Mak 15:18

Aɗaeg no amu ag aon aon qettan, Jesus hambuppun humidna appig. “Na am Juda dilag king! Na binan ele!” aon appig.

Mak 15:20

Haen ag aon aon qettan malan amu, ag lamen elab perpel uɗittona, ag lamen nuhig eɗun aɗuitteg no, ag ad emaitakppa atulkkulagnu aon goppig.

Mak 9:12

Ag anam aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, amge ag dahilad, ag Kayak nai laa ele dabmekkulag. Nai amuam inam. ‘Danab Bekkalag da, da guittak dooppi geɗilkkulag.’

Luk 22:63

Amu danab ag Jesus gumappig ele amu, ag Nug aon aon qettan, Nug makkuɗppig.

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Luk 23:36

Ag anam aegeg, daup danab ag ele aon aon qettan, gumidna dona, wain ena iitta mettaglagnu heppig.

Rom 11:4

Nug anam a amu Kayak Nug nai nuhig attem nob meum? Kayak aum. “Da danab dahilad 7,000, ag hambuppuak kayak onig Bal, ag nug noobppa dup ii nona binag ii meppig ele amu, da ag aɗualatti, ag dahilad daatteb,” awa aum.

Pilipai 2:10

Kayak Nug geha danab oh hab attannu, wanppanu, amu mauhakppanu ele, ag oh Jesus onig doona, ag Nug noobppa gatelag qaun okkulagnu, ag, “Jesus Kristus Nug am Naɗi,” amu ele akkulagnu, Nug onig amu Jesus mettom. Danab oh ag, “Jesus Kristus Nug am Naɗi,” akkulag amu, amuppa Mame Kayak, Nug binag amahlak oppiaawak ele aokku.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!