Maika 4:11 - Nobonob Baibel

¹¹ Yawe Nug appanu eɗua diiadkku, amge gemu wanppan wan kuɗum dilag daup ag, ag Israel ele ban hekkulagnu qagmeppig daatteb. Ag atteb. “Ig ag eɗadta, ig ahilag na qaknu amu, ig oonig gamag ahak okkainab doognig,” aon atteb.

Maika 4:11 ပူးပေါင်းရင်းမြစ်များ

Sam 129:5

Laa oh ag Sionnu nau ninig ele dootteb amu, ag uɗa nak naɗi doon, ag banppanu eɗun ooleg!

Sam 83:5

Ag amu hekkulagnu amu, ag oh oɗelag ooho, ag amu hekkulagnu atteb. Ao, ag nahip-ppa amu hekkulagnu nai ana qagappig.

Aisaia 10:7

Amge dahil dabmak amu, Asiria kingnu dabmak ele laippu ii daama. Nuhig dabmak am laa daakku. Aɗinu? Nuhig dabmak am nug wan imuppan wan kuɗum heeb nauhna, iitta mekkulagnu daakku. Nuhig dabmak am anam daakku.

Aisaia 17:12

O gadonnab gadon! Wan laala ohppan ban hak danab ag ⌊ig iqaglagnu⌋ uɗippeppeg, oqotti naɗi okku. Oqotti amuam yu duban huanaknab oqotti otte, amubia daakku. Ao, O gadonnab gadon. Danab wan laala ohnu uɗippeppeg, oqotti huanaknab ahakku. Oqotti amuam le okkai okkainab oqotti ahatte, oqotti am amubia daakku.

Aisaia 29:7

Amu wan ohppan ban danab huanak ag Jerusalem, nuhig aab aɗ ɠagattagnab ele, ag banelag uɗin, ban henan, oo mattan, aqaglagnu hekkulag amu, Yawe Nug heeb, ag am danab nug keeke tulppa anidtte bia daaglag. O ag danab nug keeke tuqan tuleglegppa anidtte, ag amubia daaglag.

Jeremaia 52:4

Nug Babilon dilag king Nebukatnesarnu nai tappe neum amunu, Nebukatnesar nug nuhikkud daup oh ele ag ahan uɗin, Jerusalem danab ah ele ban heppig. Nebukatnesar, nuhikkud daup ele ag Sedekaia king dayaya, nuhig king dayaknu maɗ eblaih waɗeleppa kalam eblaih laih elenu deɗ eblaih laih eleppa uɗin, Jerusalem guguittak daappig. Ag appa haen tutu dayaknu aab kalan daan, ag Juda danab Jerusalem daappig ele ban hekkulagnu aab okkai amu talilittak bannu keeke bappaidppig.

Esekiel 26:3

Tair danab ah ag anam appig, diig amunu Naɗi Yawe Nug inam atte. ‘O Tair danab ah, ahilag hak amunu da eheɗ doyeye ool ii madattem. Amu da heppi, wanppan wan kuɗum dilag huu ag uɗippeg, ag ele ban hekkulag. Yuppa duban tuɗid ele uɗitte, amubia kekeɗ ahilagppa uɗiglag.

Esekiel 38:17

Amu Naɗi Yawe Nug inam atte. “Anukka da propet dahilad, ag am dahil maɗi nid amu, da ag oɗelagppa laanu mattimi amu, amuam na iittate? Haen amuppa propet dahilad ag dimppa aɗi bekkunu nai anan, ag da heppi, Gog na, nahipad ele ag uɗippeg, Israel ele ban hekkulagnu appig,” awa atte.

Obadaia 1:12

Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.