Maika 7:10 - Nobonob Baibel

¹⁰ Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Maika 7:10 ပူးပေါင်းရင်းမြစ်များ

2 Samuel 22:43

Da oɗoɗatti, ag wanppa gappud bia daappig. Ge, da danab nug gappud tate, ib daugppa gotte, amubia da hei, ag nauhppig.

Sam 109:29

Danab nug lamen tagatte, amubia uɗa nak nau guittak ele am dahilad kekeɗ tonatteb daaglag. Ao, danab nug ulahnu lamen mette, amubia dahilad kekeɗ ag uɗa nak aoglag.”

Sam 115:2

Ihinig Kayak Nug hab attan daya, Nug aɗi keeke hekkunu hette amu, Nug hette amunu, wanppan wan anen anen dilag danab ah ag aɗinu, “Kayak ahilag amu adekku?” aon atteb?

Sam 18:42

Da oɗoɗatti, ag gappud ulah ehale gotte bia daappig. Ge, da danab nug gappud tate, ib daugppa gotte, amubia da hei, ag nauhppig.

Sam 35:26

Laa ag da uug nau doottemnu gamalag ahatte ele, ag uɗa nak nau dooglagnu oɗ medattem. Ao, danab ag da eɗilkkulagnu huana hetteb ele amu, ag uɗa nak aoglagnu, ge, ag uɗa nak nau guittak ele dooglagnu unuqidttem.

Sam 42:10

Dahil kekeɗ ag awa awa iwak nai dahilnu atteb am, nai amuam guittak naunab, mauhaknu bia guiɗe doottem. Ag da ihaklel iuna, deɗ oh amun tuqan ele atteb, “Kayak nahip am adekku? ⌊Nug aɗinu na ii ehanidtte?⌋” aon atteb.

Sam 42:3

Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Sam 58:10

Genab tutukku hak aɗi ag Yawe Nug laa ag eheɗ ahilagppa heppig ele nob tutukku madakku anidkkulag amunu, ag gamalag ahakku. Daup laa ag kekeɗ nena qeeg, tiilag na, wan qaɗeppa dayeye, daup amu ag kekeɗ lamadnana, tiilag baelagppa tappan gotteb, amubia genab tutukku hak danab ag nau hak danab eɗadna, gamalag ahakku.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.

Sam 92:12

Ad pam enanag ba, okkai mette, amubia genab tutukku hak danab ah aɗi ag ena bena daatteb. Yo, ag am Lebanonnu ad sida, amubia ɠagattag betteb.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 41:25

Yawe Nug atte. “Da laa dabmak metten hei, laa amu nug yawalti uɗitteppanu aakku aha, yag bak doya uɗitte. Ao, da laa, nug appag diig aam bedeppa daatte amu, da laa amu hei aha, nug da unuqiɗtte. Danab laa amu nug danab lekkoh baegppa tabatte, nug amubia danab okkai he nauhtteb. Nug waa keeke hak danab tatam lekkoh baegppa tappe, kaboliak elele daye waa hette, danab amu nug danab okkai dilagppa anam hette.

Jeremaia 49:15

Amu gemu Yawe Nug atte. “Esau buɗub, da heppi, ag wanppan wan oh oolagppa nakoknab daaglag. Danab ag ahilagnu ena iinab dooglag.

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Jeremaia 51:51

⌊Ag Israel danab ah, ag atteb.⌋ “Wan laihnu danab ag Yawenu mettid lag, amuppa Oo Gun ele, Oo Gunnab Ele, aben amu oh am Yawenu tituanak daattep amu, ag amu ooppa noppig. Ao ag noppig amunu, danab laa ag eheɗ aon aon iqaeg, diig amunu ig uɗa nak nau guittak ele doottem. Uɗa nak ig tonikkom daatte,” aon atteb.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Daniel 3:15

Am genab iitta daatte dayeb amu, haen elab iitta ag laa trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele baula heppeg doon, ag dottog da hemi ele noobppa dup nona binag mekkulagnu dabmak elele aon, hekkulagnu babaittak daatteb dayeb am ena. Ag am hekkulag. Amge ag dottog amu noobppa dup nona binag mekkulagnu ii dabmetteb dayeb amu, laa pahanab ag aɗualadna, aab naɗi huan eotteppa buɗiadppeg tekkulag. Anam heppeg, kayak aun nug ag ehanatta, da eppelppanu eɗua diikku?” awa aum.

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Obadaia 1:10

Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.

Obadaia 1:12

Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Maika 4:11

Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Maika 7:8

⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.

Sepanaia 3:15

Aɗinu ag Israel danab ah ag amu hekkulag? Yawe Nug ag bu aoglagnu nai daatte am heeb, bu awak amu am iitta meeb, ag baula ii aomna. Nug ahilkad kekeɗ lamadkku. Yawe, Nug am Israel dilag king daatte, Nug Israel danab oolagppa daakku amunu, ag Israel, ag baula uug naunab laa ahilagppa tekkunu ii baɗamna; iitta.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

Malakai 1:5

Israel danab ah ag, ag keeke he nauhak amu ag amelagppa anadna, ag akkulag. “Aakku genab! Yawe Nug ig wanenigppa ɠagattag daatte, amu Nug ihinig tom ele eɗitta ukkak, Nug appa ele ɠagattag daatte,” aon akkulag.

Malakai 4:3

Da amu oh heppi bekku, deɗ amuppa ag nau hak danab eɗadkkulag. Ag eɗadkkulag amunu, kekeɗ ag aab uhuɗ bia, ag baelkad waappa daappeg, ag qaɗelagppa tappan gokkulag.” Yawe Nukka Ɠagattag Oh ele Nug anam awa atte.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.