Maika 5:10 - Nobonob Baibel

¹⁰ ⌊Israel ag oɗo yaak danab ah daatteb amu, ag anam hekkulag, amge tatam ahilagnu⌋ amu, Yawe Nug atte. “Deɗ amuppa amu, da ahilkad hos banppanu amu, da heppi mauhkkulag, Ao, da bannu karis ele heppi nauhna autna aoglag.

Maika 5:10 ပူးပေါင်းရင်းမြစ်များ

Aisaia 2:7

Wan ahilagppa silwa, gol ele am ambak. Amu en ele huanak, okkai ahilagppa daatte. Wan ahilagppa hos am ambak Amu bannu karis ele am kuɗum, huanak ahilagppa daatteb.

Jeremaia 3:23

Anukka ig qauko nakok igippa kayak hambuppuak noolagppa dup nota binalag metata, muttub ele qemut, amge amu oh am ii ehanikkom. Yawe, Nug ig Israel, ihinig Kayak, Nugib ehanikkeb, ig padal ii memata.

Hosea 1:7

Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Hagai 2:22

Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Sekaraia 9:10

Yawe Nug inam atte. “Da geha heppi, ban haknu karis ag baula Israel appa ii daamna. Ao, da heppi, hos banppanu ag Jerusalem appa baula ii daamna. Ge, da geha ban haknu lat heppi qiiadkkulag. Amu king ahilag Nug geha heeb, wanppan wan ohppa ag ban kobol uuna, ag maɗoɗ ele daappeg, ahilag king nug geha danab ah wan atu ohppanu gumadkku. Yo, Nug geha le naɗi Yupretis appanu digma ukka, wan batakppa ele gumadkku.

Duteronomi 17:16

Am king nug nukka nuhig hos kuɗum ele daakkunu ii hema. Nug danab nuhikkud maatteb, Isip gona, hos daden ii mekkulagoitte. Aɗinu? Yawe Nug ag amelagppa aum. “Ag eɗun, Isip ii gokkulagoitte.”