Maika 6:6 - Nobonob Baibel

⁶ Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Maika 6:6 ပူးပေါင်းရင်းမြစ်များ

2 Samuel 21:3

Dawit nug ag onilagppa e uɗieg, nug ag oɗ mattom. “Da ahilagnu aɗi hekkul? Ag ig Israel, ag ig ena itigkkulagnu amu, da aɗi kobol heppi, ag amuppa, ‘Nug kobol heum, kobol amu nug he, ihinig uug babaittak daatte,’ akkulag?” awa aum.

Sam 116:12

Da aɗitai keeke laa Yawe Nug dahilnu ena heumnu nob ena medakkulnu laa iitta.

Sam 22:29

Dada hak danab ah ag Nug noobppa dup nokkulag. Yo, aun aɗi ag bau daan mauhtteb, ag Nug noobppa dup nokkulag.

Sam 95:2

Ig Nug gumidta, Nug noobppa gota, amegppa, “Ena heme,” akkunig. Ao, ig musiknu keeke qaadtat, ig ahi ena ena ele Nug binag meta edatu!

Sam 95:6

Yawe Nug am ihinig Kayak amunu, doppeg ig Nug noobppa dup nota binag metu! Ao, ig laa Nug ig heikkom ele, ig Nug noobppa gota, gatenig qaun okkunig. Nug danab ag sipsip elelenab gumadtteb, amubia Nug ig danab ah gumigtte. Ao, ig sipsip gikkiɗah aon latteb, amubia ig ee keeke aottem amu, Nugib ig megatte. Ag gemu Kayak Nug nai inam atte amu, ag daulag human doyeg!

Eksodas 12:5

Amu ag anen anen doɗ sipsip gaiɗ laa, o meeme dawai laa, maɗ laippu awak ele, ag amu laa tituaneg! Ag doɗ sipsip, o meeme nug beɗu enaib daatte tituaneg! Laa nug beɗu ihi mettak ele, o nug eppeg baeg keeke kaliak ele, o beɗuppa uug aɗi laa daatte ele amu, ag doɗ amubia aib aoppig.

Eksodas 23:15

Hobul amu laa am Bret Yis Iitta Lanaknu Hobul Nakok. Ag hobul amu gamag ahak ele hena, da ag Israel amelagppa haknunab ami, amubia ag bret yis iitta deɗ ebqak eblaih aɗit ele lakkulag. Da ag amu hekkulagnu haen tituanmippa hekkulag. Da haen tituanmi am kalam onig Abib, kalam amuppa ag Israel ag Isip uun uɗippig amunu, ag kalam amuppa hobul amu heig! Ag amu henana, ag ɗo hamu mettak dahilnu aon uɗiglagoitte. Ag hamu aib uɗippig.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 21:3

Danab nug Yawenu mana mettak hekku dayeb amu, amuam ena; amge danab nug kobol tutukku, amu nai doya mala hettoɗia epeɗia elele mettak kobol ele hette amu, amuam Yawenu neekkakppa enanag.

Aisaia 40:16

Danab laa nug tutukku manaknu ofa laa hekku dayeb amu, ad oh Lebanon appa daatteb, am aab amu awa ileb, mana mettak amu eweb iitta mekkunu elele iitta. Doɗ ⌊mana mettaknu elele⌋ appa ana daatteb ele amu, ag ele ebqak ahilag am elele iitta.

Jeremaia 6:20

Juda danab ah, ag Sebanu kalu danab ile muttuɗig enanag bette, ag kalu amu amotna, da meɗatteb, amge ag hipunin hekkulagnu ii uutteb amunu, da kalu amunu ool hettete? Da amunu oolppa ena doottemte? Iitta! Ao, ag goɗen muttuɗig enanag hekkulagnu wan umanabnu keeke qaittobttob bia onig kalamus aon, da meɗatteb, amge ag hipunin hekkulagnu ii uutteb amunu, da kalamus amunu ool hettete? Da amunu oolppa ena doottemte? Iitta! Manaknu ofa ahilag amu, ag am pehettak iitta; da ii aopa. Ao, ahilag mana mettak laa amu, da amunu ena ii doottem.” Yawe Nug anam atte.

Esekiel 46:9

Amge haen Israel danab ah ag hobul dayaknu haen epeɗiak, ag hobul amuppa da amibia ag da Yawe, da noolppa dup nona binal mekkulagnu da noolppa dokkulag amu, auntai laa nug od yawalti uɗitteppanu daatte, nug od amuppa uɗikku, aria nug eɗua ugakka, nug od amuppa eɗua dimittim aib ukkom. Iitta. Nug od yau uɗitteppanu daatte, od amuppa ukka noa, dimittim ukkaɗ! O auntai nug od yau uɗitteppanu daatte, nug od amuppa uɗikku, aria nug eɗua ugakka, nug od amuppa eɗua dimittim aib ukkom. Iitta. Nug od yawalti uɗitteppanu daatte, od amuppa ukka noa, dimittim ukkaɗ! Israel danab ah oolagppa auntai laa nug od laihnuppa uɗia, od amuppaib eɗua ii goma. Iitta. Laihnu uɗitte amu, nug eɗua, od laih, od amuam od nug uɗiom ele noobppa daatte amu, nug od amuppa ukkaɗ!

