Maika 6:8 - Nobonob Baibel

⁸ Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Maika 6:8 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 5:22

Metusela doum dimppa amu, Enok nug maɗ 300 baula dayeye, Kayak ele oittapiɗ. Haen amuppa nug bekkod aɗekkud laala ele, ag doppig.

2 Stori 30:11

Danab laippu laippu aakkuib, ag Israel dilag huu okkai Asernu, Manasenu, Seblonnu ele, danab laippu laippu amu ag akka ag onilag qeeg ne, ag Jerusalem teppig.

2 Stori 32:26

Anam daye, Hesekaia nug dada danab ooppa doyak kobol dim lamidkkun uua, oo eɗue, Jerusalem danab ah ag ele oolag eɗuom amunu Yawe Nug ag Hesekaia bau dayom haenppa bu ii mattom.

2 Stori 33:19

Propet danab ag nai bukppa yaappig amu, buk amuppa ag Manase nug Kayak unuqittom, Kayak Nug unuqittak amunu Manasenu oo doye, ehanittomnu nai, aria Manase nug nuhig hipunin haknu nai, amu Kayak ippunittomnu oo metta ii uuak kobol dim lamidkkunu uua hak nuhig elenu nai, amu aben adekku adekku nug kayak hambuppuak dilag mettid lag nakok babaittomnu nai, nug kayak hambuppuak Aserah dabmekkulagnu biidod, kayak hambuppuak dottolkad ele qappalattomnu nai, nug amu oh haaha oiyaya, dimppa nug nukka nug onig qe neum amu, propet ag ahilag bukppa keeke amu oh yaappig.

2 Stori 33:23

Amon nug mameg heum bia anam heum, amge nug mameg Manase, nug uug nau doya, nukka Yawe noobppa nug onig qe neum, amu Amon nug anam ii heum. Iitta. Nug he, nug beɗuppa aab tuɗittak, okkai dayom.

2 Stori 34:27

‘Na nai laa, nai amuppa uug naunab wan imuppa, wan imunu danab ah ele dilagppa bekkunu daatte doon, na uug doon, na nakka na da, Kayak, na da noolppa na onin qe ne, na nahip lamen elab pattiɗna, da noolppa amen leb neum amunu, da nahip unuqittak doomi.’ Yawe Nug anam atte.

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Sam 101:1

Da nahip oo mauhaknab kobolnu, nahip nai doya mala hettoɗia epeɗia elele mettak kobolnu ele ahi edakkul. O Yawe, da ahippa na binan mekkul.

Sam 112:4

Haen genab tutukku hak danab ag gatatuppa daatteb amu, amahlak ahilagppa amahaltte. Yo, kobol amuam oo bodoette enanag maɗoɗ ele hak danab, oo bodoetta le mak danab, amu genab tutukku hak danab ele, ahilagppa bette.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Sam 37:26

Genab tutukku hak danab, ag haen oh keeke mettaknu oolag qak iitta henana, ag ele lon ena, eɗua mettaknu uug iitta laa dilagppa hetteb; Ag ahilkad nid ele, ag itittak ena laa madatteb.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Aisaia 56:1

Yawe inam atte. “Danab ah padal memananu ehanittak kobol dahilnu amu, ehanittak amunu haen am miagnab doum daatte; am uma iitta. Ge, dahil genab tutukku hak kobolnu amu, kobol dahil amu miag atiak daakkunu haen miag uɗiom daatte amunu, ag nai doya mala hettoɗia epeɗia elele mettak kobol dim lamitteg! Ao, ag kobol tutukkuib dim lamitteg!

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Jeremaia 22:16

Nug daɗek danab eheɗ ii heppig, nug hettoɗiak haenppa ehanatte, ag eheɗ ii aoppig amunu, keeke oh nuhignu elele ukkom. Danab nug kobol amu hette amu, nug da dooiɗtte. Laa nug kobol amu ii hette amu, nug da ii dooiɗtte,” awa atte.

