Maika 6:9 - Nobonob Baibel

⁹ Danab nug Yawenu ebehi oh bodoetta le mette ele amu, danab amu nug am doyak dabmak ena ele amunu, ag Juda danab ah ag daulag human, Yawenu nai doyeg! Nug atte. “Ag dahil bu mettaknu dabmenan oinna, da ag bu madattem ele amu, ag dahilnu ele dabmettan dayeg!

Maika 6:9 ပူးပေါင်းရင်းမြစ်များ

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

Job 10:2

Da Kayak amegppa akkul. ‘Na diig lokkumakppanu da amelppa, na eheɗ heme, ii amananu oɗ medattem. Ao, na da eheɗ hemi akkutnu daatte dayeb amu, na da hipunin atten atten hemi appe dookkulnu unuqidttem.

Job 23:14

Nug aɗi maittak uug ele dahilnu matu awa, amu bekkunu ɗo meum amu, Nug he, nai amu aakku meu otte; nuhig dabmakppa kobol kuɗum laa amubia ele dahilppa bekkunu maittak awom daatte.

Job 5:17

Kayak Nug danab auntai laa tolitta bu medatte ele, danab amu nug itittak ena awom daatte. Anam amunu, na Laa Nukka Ɠagattag Oh Ele Nug na tolitta bu medatte, na amunu ena iinab doyak aib doome.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Sam 48:10

O Kayak, na am binan okkai ele amunu, danab ah wan atu ohppan ag na binan metteb. Nahip hak am genab, tutukku aakkuib.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Prowerb 22:3

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Aisaia 27:10

Amu Israelnu aab okkai ɠagattag aɗ ele am hele-ettak daaglag. Appa danab ah ii daamna. Makau gaiɗ ag appa ee lanan daan, appa ele niiglag. Ag ad eppegppan uɗug aon lappeg,

Aisaia 30:27

Yawe Nug umanunab uɗitte. Nug oo nauhak huanak aab ewewe, aab kah tette, amubia dootte. Yawe Nug nai uug naunab, oppoɗi bak ele maditte. Ao, Nug lemaɗu am aab aɗu, keeke oh ewadtte, amubia daatte.

Aisaia 66:6

Doyeg! Aab okkai Jerusalemnu oqotti okkai ahatte. Yawenu mettid lagppanu oqotti okkai uɗitte. Am aɗi oqotti? Oqotti amuam Yawe Nug nuhig kekeɗ ag eheɗ heppignu bu elele aakku madatte.

Aisaia 9:13

Anam bekku, amge Israel danab ah ag amu anidna, amuppa oolag eɗueb, laa ag bu madakku ele gumidna iinab gomana. Ag eɗun, Yawe Nukka Ɠagattag Oh Ele, Nug anidna dim lamidkkulagnu ii mattimna.

Jeremaia 26:18

“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.

Jeremaia 26:6

da heppi, lag dahil imu nauhakib daakku; anukka da hei, aab Silo nauhom, amubia nauhak daakku. Da amu heppi, wan atu ohppan danab ah ag aab okkai Jerusalem onig aon, eheɗ laa awaknu anak waappa dayaknu nai ahilagppa mekkulag,” awa atte.’ ” Yawe Nug Jeremaia anam akkunu aum.

Jeremaia 47:7

Amge Yawe Nug qep elab amu Pilistia heeb nauhkkulagnu haknunab aum amunu, qep elab amuam attem ha, hamu daakku? Ao, Yawe Nug qep elab amu Askelon, Pilistia yu ihippa daatteb ele aqakkunu, ag ele ban hekkulagnu haknunab aum amunu, qep elab am attem ha, amu ii hema?

Esekiel 7:9

Da ag anatte, oo doyak ii doopa! Ge, da ag anatte, bu madakkulnu ii uupa. Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da amu heppi, ag dooglag, da Yawe, da nob nau amu mattami.

Hosea 13:16

Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Amos 2:5

Juda danab ag anam heppig amunu, da heppi, Juda wan eweb; Jerusalemnu aab aɗ ɠagattagnab, aab amu ele ewatteb, iitta mekkulag.” Yawe anam awa atte.

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Maika 6:10

Ag Juda danab ah ag nau hetteb ele, ag danab laa dilag keeke ib tutukku iittappa aon, ahilkad en daatte amu, da kobol ahilag amu hamu daul atikkunu dabmettebte? Ag melemel tutukku iitta, melemel amubianu da naunab nau doottem amu, ag melemel amuppa keeke meegeg daden metteb, am da kobol eheɗ amu ele hamu daul atikkunu dabmettebte?

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Sepanaia 3:2

Jerusalem danab ah ag ulum nai laa oɗeppa aoglagnu uun autna aotteb. Ao, laa nug daulag batebeb, ag nai nuhig ii doomna; uuglag. Jerusalemnu danab ah ag Yawenu oolagppa genab ii dootteb. Ag ahilag Kayak ii dim lamidtteb.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!