Maika 6:3 - Nobonob Baibel

³ ⌊Amu Yawe Nug atte.⌋ “O danab ah dahilad, da ahilagnu aɗi eheɗ laa hemi? Da kobol eheɗ laa aɗi hei, ag bahilag yom? Ag oɗmak amunu nob mena meɗeg!

Maika 6:3 ပူးပေါင်းရင်းမြစ်များ

Sam 50:7

Kayak Nug atte. “Dahilad danab ah, da appi, ag doyeg! Ao, Israel danab ah, da ahilag eheɗ haknu amu appi, ag dooglag. Da Kayak, Da ahilag Kayak.

Sam 51:4

Da hipunin na, nahip-ppanab hemi. Ge, da nahip neekkakppa eheɗ hemi. ⌊Amu genab, da hipunin laa dilagppa hein, ahilagnu eheɗ hemi, amge diigppanab⌋ da hipunin nahip-ppa hemi. Ge, da nahip neekkakppa eheɗ hemi. Da hipunin hemi amunu, na Kayak, haen na dahilnu, “Na hipunin heme,” attem am, na tutukkuib attem. Yo, haen na da hettoɗiakppa meiɗna, na kobol tutukkuib hettem.

Sam 81:13

Amge O gadon! Danab ah dahilad ag genab da dooiɗlob! Ao, Israel ag da ippul dim lamiɗlob,

Sam 81:8

O dahilad danab ah, da ag nau aomnanu nai attem imu doyeg! Ao, Israel danab ah, ag dahil nai doolob!

Aisaia 5:4

Amu muɗi grep nug geha ba, meu ena okkunu da uɗat ena hemi, amge aɗinu muɗi grep ag meulag, meu doɗo naunau ona, lanaknu ena iitta, mua ele oppig? Am keeke laa haknu dayomtai, da keeke amu iite hemi?

Jeremaia 2:31

Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?

Jeremaia 2:5

Yawe Nug inam atte. “Ag mamelkad aɗi ag da Yawe, ag dahilnu eheɗ aɗi laa anidppig amunu ag da uuiɗna, umanab goppig. Ag kayak hambuppuak, danab ah ehanadkkulagnu elele iitta, ag dottolkad amu dilag dabmena dim lamidnana, ag ele hambuppuak bena, aɗi keeke genab laa hekkulagnu elele iitta daappig.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.