Mak 10:24 - Nobonob Baibel

²⁴ Jesus Nug anam a amu nuhikkud ippunittak awak danab ag nai amu doon, dabmak kuɗum aoeg anatta amu Nug baula ag amelagppa aum. “O nid nakkud, Kayaknu ɗo maɗoɗ ooppa noaknu am uug okkai ele.

Mak 10:24 ပူးပေါင်းရင်းမြစ်များ

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Sam 52:7

“Danab nug Kayaknu padal mak eɗitteb ena dayaknu ehanittak daatte ii dabmette ele amu, nuhigppa bette umu antteg! Nug nuhig en okkai nug ehanidkku dabmeum, ⌊amge ii ehanittom⌋. Yo, nug nuhig eheɗ hak nug ehanidkku dabmeum, ⌊amge ii ehanittom⌋,” aon akkulag.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Prowerb 11:28

Aun laa nug enubnu ooppa genab dootte, nug ad uɗug qaɗaiettak bia na qekku; amge genab tutukku hak danab, ag am ad uɗug bau daatteb bia bau daaglag.

Prowerb 18:11

Danab ah enulag ele ag ahilkad keekenu, “Imuam ihinig aab ɠagattag aɗ ele,” atteb; ag keeke amunu am aab okkainu aɗ naɗi itak dayeye, laa ag aɗ amu tena letana nokkulagnu elele iitta, ag anambia dootteb.

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Habakuk 2:9

Ai laa nuhigppa eheɗ laa ii bemanu nug teɗ nuhig bai nau igippa, o ad elabnab gogotippa, kekeɗ laa aɗakkun elele iittappa teɗ mette, amubia na hekkutnu ib eheɗppa hena, en okkai aome amunu, nahipnu am gadonnab gadon.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Matyu 19:25

Jesus Nug anam a amu, nuhikkud ippunittak awak danab ag huanak ottaina dabmak kuɗum aoppig. Ag anam henana appig. “Anam dayeb amu aun nug padal memanu ehanittak aokkunu elele?” aon appig.

Mak 1:27

Uuitte amu, danab laa ag danab amu anidna, dabmak kuɗum aona, amu ag akka akka Jesusnu appig. “Imu aɗi? Ippunittak imu am bau. Nug ehah ena ele, amu diig amunu Nug ouɗi nau amelagppa, ‘Ag ukkeg!’ atte amu, ag nuhig nai dim lamidtteb,” aon appig.

Mak 10:23

Nug ugekke amu Jesus Nug ippunittak awak danab nuhikkud neekkatta, Nug ag amelagppa aum. “Danab ag enulag kuɗum ele amu ag Kayaknu ɗo maɗoɗ ooppa noaknu am uug okkai ele,” awa aum.

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Jon 13:33

O nid naunau dahilad, haen nakoknab da ag ele daagnig, amu dimppa ag da mattiɗkkulag. Da tatam Juda okkai amelagppa ami amu, gemu da ag amelagppa ele iikku attem. Ag aben da gottem ele, amuppa ag gokkulagnu elele iitta.

Jon 21:5

Am Jesus Nug ag oɗ mattom. “O nid, ag kakai laa aoppigte?” awa aum. Anam a amu ag, “Iitta,” aon appig.

Jon 6:60

Aria Jesus Nug anam mattie, nuhig ippunittak awak danab kuɗum ag nai mattiom amu doona amu ag appig. “Nai umuam uug elenab; aun nug dookkunu elele?” aon appig.

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

1 Jon 4:4

O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.

1 Jon 5:21

O nid naunau, ag kayak hambuppuak dottolkad dim lamadmanade, dabmeig!

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,