Maika 7:16 - Nobonob Baibel

¹⁶ Yawe Nug wanppanu wan ohppan danab hatteb, ahilag ɠagattag iitta meeb, ag Yawenu hak ɠagattag ele anidna, ag uɗa nak nau dooglag. Ag nai baula mattimnanu ag oɗelkad qamutna, ag dabmak huanak aoglag.

Maika 7:16 ပူးပေါင်းရင်းမြစ်များ

Job 21:5

Ag neekkiɗna, ottaina dabmak kuɗum aweg! Ge, ag dahilppa kobol aɗi aɗi beum anidna, ag dabmak huana aweg!

Job 40:4

“Da keeke hamu. Da nob na medakkulnu elele iitta. Da oɗel qamut-ttem.

Sam 126:2

Ig gamag ahak okkai doot, imamut. Ao, ig gamag ahak doot, ahi ettamut. Wan imuppan wan anen anen appa ag appig. “Yawe Nug keeke okkai ahilagnu heum.”

Prowerb 30:32

Makau huh teppu ele tappiɗppa mena kopippa keeke huana kabolinna daakkut dayeb amu, keeke onig bata bekku; danab laa noob itoɗikkut dayeb amu, noob tiig nekku, amubia, laa nug aɗi heeb, laa nug oo nauhkku amu, nug mehqak aakku bekku. Anam amunu, na danab nug Kayak dab-ii-maama ii dim lamidtte ele bia hena, na nakka na binan okkai meme dayeb; o na kobol nau hekkutnu maittak aome dayeb; na pahanab uukkut. Aib tuɗidna heme!” Amuam Agur, nuhig nai aakku.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Aisaia 66:18

Amu Yawe atte. “Wan imuppan wan ohppan danab ah, amu nai digdigppan ele aɗi henan dabmetteb amu, da doottem. Da amu doottem amunu, da danab ah wan atu ohnu diie, qagmaadppi, ag uɗin, binag amahlak oppiaawak ele dahil anidkkulag. Da ag amu hekkulagnu uɗikkulnu hettem.

Esekiel 38:23

Da amu heine, da heppi, danab ah ag da onil ɠagattag ele daattem, da oppiaawak daattem ele anidkkulag. Da heppi, wanppan wan digdig danab ag da dooiɗkkulag. Da keeke amu oh heppi, ag dooglag, da am Yawe.” Yawe Nug anam atte.

Maika 3:7

Propet hambuppuak, ag uɗalag nekku. Ao, eman hak danab ag uɗa nak nau guittak ele dooglag. Da Kayak, da nai nakok laa ii madapa. Anam amunu, propet hambuppuak ag uɗa nak doon, ag iɗulag hautkkulag,” awa atte.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Hagai 2:22

Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Sekaraia 12:9

Amu Yawe Nug inam awa atte. “Haen amuppa am inam daakku. Wan laala ag Jerusalem banelag uɗiglag amu, da hadappi, iitta mekkulag.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Revelesen 11:18

Iitta aɗi ag nahipnu oo nauhak dooppig, amu na ag amunu bu aqakkutnu haen aakku beum. Anam amunu, na gemu mauhak aɗi epeɗiadkkutnu haen aakku beum. Gemu am ele nahip propet, ag nahipad maɗi nid amu, na ag nob ena madakkutnu haen. Anam amu, gemu am ele nahipad danab ah oppiaawak ele, amu danab oh ag nahipnu ebehilkad oh bodoetta le mette ele, na ag ele nob ena madakkutnu haen. Na danab amu ag onilag ele, onilag iitta ele, amu ag oh nob ena madakkut. Aria, gemu ele na danab ag wanppa tappe nak hena, wan heeg nauhtte ele amu, na heppe, ag nauhkkulagnu haen,” aon appig.