Jeremaia 22:3

Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Gayak Nai 3:26

Ig bodoettak, oonigppa maɗoɗ ele Yawe ehanikkeb, ig padal ii mematanu ameg mekkunig am ena;

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Esekiel 33:14

Am laa amu, da nau hak danab laa nug nau aomanu dabmettak nai amegppa, “Na genab mauhkkut,” appi, nug amu doya, nug oo eɗueb, hipunin digdig heumnu baula hekkunu uua, nug nai doya mala hettoɗia epeɗia elele mettak kobol, genab tutukku hak kobol ele digma hekku dayeb amu,

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Hosea 12:6

Anam amunu, gemu amu, ag Israel danab ah ag ahilag Kayak toppa eɗun gokkulagoitte! Ag haen ohppa oo mauhaknab kobol, nai doya mala hettoɗia epeɗia elele mettak kobol ele dim lamidkkulagoitte. Laa amu, ag haen oh, Kayak, Nugib am ahilag Kayak, ag Nug doon, nuhignuib oolagppa genab dooglagoitte.

Hosea 6:6

Amunu diig am, da ag laanu oolag gai-iitta doon, oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem. Ao, ag da, Kayak, ag da genab dooiɗkkulagnu da anuqak doottem. Da ag manaknu ofa, da meɗaglagnu anuqak ii doottem,” awa atte.

Amos 5:24

Ag hambuppuak kobol amu oh uueg! Amge ag nai doya mala hettoɗia epeɗia elele mettak kobol lailkad dilagppa, le okkai ugakkaib gotte bia dim lamitteg! Ao, ag genab tutukku hak kobol, lenag laa hanhan ugakkaib daatte, iitta ii mette, ag amubia henanaib dayeg!

Maika 6:9

Danab nug Yawenu ebehi oh bodoetta le mette ele amu, danab amu nug am doyak dabmak ena ele amunu, ag Juda danab ah ag daulag human, Yawenu nai doyeg! Nug atte. “Ag dahil bu mettaknu dabmenan oinna, da ag bu madattem ele amu, ag dahilnu ele dabmettan dayeg!

Sepanaia 2:3

Ag Juda danab ah laa ag akka ag onilag qeeg ne, ag Yawenu haknunab anak dim lamidtteb ele amu, ag Yawe ehanadkkunu ii daye daye Nug oɗ metteg! Ag genab tutukku hak kobolnu ippu, laa nukka onig qeeb nak kobolnu ippu ele anidkkulagnu mattieg! Ag amu hekkulag dayeb amu, deɗ Yawe Nug danab ah bu madakku, deɗ amuppa Nug ag guppiɗ qalakppa maatteb, ena daaglagtai.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Luk 10:42

amge keeke laippuib am okkai daatte, am Maria nug keeke ena amu tituanom. Keeke ena nuhig amu ig aɗidta ii aomta,” awa aum.

Luk 11:42

Amge o gadonnab gadon ɗo gumak danab-Parasia, ag dabmeig! Ag dattanu keh naunau amu oh oppateg, ameg eblaih tanig ele neeg, ameg laippu ag Kayak medatteb, amge ag nai doya mala hettoɗia epeɗia elele mettak kobol, Kayaknu oo mauhak kobol ele ii dim lamidna oitteb. Ag ɗo ii dim lamidtteb, amu laa dim lamidtteb ele, ag amu oh dim lamidlob, amuib am tutukku.

Luk 12:14

Nug anam aum amge Jesus Nug amegppa aum. “Amu attemun? Aun nug da aa epeɗiatkkulnu meiɗa, amu ahilah keeke otikkulnu ele meiɗom?” awa aum.

Luk 6:36

Amunu ag Mamelag, Nug danab dilagnu oo gai-iitta doya oo metta ehanadtte, amubia ag laa dilagnu oolag gai-iitta doon oolag mattan ehanatteg!” awa aum.

Rom 7:16

Aria, da kobol oh, da hekkulnu ool ii hette ele, da kobol amu hettem dayeb, da dahil kobol amuppa da, “Ɗo am ena,” awe attem

Rom 9:20

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

1 Korint 7:16

Ah na geha na danab nahip ehanidppe, nug oo eɗueb Kristen daakkute o iitta amu, na ii doottem. Aria danab na, geha na ah nahip ehanidppe, nug oo eɗueb Kristen daakkute o iitta amu na ele amu ii doottem.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Duteronomi 27:10

amunu, ag Yawe, ahilag Kayak, ag Nug oɗe doon, ag haknunab anak nai, amu ɗo ele, da gemu ag madattem imu aɗeg!” awa aum.

Duteronomi 30:15

Antte! Gemu amu, da ib aɗit ippuanatti, ag ib laa tituankkulagnu daatteb. Ag ib laa dim lamidkkulag dayeb amu, ag bau daanna, ag keeke ena aoglag, amge ag ib laa dim lamidkkulag dayeb, ag mauhna, padal mekkulag.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.