Mak 15:15 - Nobonob Baibel

¹⁵ Ag anam eeg amu Pailat nug danab kuɗum ag oolag ena daakkunu Barabas uhuqom. Barabas uhuqa amu, nug nuhikkud daup ag Jesus bu qaun eleppa eheɗ mataɗkkulagnu ana, ag ad emaitakppa atulkkulagnu ag eppelagppa meum.

Mak 15:15 ပူးပေါင်းရင်းမြစ်များ

Sam 129:3

Kekeɗ ag eheɗ heiɗppig, diig amunu danab wan buua heehe, wan buukkunu keeke, wan otaɗa he eɗutte, amubia da gomel am ihiud huanak ele.

Sam 57:11

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag binag amahlak oppiaawak ele nahip anidkkulagnu unuqidttem.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Matyu 20:19

ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Matyu 27:26

Ag anam aeg amu, Pailat nug Barabas uhuqa matta, nug nuhikkud daup ag Jesus bu qaun eleppa eheɗ mataɗkkulagnu ana, ag ad emaitakppa atulkkulagnu ag eppelagppa meum.

Mak 10:34

Meiɗppeg, iitta aɗi ag aon aon iuna, hunu iuna, bu qaun eleppa eheɗ mataɗilna, iuppeg mauhppi, deɗ ewam uueb amu da eɗuen hippaidkkul,” awa aum.

Mak 15:14

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” eppig.

Luk 18:33

Amu ag da bu qaun eleppa eheɗ mataɗilna, ag iuppeg mauhkkul, amge deɗ ewamppa da eɗuen hippaidkkul,” awa aum.

Luk 23:16

Anam daatte amunu, da heppi, Nug bu mettak aweb, da heppi gokku,” awa aum.

Jon 19:1

Anam aeg amu Pailat nug a, nuhikkud daup danab ag Jesus bu qaun eleppa eheɗ mataɗppig.

Jon 19:16

Anam aeg amu Pailat Jesus ad emaitakppa atulkkulagnu ag eppelagppa meum.

Aposel 24:27

Amu Peliks nug anam haaha dayeye, dimppa maɗ aɗit ukke amu, Porsius Pestus nug Peliks abenab aokkunu uɗiom, amge Peliks nug Juda ag oolag ena daakkunu Pol maniguittakppanu ii uhuqom.

Aposel 25:9

Pol anam awa aum, amge Pestus nug Juda, ag oolag ena daakkunu, ag oolagppa ya, nug Pol amegppa inam aum. “Da heppi, ig oh Jerusalem teta, appa na nai danab imu ag na beɗunppa yaatteb elenu da noolppa hettoɗiakppa daakkutnu elele doottemte?” awa aum.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.