Maika 3:4 - Nobonob Baibel

⁴ ⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Maika 3:4 ပူးပေါင်းရင်းမြစ်များ

Job 27:9

Uug nau nuhigppa bette haenppa amu, Kayak Nug nuhig unuqittak doottete?

Job 35:13

Am genab, Kayak Nug ahilag unuqittak haen amunuib ehanittak awaknu, dimppa Nug dim lamidkkulagnu ii dabmemana, Nug unuqittak amunu ii dabmette. Ge, Laa Nukka Ɠagattag Oh Ele Nug unuqittak amunu nakok laa ii dabmette.

Sam 18:41

Ag ehanattaknu eppig, amge auntai laa ag ehanatteb, padal makppa ii daamnanu laa ii dayom. Ao, ag Yawe ehanadkkunu unuqidppig, amge Nug ii ehanattom.

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Jeremaia 11:11

Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Maika 3:7

Propet hambuppuak, ag uɗalag nekku. Ao, eman hak danab ag uɗa nak nau guittak ele dooglag. Da Kayak, da nai nakok laa ii madapa. Anam amunu, propet hambuppuak ag uɗa nak doon, ag iɗulag hautkkulag,” awa atte.

Maika 7:13

Anam amge, wan laa oh hele-ettak daaglag. Aɗinu? Danab ah appa ana daatteb ele amu, ag ahilag hak am nau.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

Matyu 7:22

Anam daatte amunu, epeɗiak deɗ naɗippa danab ah kuɗum ag da amelppa akkulag. ‘Naɗi, Naɗi, ig na oninppa propet nai iite mehuqmut? Na oninppa ele ouɗi nau iite lamadmut? Ig na oninppa kobol danab haknu elele iitta kuɗum laa iite hemut?’

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

1 Samuel 8:18

King nug anam hekku amunu, haen amu uɗieb, ag king, nug ag gumadkkunu appig ele amu, ag nuhig hak amunu uug doon, ag nug waappa daamnanu Yawe unuqidkkulag, amge Yawe nug ahilag nai ii dooma,” awa aum.