Maika 2:8 - Nobonob Baibel

⁸ ⌊amge⌋ dahilad danab ag tumai bia digmen ahan, dahil kekeɗ bia daan hetteb. Ag hak ahilag am inam. Ban danab ag banppanu eɗun uɗin, ibppa danab ah ag uug laa bekkunu ii dabmena oiyegeg, amu dilag keeke wagai mena, yab aotteb amu, ag amubia hetteb.

Maika 2:8 ပူးပေါင်းရင်းမြစ်များ

2 Samuel 20:19

Ig Israel danab ah oolagppa king waappa oo metta ii uuak kobol dim lamidtata, maɗoɗ ele dayaknu danabnab daattem. Aab okkai imuam Israel ooppa ah laa nug nid nuhikkud anilag daatte bia daatte, amge na aab imu heppe nauhkkunu hettem. Yawenu keeke ii daama, nuhikkudnab danab ah kuɗum ele ii daamnanu hettem,” awa aum.

Sam 55:20

⌊Da layal, nuhignu amu,⌋ nug laikkud banelag gotte. Nug aɗi hekkunu layag ele nug tituana nai qakkakppa aum amu, nug amunu hamu bia doya, tippala, ii hette.

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Maika 3:2

Amge ag, ag keeke enanu nau ninig ele doon, keeke naunu amu, ag oolag mauhtte. Ag am danab nug doɗ gaɗa doɗ beɗuppan aagtte, amubia ag dahilad danab ah eheɗ nau madatteb. Ao, ag danab nug teppu ebehippanu hihia aotte, ag amubia dahilad danab ah eheɗ nau madatteb.

Maika 3:3

Ag am danab nug doɗ gaɗa tola awa, teppu tuqa, otaɗe ne, ebehi ele qiialatte ne, nug teppu biliken ooppa maknu oppate ne, ewa male latte, amubia ag danab ah dahilad eheɗ nau anam hadatteb,” awe ami.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.