Daniel 3:26

Nebukatnesar nug anam awowa, aab ilappig ele, lag oo am laippu, gilil men o wanppa hak keeke, ag oo amuppa aab ilappig, Nebukatnesar nug oo amunu od guguittak ukka, nug ewa aum. “Satrak, Mesak, Abetnego ele, ag Kayak Attannab Laa Oh Eɗattak waappa daanna nuhig maɗi nid daatteb ele, ag dimittim, dahilppa uɗieg!” awa eum. Nug anam e amu, ag dimittim uɗippig.

Daniel 4:9

Daniel nug da gumiɗa uɗie, da nug amegppa ami. “Beltesasar, na doyak danab oh ikki amu, kayak ouɗi nahip-ppa daatteb am da doottem. Aɗi keeke lokkumak daatte, o lokkumaknab daatte, o lokkumak attemnab daatte amu, na keeke amu heppe, miag atiak daakkunu elele. Da tul niien, keeke uug ele anidmi amunu, da tul niiak amu appi doon, na amunu meu appe doyei!

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Daniel 5:21

Nuhig dabmak eɗua, doɗ dilag bia daye, laa ag lamitteg ukke, nug danab ah ii daattebppa donki dakkuɗ ele daanna, nug makau gikkiɗah latteb bia gikkiɗah laum. Baito habppanu na, nug laittom. Nug anam daye ukke, nug Kayak Attannab Laa Oh Eɗattak Nug wanppan ɗo maɗoɗ oh gumadtte, Nug aun nug ahilag okkai daakkunu oo hette, nug king abenab medatte, nug dabmak amu tutukku doya, elele aɗa oiye, uug aguppa batom.

Hosea 5:6

Ag geha Yawe anidna, Nug dim lamittaknu Nug mattinna, ag ahilkad sipsip, meeme, amu makau main, Nug mettaglagnu akkan uɗiglag, amge ag Nug ii anidmana; Nug nukka awaitta, piɗe ukkom daatte.

Amos 5:22

Ag manaknu ofa hekkulagnu doɗ aon uɗin, manadna meɗaglagtai, o iitta ag ee aegnu ofa da meɗaknu ee aeg akkan uɗin, manan meɗaglagtai. Ag amu hekkulagtai, amge ⌊ag hipunin uuglagnu uun autna aotteb amunu,⌋ da mana mettak amu ii aopa. Yo, ag da ele laippu dayaknu ofa hekkulagnu doɗ ena ena akkan uɗin, manadna meɗaglagtai, amge ⌊ag hipunin uuglagnu uun autna aotteb amunu,⌋ da mana mettak amu ii dabmepa.

Matyu 19:16

Aria, danab laa Jesus gumitta uɗia aum. “Ippunittak danab, da aɗi keeke ena heina da bauklel hanhannu aokkul?” awa aum.

Mak 12:33

Amu na nuhignu na meut ohppa, nahip dabmak ohppa, nahip ɠagattag ohppa ele oot mauhkku, amu na nakka nahipnu oot mauhtte, amubia na laipad dilagnu oot mauhkku, keeke aɗit amu aa manaknu ofa oh, mana mettak laa oh ele eɗidttep,” awa aum.

Mak 5:7

Nug gateg qaun o amu Jesus Nug ouɗi nau, danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainabppa ewa aum. “Jesus, na Kayak Attannab Laa Oh Eɗattak Bekka. Na da attem heiɗkkutnu hettem? Na Kayak onigppa nahip nai ɠagattag qena, na da guittak nau ii meɗamnanu akkutnu oɗ medattem!” awa eum.

Luk 10:25

Aria, deɗ laa ɗo mehuqak danab doyak okkainab ele laippu laa aha, nug Jesus eheɗ aab anidkkunu oɗ ma aum. “Ippunittak danab, da attem heina da bauklel hanhannu aokkul?” awa aum.

Jon 6:26

Anam aeg amu Jesus oɗelagppa awa aum. “Da genabnab genab ag amelagppa attem. Ag Kayak dabmettaknu kobol danab haknu elele iitta da hemi amu, ag amu anidppig, amge ag diig amunu da ii mattiɗna uɗippig. Iitta. Ag bret laeg, oolag dittiom amunuib uɗippig.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

Aposel 16:30

Na qa, eɗua aha, nug diiata dimittim wana, oɗ matom. “O danab naɗi aɗit, Kayak Nug da eɗua awiɗkkunu amu, da attem hekkuloitte?” awa aum.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Epesus 3:14

Da Kayaknu dabmak amu dabmein, da amunu Mame noobppa gatel qaun ottem.

Hibru 10:11

Aria, mana mettak danab oh ag deɗ deɗppa maɗi ahilagppa hippaidtteb. Ag baubau mana mettak iɗu iɗu amuib hetteb, amge mana mettak anam am hipunin uhuqaknu elele iittanab.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.