Maika 5:1 - Nobonob Baibel

¹ Kekeɗ ag uɗin, oo mekkan iqaglagnu daatteb amunu, Juda dilag anuqak danab, ag appeg, ban danab, ag ban hekkulagnu babaittak dayeg! Kekeɗ ag Israel dilag okkai hippeg buppa makkuɗkkulag.

Maika 5:1 ပူးပေါင်းရင်းမြစ်များ

Genesis 35:19

Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

2 King 24:2

Haen amuppa Yawe Nug danab ag ban hena, danab aqadna, ahilkad keeke aotteb amu, Nug danab amu Babilonnu, Aramnu, Moapnu, amu Amonnu ele, ag Jehoiakim ele ban hena, Juda wan heppeg nauhkkunu maatte goppig. Yawe Nug nuhikkud maɗi nid propet oɗelagppa mehuqom amu, am anamnab beum.

Job 16:10

Kayak Nug anam heehe, danab ag aon aon iutteb. Ag dahilnu, ‘Keeke hamunab,’ doon, eppelag oohap tena, ag da hippel laih laih mataɗtteb. Ag da eheɗ heiɗkkulagnu qagmena, dahilppa uɗitteb.

Prowerb 8:23

Ge, Yawe Nug da digmakppa heiɗom; Nug wan ii heum haenppa, da heiɗom.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Aisaia 8:9

Ag wan atu ohppan danab, ag ban hekkulagnu babaitteg! Amge ⌊Yawe Nug heeb,⌋ ag nauhkkulag. Ag danab ah oh wan uma umanu amu, ag oh ag daulag human, dabmetteg! Ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ao, ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ag ahan, ⌊Juda ele⌋ ban hekkulagnu dabmak naɗi aweg! Amge ⌊Yawe Nug heeb,⌋ ag nauhna autna aoglag. Ao, ag ahan ⌊Juda ele⌋ ban hekkulagnu maittak aon, ag nug ippunitteg! Amge ⌊Yawe Nug heeb,⌋ ag nauhna autna aoglag. Aɗinu? Kayak ig ele daattem.

Aisaia 9:5

Amu ban danab dilag keeke beɗulagppa mena gona, ban hetteb ele, amu oh geha aab eokku. Baeg gaɗa okkai okkai ahilkad, am bannu danab dilag lamen, tiilag laittak ele, amu oh geha aab eweb, iitta mekku.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Gayak Nai 3:30

Laa ag nid bau amu hippeg okkulagnu hetteb amu, nug hippeg ag mataɗ! Ao, laa ag nug uɗa nak nau guittak ele dookkunu hekkulag dayeb amu, nug am aib uuom.

Esekiel 21:32

Ag Amon ag aab ilaknu aab bau bia daaglag. Danab nau amu ag aqappeg, ag tiilag ag appalag diigppa aakku nekku. Ag amu heppeg, ag oh mauhppeg, laa ag, ag Amon ahilagnu daulag atikku. Ag ahilagnu baula ii dabmemana. Aɗinu? Da Yawe, da anam attem.’ ” Yawe Nug anam aum.

Esekiel 24:2

“Danab bekka, na gemu deɗ imunabnu namba am ye! Aɗinu? Gemu deɗ imuppanab Babilon dilag king nug he, nuhig daup ag digmena, Jerusalem oo mattan aqaknu maadna daatteb.

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Joel 3:9

Laa nai imu ag wanppan wan ohppan danab ah amelagppa inam appeg doyeg! “Ag ban hekkulagnu babaitteg! Ag appeg, ban danab aheg! Ahan, ag ban haknu aben gukkuidna gona, ag ban hekkulagnu bappaidna dayeg!

Amos 2:3

Da heppi, kekeɗ ag Moapnu okkai qeppeg mauheb; ag nuhikkud ehanittak anuqak danab ele aqappeg mauhkkulag.” Yawe Nug anam atte.

Habakuk 1:6

Na ootppa genab ii doomnanu diig am, antte! Da heppi, Babilon danab ag ahan, ⌊ag Juda, ag bu mattaglag⌋. Babilon daup ag am ban danab, ag oo doyak ii doon nau hetteb. Ag aɗi hekkulagnu ahilag dabmakppa bette, ag ahan hetteb. Ag wan atu ohppa paha wana, eɗadna, ahilkad lag, wan keeke, ag aon, ahilag daakkunu aɗatteb.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Matyu 26:67

Anam ana, ag Jesus iɗuppa hununna, amu eppelkad bitakkana makkuɗppig. Laa ag eppelag oohap tena, mataɗnana

Matyu 27:30

Ag anam anana, iɗuppa hununa, gumu Nug medappig amu, ag amu aon, ikki eɗunna oppig.

Matyu 5:39

Amge da ag amelagppa attem. Eheɗ hak danab aun nug ahilagppa eheɗ anam bia heeb, ag nuhigppa nob aib meppig. Am inam bia. Danab nug na hippen laih mataɗeb, na nob nau aib eɗun mettame. Iitta. Na hippen laih ele eɗun mette!

Jon 18:22

Jesus Nug anam a amu, daup laa hibaitta dayom ele nug eppeg oohap ta, hippeg mataɗaɗa aum. “Na mana mettak ikki danab nai amuppate nob medattemte?” awa aum.

Jon 19:3

Ag anam hena, ag haen kuɗum Jesus gumidna wana, eɗun uɗinna appig. “Na am Juda dilag king! Na binan ele,” aon appig. Ag anam anana, ag eppelag oohap tena, hippeg mataɗppig.

Aposel 23:2

Pol nug anam awa a amu mana mettak ikki danab Ananias, nug aha, danab Pol guguittak daappig amu ag nug otti mataɗkkulagnu amelagppa aum.

2 Korint 11:20

Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Ikki Danab 17:7

Deɗ laa amu, Lewi buɗubppan mana mettak danab iitta, ag oolagppan nid bau laa nug Israel dilag huu okkai Juda, appa, Betlehem aabppa, appa Juda oolagppa daya,