Maika 7:2 - Nobonob Baibel

² ⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Maika 7:2 ပူးပေါင်းရင်းမြစ်များ

Sam 10:9

Doɗ laion ag toettan, doɗ laa bodoettak ele aqadna laadkkulagnu maadna daatteb amu, amubia nau hak danab ag danab ah ɠagattag iitta ele aɗaladkkulagnu henan daatteb. Ge, atu makkaɗak hikan danab ag uhuippa pelem mena, doɗ diin eeɗadna gotteb bia, nau hak danab ag danab ah ehanittak laa iitta ele aɗaglagnu henan daatteb.

Sam 12:1

O Yawe, genab tutukku hak danab ah ag iitta meppig bia amunu, na ig ehanigkkutnu oɗ medattem! Ao, laa nug neekka, wanppa danab, o ah laa nug oo metta ii uuak kobol dim lamidtte ii anidma amunu, na ig ehanigkkutnu unuqidttem!

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Sam 57:6

Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Prowerb 12:6

Nau hak danab ag laa guittak madappeg mauhkkulagnu nai maditteb; amge genab tutukku hak danab ag laa uugppa daatteb, ag amu ehanadppeg, qagaiettakppa ii daamnanu nai maditteb.

Aisaia 3:5

Am danab anen anen ag lailkad dilagnu oo doyak iinab doomna. Iitta! Danab laa nug layag gai-iitta ele, nug nuhigppa eheɗ hekku. Danab laa am danab laa ele nug qekkulag. Ao, ag anen anen ag lailkad, mudippan laippu, eheɗ hattaglag. Nid bau ag danab kaino dilagnu, ag am binalag ele ii doona, ag oɗelag ii dim lamidmana. Amu danab laa ag dabmak nau beɗulagppa ambak ele, ag am danab dabmak ena ele, ag amu dilagnu ag binalag ele ii doona, aon aon aqaglag.

Aisaia 57:1

Genab tutukku hak danab ag mauhegeg, laa ag amu diignu ii dabmetteb. Ao, laa ag Yawenu oo metta ii uuak kobol dim lamidtteb ele amu, laa ag diia ugekke, danab ah laa ag amu anidna, ag amu diignu doyak tutukku ii aotteb. Kobol amunu diig am, Yawe Nug genab tutukku hak danab amu, ag uug naunab ahilag haenppa bekku, ag uug amu anidmananu Nug ag diia gotte.

Aisaia 59:7

Ag nau hekkulagnu qaiettan gotteb. Ao, ag danab eheɗ laa ii heum qeppeg mauhkkunu pahaettak daatteb. Ag hanhan kobol nau hekkulagnu dabmenan oitteb. Ag aɗi aɗi hetteb ele amu, ag amuppa keeke heeg nauhtte, ag heeg, keeke ena dayom am gemu nauhak daatte.

Aisaia 9:19

Am Yawe Nukka Ɠagattag Oh Ele, Nug oppoɗi beeb, Israel danab ah eheɗ anam madakku. Atu ewa, keeke oh ewa iitta mette, amubia Nug heeb, wan danab ele nauhkkulag. Danab ah ag aab ewaknu aab bia daaglag. Haen amuppa laa nug awag, o amag laa ii ehanidma. Iitta!

Jeremaia 16:16

Amge gemu Yawe Nug inam atte. “Amuam butti, haen adekkuppa da anam hekkul, amge gemu amu, da kakai eeɗak danab nug kakai eeɗadtte, amubia da heppi, kekeɗ kuɗum ag uɗin, Juda danab ah diippeg, ag eppelagppa daaglag. Amu dimppa hikan danab doɗ mattia antta aotte, amubia da heppi, kekeɗ kuɗum ag uɗin qauko okkai ohppa, qauko nakok ohppa, men oɗeppa ele Juda danab ah mattialadnana anadna diippeg, ag eppelagppa daaglag.

Jeremaia 5:16

Wan amuppan daup oh ag ban danab ɠagattagnab. Ag lat doɗoppa danab kuɗum aqaeg mauhtteb.

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

Jeremaia 8:6

Da daul humen, nai dookkulnu daye autenab aottem, amge laa nug nai tutukku ii maditte. Laa nug nau hak nuhignu, “Da eheɗ hemi,” anana, oo ii eɗutte. Ag anen anen ohnab ag eheɗ hekkulagnu dabmetteb; ag dabmak amuib dim lamidtteb. Ag hos ag banppa qaiettan gotteb, ag amubia ahilag dabmak eheɗ dim lamidkkulagnu hetteb.

