Maika 6:5 - Nobonob Baibel

⁵ O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Maika 6:5 ပူးပေါင်းရင်းမြစ်များ

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Sam 143:11

O Yawe, danab ah ag na oninnu dabmak anuqak aoglagnu amu, na da mauhpanu ehaniɗkkutnu oɗ medattem. Keeke oh na hettem amu, amuam genab tutukkuib, amu na ehaniɗppe, da uug imuppa ii daapanu unuqidttem.

Sam 36:10

Laa ag na dooidna, oɗen dim lamidtteb amu, na ahilagnu na oo mauhaknab kobol nahip tuqan ii aomnanu unuqidttem. Ao, genab tutukku hak danab ah amu, na ahilagnu genab tutukku hak kobol tuɗidna dim lamidnana ehanadkkutnu oɗ medattem.

Sam 71:19

O Kayak, nahip genab tutukku hak am attannab daatte. Na, laa iitta, na keeke okkai okkai kuɗum heme. Auntai laa nug na bia ii daatte. Laa iitta.

Aisaia 1:27

Yawe Nug nai doya mala hettoɗia epeɗia elele mettak kobol dim lamitta heebeb, Juda danab ah ag laa eppegppa dayaknu qagaiettakppanu eɗua uhuqak ha madakku. Nug genab tutukku hak kobol dim lamitta haaha, Sion danab ah, ag oolag eɗuom ele, Nug ag laa eppegppa dayaknu, qagaiettak amuppanu uhuqadkku.

Namba 22:41

Aria, deɗ amu uue, wagɗe buttua Balak nug Balam omale, aab okkai Bamotbal, appa tepiɗ. ⌊Aben amuam nakok attan amunu⌋ appanu amu, Balam nug Israel laala anadkkunu elele.

Namba 23:27

Balam nug anam a amu, Balak nug Balam amegppa aum. “Doppe, da na awitte, aben laappa ukkei, appatai Kayak Nug na dahilnu ag eheɗ laa awaknu anak waappa daaglagnu nai akkutnu oo ena dookkutai,” awa aum.

Namba 25:1

Amu Israel ag Sitim appa daanna, Israel danab ag digmena, Moap ah ele niippig.

Namba 25:2

Moap ah ag Israel danab ele niiona amu, ag danab amu gona, ag kayak hambuppuak ahilkadnu mana mettak hekkulagppa oh daaglagnu appig. Moap ah ag anam aeg, Israel danab ah kuɗum ag ele oh gona, ag appa ee lanana, kayak hambuppuak amu noolagppa dup nona binalag meppig.

Namba 31:16

Ah amu ag aakku, ag Balamnu ulum nai dim lamidna, ag Peor appa ⌊Israel kobol nau hekkulagnu oolag eeɗna⌋ heeg, Israel danab ah Yawenu oo metta ii uuak kobol ii dim lamidna, hipunin heppig. Ag anam heppig amu, ag amu iite dootteb? Ah amu ag anam heeg amu, oɗe nau danab kuɗum aqe mauhtteb ele, oɗe amu Yawenu danab ah dilagppa beum.

Namba 31:8

Danab aqappig oolagppa amu Ewi, Rekem, Sur, Hur, Reba ele. Danab amu, ag am Midian ooppanu king tanig ele. Ag Balam, Beor bekka, ag nug ele qep elabppa qeeg mauhom.

Namba 33:49

Ag Moap uɗemppa Jodan le guguittak haen tutu dayaknu aab kalan daappig amu, ag amuppa aab elab kalappig. Ag digmak Bet Jesimot appanu daaeg ukka, Abel Sitim waum.

Epesus 2:11

Aria ag iitta aɗi, anukka Juda, ag akka eppelagppa ag beɗulagnu gaɗalag otaɗtteb ele amu, ag ahilagnu amu, “Ag gaɗalag ii otaɗtteb ele,” aon adappig amu, ag iitta aɗi ag anukka attem daadttappig amu daulagppa doaɗ!

Duteronomi 16:3

Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.

Duteronomi 23:6

Ag maɗoɗ dayaknu Moap, Amon ele oolag laippu dayeb, nug tituanna nai qakkak nai laippu aib qagappig.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Duteronomi 9:7

Ag Yawe, ahilag Kayak, ag Nug atu taɗakppa heeg, Nug oppoɗi beum amu, ag amu oh ag daulagppa doaɗ! Haen ag Isipnu digmen ahappig uɗie, gemu ele, ag Nug oɗe tappaeg neene daatteb.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 3:1

Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Josua 4:19

Kalam digmaknu deɗ eblaih tanig eleppa, Israel danab ah ag aben Jodan le daugppa daappigppa amu uun, ahan gonana, aben laa onig Gilgal, appa ag haen tutu dayaknu aab kalan daappig. Aben onig Gilgal am wan laa, aab okkai Jerikonu tomnu kaɗag uɗitteppanu daatte, am wan amuppa, tom guguittak daatte.

2 Pita 2:15

Hambuppuak ippunittak danab amu, ag ib tutukku ettan, ib eheɗppa gotteb. Ag Beor bekka Balam, nug ib dim lamittom ele dim lamidtteb. Balam nug men doɗonu oo mauhe, kobol nau haaha, men doɗo aokkunu dabmeum.

1 Jon 1:9

Ig ihinig hipunin Kayak amegppa miagib mattignig dayeb, Nug oo metta ii uuak kobol, aria nai doya mala hettoɗia epeɗia elele mettak kobol ele dim lamittatta, Nug ihinig eheɗ hak oh uhuqa mekka heeb, ig oppiak daagnig.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.

Ikki Danab 11:25

Na am Sipor bekka Balak, Moap dilag king eɗidttemte? Nug Israel ag Amo dilag wan amu aoeg, nug aha, ‘Wan amuam dahil, ag meɗeg!’ aumte? Nug ban ukkomte? Iitta! Nug anam ii heum.

1 Samuel 12:7

Amunu ag gemu ippa hippaidna daappeg, da Yawe, Nug ag, amu ag mamelkad aɗi ele ehanadkkunu kobol genab tutukku okkai ele hattom, da amunu ag daulagppa eɗua dokkunu appi dooglag.