Maika 4:6 - Nobonob Baibel

⁶ Yawe Nug atte. “Dimppa, deɗ laappa da danab bu mattami, ag danab autaut oitte bia, da ag qagmatten ⌊heppi, ag eɗun ahilag wanppa daaglag⌋. Ao, da danab ah kekeɗ ag diin gona, wan laappa diia ukka laih me dayak danab ah daaglagnu maatteg daatteb amu, da ag qagmaatten heppi, ag uɗin daaglag. Ge, da danab ah uug mattami ele, da ag qagmaadppi, ⌊ag eɗun wanelagppa daaglag⌋.

Maika 4:6 ပူးပေါင်းရင်းမြစ်များ

Sam 147:2

Yawe Nug Jerusalem qabatte. Nug diia ukka laih me dayak danab ah eɗua diia, Israel uɗitte.

Sam 38:17

Da nein qekkulnu miag daattem. Da hanhan guittak ele daattem.

Aisaia 56:8

Amu Naɗi Yawe Nug nuhikkud danab ah Israelnu wan laalappan qagmatta, omalatteb, ahilag wanppa uɗiglag ele amu, Nug geha danab ah huu laalappanu ele diia uɗieb, ag laa daaglag, ag amu ele oh daaglag.

Jeremaia 3:18

Haen amuppa Juda danab ah, Israel danab ah ele ag oh qagmena, wan laa yawalti uɗitteppanu daatte, ag wan amuppanu ahan uɗin, wan da ag mamelkad aɗi ag aulag daakkunu mattami ele, ag uɗin, wan amuppa daaglag.

Jeremaia 31:8

Antte, Israelnu wan laa, yawalti uɗitteppanu daatte, da appanu Israel danab ah diie uɗikkul. Yo, da ag wan batakppanu diie qagmaadkkul. Danab ah kuɗumnab, ag uɗiglag. Kuɗum laa ag beɗulag ena ele, amge laala ag amelag gaɗuak ele, laala ag baelag mauhak ele, laala ag ah oolkad ele, laala amu, ag ah nid menuadkkulagnu miag daatteb ele oh uɗiglag.

Esekiel 36:24

Amu Naɗi Yawe Nug inam ele atte. “Da ag Israel, da ag wanppan wan laalappa daattebnu diiadkkul. Ao, da ag Israel ag wan laalappanu qagmatten omalatte, ahilag wanppa eɗue uɗippi, ag ahilag wanppanab daaglag.

Maika 2:12

Yawe Nug tuɗitta atte. “O Jakop buɗub, genab da ⌊ag bu madakkul, amge dimppa da⌋ ag oh qagmaadppi, ag eɗun daaglag. Ao, da genab heppi, Israel danab ah ag oɗo yaak daaglag amu, ag eɗun laippu daaglag. Da am sipsip gumak danab sipsip aɗ ooppa qagmaadtte bia, da Israel danab ah qagmaadkkul. Ao, sipsip gumak danab nug gikkiɗah dad okkai sipsip gikkiɗah lattebppa, nug appa qagmaadtte bia, da Israel danab ah qagmaadkkul. Da anam heppi, ⌊dahilad⌋ danab ah ag appatppeg, wan imu ambak daakku.

Sepanaia 3:19

Haen amuppa amu, laa ag ag Israel danab ah eheɗ hadappig amu, da ag bu eheɗ madakkul. Da dahilad laa ag eheɗ daatteb ehanadppi, ag eɗun uɗiglag. Ao, kekeɗ ag heeg, ag laih laih matatun gona daatteb amu, da ag qagmaadkkul. Da heppi, wan atu laihppan danab ag dahilad danab ah heeg, laih laih matatun gona daaegeg, appa ag aon aon aqan, uɗa nak madappig ele amu, danab ah amu ag dahilad danab ah binalag mattaglag.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Jon 10:16

Da am sipsip laa, sipsip aɗ imuppan iitta, amu ele dahilad, da amu ele diikkuloitte. Diippi, ag da baal dooglag, amu ag oh sipsip ameg laippuib daaglag; ahilag gumak danab ele laippuib daakku ⌊amuam da⌋.