Maika 6:1 - Nobonob Baibel

¹ Ag Yawenu nai imu ⌊Nug da, Maika, da amelppa aum⌋ amu, ag doyeg! Nug atte. “Na ahan, da Israel danab ah naippa yaaladttem amu, na nai amu appe, qauko ag doyeg! Ao, na appe, qauko nakok da Israel danab ah naippa yaaladttem amu, na nai amu appe, ag doyeg!

Maika 6:1 ပူးပေါင်းရင်းမြစ်များ

Sam 50:1

Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 50:4

Kayak Nug nuhikkud danab ah epeɗiadkkunu, Nug hab, wan ele aa uɗiya, aa laa aɗi heehe anttomnu mattiak danab daayya, anidpiɗnu akkulahnu onilahppa ette.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Aisaia 3:13

Yawe, Nug danab ah nuhikkud ohnu nai doya mala, hettoɗia, epeɗiadkkunu hettoɗiak abenppa, nuhig dayak abenppa teum daatte. Nug hettoɗiak abenppa hibaittom daatte.

Jeremaia 13:15

Juda danab ah, Yawe Nug aum amunu, ag daulag human, nai doyeg! Ag beɗuppa tak aib heppig!

Jeremaia 22:29

O Juda danab ah. O Juda danab ah. O Juda danab ah, ag Yawenu nai doyeg!

Esekiel 36:1

Yawe Nug da amelppa inam aum. “Danab bekka, na dimppa aɗi bekkunu nai imu Israel dilag qauko, ag danab daalolob, na ag amelagppa anana, na ‘O ag Israel dilag qauko, ag Yawenu nai imu doyeg!’ ana,

Esekiel 36:8

Amge ag Israel dilag qauko, Israel danab ah ag paha eɗun uɗiglag amunu, Israel ag ee lakkulagnu ad ahilagppa bena, meu okkulag.

Esekiel 37:4

Da anam ai, Nug da amelppa aum. “Na dimppa aɗi bekkunu nai ebehilkad imu amelagppa, ‘Ag ebehilkad qaɗaiedappig ele, ag Naɗi Yawe Nug ag amelagppa nai atte amu, ag doyeg!’ appe doyeg!” awa aum. Amu nai nug ebehilkad imu amelagppa aum am inam. “Da heppi, ⌊ag baula danab ah beɗulag aoppeg,⌋ da geha ouɗi ahilkadppa iwalppi nob, ag bauklel daaglag.

Esekiel 6:3

Na nai mattinna, na inam a! ‘O Israelnu qauko, ag Naɗi Yawe, ag nuhig nai doyeg!’ Naɗi Yawe Nug qauko okkai, qauko nakok, oolnu noak nakok, oolnu noak okkai ele, Nug ahilagnu inam atte. ‘Da ahilagppa ban hein, da heppi, kayak hambuppuak dilag mettid lag nakok ahilagppa daatteb amu, lag amu oh nauhna autna aoglag.

Amos 3:1

Ag Israel, ag Yawe Nug ag eheɗ heppignu aum amu, ag nai amu doyeg; Nug nai aum amu, Nug ag aun aɗi, Nug ag Isipnu diia uɗiom buɗulkad daatteb amu, Nug ahilagnu aum.

Maika 1:2

Naɗi Yawe, Nug ⌊Israel⌋ ag eheɗ heppignu ab dooglagnu, Naɗi Nug nuhig mettid lag nuhignu tituanak daatte, Nug appanu ⌊Israel ag eheɗ heppig⌋ ab ag dooglagnu, ag danab ah wan ohppa daatteb, ag doyeg! Ao, ag danab ah ag laih laih ohppa daatteb amu, ag oh daulag humeg!

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Maika 5:15

Amu wanppan wan laa oh dilag danab ah ag dahil nai ii dim lamittegeg uɗie, gemu ele dim ii lamidtteb amu, da oo nauhak, oppoɗi bak ele doyen, da ag eheɗ heppignu nob tutukku madakkul,” awa atte.

Maika 6:2

Qauko, ag Yawenu nai, Israel dilagnu doyeg! Ao, wan ukku, ag daulag human, ag Yawenu nai, Israel dilagnu ele doyeg! Aɗinu ag nai amu dooglag? Yawe Nug nuhikkud danab ah dilagnu nai ele. Ao, Nug nuhikkud danab ah dilagnu nai ele amu, Nug nai amu hettoɗiakppa mette.” Yawe Nug da Israel amelagppa anam akkulnu aum.

Luk 19:40

Aon aeg amu Jesus Nug ag anam appig amunu amelagppa aum. “Da ag amelagppa attem, imu ag oɗelag qamutppeg amu, men ag ekkulag,” awa aum.

Duteronomi 32:1

⌊Danab ag laa nai mattiegeg dootteb bia,⌋ O hab, da nai madippippi, na doye! O wan, na da nai madittem imu doye!

Duteronomi 4:26

amunu, gemu da hab, wan ele aa dopeɗ, da nai imu Israel, ag amelagppa madippi, aa dooyya, dimppa aa da genab ag Israel danab ah, da ag amelagppa ami akkulahnu elele daaglah. Ag Israel, ag Jodan mataɗna wana, wan aon daaglagnu daatte, amuppa daaglagnu hetteb, amge diig amunuib ag haen elab appa, wan amuppa ii daamna. Iitta! Aɗinu? ⌊Ag digmen, kayak hambuppuak dim lamidkkulag dayeb,⌋ Yawe Nug genab heeb, ag padal mena autna aoglag.

1 Samuel 12:7

Amunu ag gemu ippa hippaidna daappeg, da Yawe, Nug ag, amu ag mamelkad aɗi ele ehanadkkunu kobol genab tutukku okkai ele hattom, da amunu ag daulagppa eɗua dokkunu appi dooglag.

1 Samuel 15:16

Saul a amu, Samuel nug aum. “Uuppe! Da Yawe Nug tuqan da amelppa aɗi aum amu, da nai amu appi dookkut,” awa aum. Nug anam a amu Saul nug aum. “Na appe doyei!” awa aum.