Mak 12:40 - Nobonob Baibel

⁴⁰ Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

Mak 12:40 ပူးပေါင်းရင်းမြစ်များ

Esekiel 22:25

Amu laion laa nug gaya, doɗ laa qa latte, amubia Israel dilag anuqak danab ag dabmak laippu mena, ag danab ah heeg nauheg, ag danab ah dilag en keeke, keeke awaknu men doɗo okkai ele, ag keeke amu oh yab aona, ag danab kuɗum ele aqaeg, waalkad ag ah qab daatteb.

Maika 2:2

Danab amu, ag laa dilag wan amelag qe aolobnab dabmak eheɗ aon, ag wagai menan aotteb. Ao, danab amu, ag laanu lag amelag qe, wagai menan aotteb. Ag hambuppuak kobol, ib eheɗ amuppa danab laanu lag hamu aotteb. Ao, ag lailkad dilag aulkad, ag keeke amu ib eheɗppaib hamu aotteb.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Matyu 23:14

((O gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag.))

Matyu 23:33

Ag danab nau, mat nau bia! Kayak Nug ag hettoɗiakppa maatteb, ag padal mekkulag. Ag attem hena amu ii anidmana?

Matyu 6:7

Amunu haen ag unuqidtteb amu, ag iitta aɗi danab nai hamu kuɗum mattinna unuqidtteb, ag amubia aib heppig. Iitta aɗi ag atteb, ‘Ig nai kuɗum madipput amu Kayak Nug dookku,’ aon atteb,

Mak 12:39

ag nai doyak lakka, hobul haenppa ele ag aben anuqakppa daaglagnu oolag mauhtte, amge ag dahilad amu, ag ahilag kobol amubia hemananu dabmeig!

Luk 20:47

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

2 Korint 11:20

Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

2 Timoti 3:6

Danab amunu laala ag haen oh oqeqaɗakppa ah dabmak tutukku iitta ele laulkadppa tena, hambuppualadna heeg, ah amu ag amu ag danab amu dilag dabmak dim lamidtteb. Ah amu, ahilag oiyakppa ag hipunin digdig heegeg, beɗulkadppa aab daye, ag beɗunu oo gamag ahak kobol eheɗ oh dilag eeɗak doon, amu dim lamidkkulagnu dabmak aotteb.