Gayak Nai 4:18

Kekeɗ ag meigna daan aut aotna aoegeg; ig lag dimittim, aabnu ibppa oignignu elele iitta daamut. Ihinig haen aakku iitta meum. Ig eɗut, ena daagnignu ib laa ii dayom; amunu diig am, ihinig gog tak aakku uɗia dayom.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Esekiel 24:6

Anam amunu, Naɗi Yawe Nug inam atte. “O aab okkai Jerusalemnu danab ah, ag am qe mauhak danab daatteb, amu ahilagnu am gadonnab gadon. Ag oolagppa dubuttid nau ele, waa aenppa hak, ah haen elabnab ii ihom, dubuttid huanak daatte, ag amubia daatteb. Laa nug waa amu leppaib iheb, oppiaawak daakkunu elele iitta. Ag Jerusalem danab ah ag waa aenppa hak amu, ag amubia daatteb, amge ag teppu waa ooppa inak bia ele daatteb. Ag anam aakku daatteb, amge danab ag teppu aon paniadtteb amu, ag Israel, ahilagppa anam ii bema. Iitta. Kekeɗ ag ahilag dabmak aakkuib dim lamidna heppeg, ag Israel ag amuib dim lamidkkulagnunab daaglag.

Hosea 5:1

Yawe Nug inam ele atte. “Mana mettak danab, ag nai imu doyeg! Ao, ag Israel dilag ikki danab oh, ag daulag human, doyeg! Ge, ag king baegppan oh, ag daulagppa doyeg! Aɗinu? Danab laa pelem ma, doɗ aotte, amubia ag Mispa appa, kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Ao, ag danab laa nug uhui ma, ai aotte, amubia ag Tabor appa ag kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Anam amunu, bu awaknu nai imuam ahilagnu.

Hosea 6:9

Danab ag ban hena, danab ah aqan, ahilag keeke aɗadkkulagnu atu daugppa lokkumna daatteb bia, mana mettak danab ag oohona, Sekemnu ib ukkakppa danab makkuɗatteg mauhtteb amunu, ag eheɗ naunab nau hetteb.

Maika 2:8

⌊amge⌋ dahilad danab ag tumai bia digmen ahan, dahil kekeɗ bia daan hetteb. Ag hak ahilag am inam. Ban danab ag banppanu eɗun uɗin, ibppa danab ah ag uug laa bekkunu ii dabmena oiyegeg, amu dilag keeke wagai mena, yab aotteb amu, ag amubia hetteb.

Maika 3:10

Ag danab okkai, ag danab laa aqaeg mauheg, ahilag keeke hamu aon, amuppa Sion appa lag okkai okkai hetteb. Ao, ag danab okkai, ag hak nau henana, amuppa ag keeke aon, ag amuppa Jerusalem appa lag okkai okkai hetteb.

Maika 3:2

Amge ag, ag keeke enanu nau ninig ele doon, keeke naunu amu, ag oolag mauhtte. Ag am danab nug doɗ gaɗa doɗ beɗuppan aagtte, amubia ag dahilad danab ah eheɗ nau madatteb. Ao, ag danab nug teppu ebehippanu hihia aotte, ag amubia dahilad danab ah eheɗ nau madatteb.

Sekaraia 11:6

Anam amunu, danab amu ag oo doyak kobol dim ii lamidtteb, amubia da Yawe, da Israel danab ah dilagnu, ⌊ag hipunin henan oitteb amu, da ahilagnu⌋ oo gai-iitta doya oo metta ehanittak kobol tuɗitten ii hepa. Da heppi, danab ah oh ag ahilag mudippan laippu, ahilag king ele eppelagppa daaglag. Ag akka anam nug guittak medappeppeg, da ehanadppi, ii iitta mema.” Yawe Nug anam awa aum.

Aposel 24:9

Am Juda appa daappig ag ele Tertulus nai mattiom amu ehanidna ag appig. “Nai amu oh amu genabib,” aon appig.

1 Samuel 24:11

O mama, antte! Gemu geha iikku da nahip lamen elab amu nob nakok otaɗe aomi iikku, amge da na ii nittai mauhme. Am na amu anidna, dabmena, geha na diig amuppa na oot maitteb dookkut; da na nidappi ii mauhmana! Iittanab! Laa amu, da nahip nai tabappi nekkunu, o nahip aben aokkulnu ii hettem. Da nahip-ppa keeke eheɗ laa ii hettem, amge na am da iuppe mauhkkulnu banel oittem.

1 Samuel 26:20

Amu da wan laappa mauhe, Yawenu wanppa ii mauhkkul dayeb amu, amuam nau, ena iitta amunu, na heppe, da mauhpanu oɗ medattem. Aɗinu? Na am Israel dilag king, da am danab hamu. Na da iuppe mauhkkul, amuam da am mi laa danab aoɗom bia; o danab laa qaukoppa mala qe mauhom bia,” awa aum.