Maika 2:7 - Nobonob Baibel

⁷ ⌊Amge,⌋ O Israel danab ah, danab laa nug inam akkutai. “Yawenu Ouɗi Nug ihinignu oo nauhom daattete? ⌊Iitta!⌋ Genab, nai uug ele ihinignu amu, Nug anam he anidttemte? ⌊Iitta!⌋” Laa anam akkutai, amge nug anam akku dayeb am, nug ena akkute? Iitta! Am ena iitta. Amu Yawe Nug inam atte. “Danab genab tutukku hak kobol dim lamidtte ele, nuhignu amu, nai dahil nug ehanidtte,

Maika 2:7 ပူးပေါင်းရင်းမြစ်များ

Sam 119:65

O Yawe, na da, da am nahip maɗi nid amu, na dahilnu ena hekkutnu ame. Na anam hekkutnu ool daatte.

Sam 119:68

Na enaib daanna, enaib hettem. Na aɗi keeke hettem amu, na ena hettem. Na da nahip ɗo ippuniɗkkutnu oɗ medattem.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Sam 18:26

Danab ag oppiak ele daatteb amu, na amu dilag, na am oppiak ele daattem ag ippuandttem. Ge, na anam hettem, amge na hipunin danab ah, ahilag kobol kaliak ele amu, na ag geɗadttem.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Prowerb 10:29

Yawenu ib am genab tutukku hak danab dilag padal mak eɗitta ena dayaknu aben daatte; amge eheɗ hak danab ag ib amuppa nauhtteb.

Prowerb 10:9

Danab nug dabmak oiyak nuhig ele am tutukkuib amu, nug ɠagattag daakku; amge laa nug oiyak nuhig kaliak ele amu, nug bu aokku.

Prowerb 14:2

Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.

Prowerb 2:7

Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Jeremaia 2:4

Anam amunu, O Jakop buɗub, ag Yawenu nai imu doyeg! Ao, ag Israel buɗub oh, ag ahilag aab ikki atten attenppa daatteb, ag nuhig nai imu doyeg!

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Maika 3:9

Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag danab okkai, ag nai doya mala hettoɗia epeɗia elele mettak kobolnu ena iinab dootteb. Ao, ag danab okkai, ag kobol genab tutukku ele oh aona, ag heeg, kaboliak dayeye, kaliak okkai aakku daatte.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Namba 11:23

Moses anam aum, amge Yawe nob ma aum. “Da anam hekkulnu dahil ɠagattag iittate? Gemu amu, na amenppanab keeke bekkute, iitta, iite bekku amu anidkkut,” awa aum.

Matyu 3:8

Ag oolag eɗueb, kobol ena dim lamitteg!

Jon 8:39

Nug anam a amu, ag appig. “Ig mamenig am Abraham,” aon appig. Aeg amu Jesus amelagppa aum. “Ag genab Abraham buɗuppudlob, ag nug kobol heum bia helob.

Rom 7:13

Aria, gemu amu attemu? Keeke ena, amuam ɗo, keeke amute da iwe mauhmi? Iittanab iitta! Hipunin da iwe mauhmi. Amuppa amu, hipunin miag atie, ig nug keeke naunab daatte doottem. Hipunin nug keeke ena amu awa, amuppa haaha, oiɗe mauhmi amunu, hipuninnu diig miag atitte; nug am keeke naunab.

2 Korint 6:12

Ig ahilagnu amu ig oonig mauhtte ippunadttem, amge ag ihinignu oolag mauhtte amu, ag amu ig ii ippunigtteb.

2 Timoti 3:5

Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!