Mak 14:58 - Nobonob Baibel

⁵⁸ “Danab imu Nug inam a doomuɗ. ‘Da Kayaknu mettid lag imu, danab eppelagppa heppig ele amu, da heppi nauheb, da deɗ ewam ooppa, da bau hekkul, amge da eppelppa ii hepa.’ Nug anam aum,” aoya apiɗ.

Mak 14:58 ပူးပေါင်းရင်းမြစ်များ

Daniel 2:34

Na neegnana, laa Nug men laa qaukoppanu okkula awom, amge laa amu heum am danab laa iitta, na amu anidme. Laa Nug men amu okkula awe, dimppa men amu ukka, dottog amunu baeg wan tabatte, baeg amuam aen, wan ele qataqak, amu men baeg wan tabatte ye, baeg amu aakku nauha autanab awom.

Daniel 2:45

O king, na men, laa Nug qaukoppanu okkula awom, amge laa amu heum am danab iitta, na tulelegppa anidme, na men amu dottognu aen, bras, wan aab aɗuppa ewom ele, silwa, gol ele he, huppu nakok nakok neum ele anidme amu, tulegleg amunu meu am aakku. Kayak, Nug onig, ɠagattag ele, Nug dimppa aɗi bekku am aakku na ippunittom. Tul niiak amuam keeke genab ippunigtte, meu da na amenppa ami ele am genab; na amu ootppa genab dookkutnu elele.” Daniel nug King Nebukatnesar amegppa anam aum.

Matyu 26:61

beya apiɗ. “Danab imu nug, ‘Da Kayaknu mettid lag heppi nauheb, deɗ ewam ooppa da eɗue hekkulnu elele,’ aum,” aoi apiɗ.

Mak 14:57

Anam heegeg amu, laa aa ahaya hambuppuya, Jesus geɗidya, inam apiɗ.

Mak 14:59

Aa anam apiɗ, amge ahilah nai amu ele iɗu laippu iitta, piɗe piɗe.

Mak 15:29

Aria, danab ah ag nug noobppa dona wanana, ag ikkilag matuɗna, aon aon qettanna inam appig. “O na, na am Kayaknu mettid lag loppaɗna, eɗun deɗ ewamppaib hekkutnu ame amu,

Jon 2:19

Aeg amu, Jesus Nug ag oɗelagppa awa aum. “Ag Kayaknu mettid lag imu heppeg nauheb, da deɗ ewam ooppa da eɗue bappaidkkul,” awa aum.

Aposel 7:48

Amge Kayak Attannab Laa Oh Eɗattak, Nug lag danab hetteb amuppa ii daatte. Amu propet laa nug nai amunu mattiom am inam.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Hibru 9:11

Anam dayom, amge Kristus Nug itittak ena digdig, Kayak megakkunu dabmette ele amu, Nug amunu mana mettak ikki danab daakkunu uɗia dayom. Amu Nug Kayaknu mettid haknu peh lag elelenab, Kayaknu mettid haknu peh lag tatamnu eɗittak amu, uɗat nuhig hekkunu ooppa noum. Kayaknu mettid haknu peh lag amu danab ag eppelagppa ii heppig; am wan imuppan keeke iitta.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.