Maika 7:13 - Nobonob Baibel

¹³ Anam amge, wan laa oh hele-ettak daaglag. Aɗinu? Danab ah appa ana daatteb ele amu, ag ahilag hak am nau.

Maika 7:13 ပူးပေါင်းရင်းမြစ်များ

Job 4:8

Da neekki ukke anidttem am iikku. Danab aɗi aeg ebatte, nug meu anamib aotte. Anam amu, amubia danab nug eheɗ hette, nug eheɗ hak nuhigppa meu nau aotte. Ge, amubia laa nug hipunin haaha daatte amu, nug hipunin hak nuhigppa meu nau aotte.

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Prowerb 31:31

Nug nuhig hakppa, nuhig oiyakppa ele nob ena aokkunu daatte amunu, ag metteg! Ikki danab ag ahilag qagmak aben aab ahilag odppa daatte, ag appa daanna, ag ele nuhig haknu binag meig!

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Aisaia 17:9

⌊Dimppa danab ah ag anam hekkulag, amge gemu ag oolag ii eɗutte amunu, haen amu ii nak, haen gamag imu⌋ haen amuppa kekeɗ ag heppeg, amu geha Israel danab ah ag aab okkai ɠagattag amuppa ii daamna. Iitta. Aab okkai amu geha aab okkai anukka Hiwi danab dilag, Amo danab dilag, anukka Israel uɗieg anadna, ag oolna ukkaeg, aab okkai amuppa danab ii daappig, ag amubia daaglag. Aab okkai oh anam danab iitta ele, nauhak daaglag.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Jeremaia 25:11

Wan imu oh am hele-ettak, wan meu waknu nakokib elele ba dayebeb, wan imuppan danab ah ag Babilon dilag king waappa daan, ag nuhig maɗi nid maɗ 70 daaglag.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Esekiel 12:19

Na anam hena, na Israel danab ah Israel wanppa daatteb, na nai imu ag amelagppa inam appe doyeg! Naɗi Yawe, Nug danab ah Jerusalem appa, Israel wanppa ele daatteb amu, Nug ahilagnu inam atte. ‘Kekeɗ ag gona hebeppeg, ag baɗan, ee lakkulag. Ge, ag, “Uug imu iitta meeb, ig eɗut ena daagnig,” ag dabmak am ii aonna, le oug ahilag lakkulag. Aɗinu ag anam hekkulag? Danab amu oh Israel wanppa daatteb amu, ag laa guittak nau mauhnoak mettak kobol dim lamidtteb amunu, da heppi, kekeɗ ag gona, wan amunu keeke oh akkaglag; wan amu aakku nauha auta aokku.

Esekiel 33:28

Da heppi, wan imuam hele-ettak, wan meu waknu nakokib elele, am anam daakku, appa keeke laa ii daama. Israelnu ɠagattag iitta meeb, Israelnu qauko am hele-ettak, wan meu waknu nakokib elele daappeg, danab ag qaukoppa tena, letan, laih gokkulagnu ii hemana.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Maika 5:3

Laa amu, Nug dimppa dokku amunu, haen gamag imuppa Yawe Nug heeb, kekeɗ ag Israel eɗadppeg, Israel ag ag eppelagppa daappeppeg, laa nug nid amu menukkun daatte am menueb, Israel lailkad laa piɗe piɗe daatteb ele eɗun uɗin, lailkad ele oh laippu daaglag batakku.

Maika 6:13

Diig amunu amu, da digmein hei, ag Juda, ag padal mekkulagnu oitteb. Ao, ag hipunin henan daatteb amunu, da hei, ag nauhkkulagnu oitteb.