Mak 10:18 - Nobonob Baibel

¹⁸ Nug anam a, Jesus Nug eɗua amegppa aum. “Kayak Nug nukka am ena amunu, na dahilnu, ‘Danab ena,’ ame amu, na nai amu tatam dabmewonate ame, o iitta na hamute ame?

Mak 10:18 ပူးပေါင်းရင်းမြစ်များ

Sam 119:68

Na enaib daanna, enaib hettem. Na aɗi keeke hettem amu, na ena hettem. Na da nahip ɗo ippuniɗkkutnu oɗ medattem.

Sam 145:9

Yawe Nug danab ah oh dilagppa ena hette. Nug aɗi keeke Nug eppegppa heum ele amu, Nug amu ohnu oo bodoetta le mette.

Sam 86:5

Aɗinu? O Naɗi, na am enanag. Na danab ah, ahilag hipunin uhuqna madattem. Nahip oo mauhaknab kobol am amba, leta nette, amu danab ah ag na ⌊ahilag hipunin uhuqna madakkutnu⌋ unuqidtteb amu, na amu dilagnu oo mauhaknab kobol nahip amu dim lamidttem.

Matyu 19:17

A amu Jesus Nug aum. “Na aɗinu da keeke enanu oɗ meɗattem? Laippu aakkuib Nug am ena amunu, na bauklel aokkutnu na ɗo nuhig dim lamidkkut,” awa aum.

Mak 10:17

Jesus Nug anam ha mala amu Nug ibppa ugekke, danab laa nug qaiqaɗ Jesus gumitta ukka, Jesus baegppa laippun gateg qaun o, nug aum. “Ippunittak danab ena, da attem heina da bauklel hanhannu aokkul?” awa aum.

Mak 10:19

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na kobol hambuppuakppa keeke aib aome. Na mamen, anin ele binalah mate!” awa aum.

Luk 18:19

Nug anam a, Jesus Nug eɗua amegppa aum. “Kayak Nug nukka am ena amunu na dahilnu, ‘Danab ena,’ ame amu, na nai amu tatam dabmewonate ame o iitta na hamute ame?

Rom 3:12

Danab oh ag Kayak dimedappig. Ag oh diilkad ena iitta. Laippu laa ena ii hette. Iittanab!”

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

1 Jon 4:8

Am aun laa nug laikkud dilag oo mauhak ii dootte amu, nug Kayak ele ii dootte. Aɗinu? Kayak Nug oo mauhak kobolnu diig daatte.

1 Samuel 2:2

Laa nug oppiaawak, Yawe daatte bia, laa nug amubia ii daatte. Kayak laa ii daatte. Ihinig Kayak Nug kekeɗ ig nikkamanu ehanittak ihinig daatte, laa nug anam bia ii hette.