Maika 2:10 - Nobonob Baibel

¹⁰ Ag nau amu hetteb amunu, ag ahan, wan imu uun ukkeg! Wan imuam ag ahilag aben hik aon daaglagnu iitta. Aɗinu? Ag heeg, wan ag daattebppa imu, am Kayaknu neekkakppa dubuttid tak ele daatte. Ao, ag heeg, wan ag daattebppa imuam nauha autanab awom daatte; babaittaknu elele iitta.

Maika 2:10 ပူးပေါင်းရင်းမြစ်များ

1 King 9:7

da geha ag Israel danab ah da wan ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, wan atu ohppa, danab ah ag Israel ag nau bekkunu at daatte dabmena, ag aon aon aqaglag.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

2 King 17:6

Hosia nug Israel dilag king dayaya, nuhig king dayaknu maɗ eblaih waɗeleppa amu, Asiria dilag king nug Samaria eɗatta, aab okkai amu awom. Awa, nug Israel danab ah diia, Asiria ukka, nug Israel laala aab Hala maattowa, laala amu diia, aab Gosan, nuhig wan ele, appa le Habor guguittak ele maattowa, Midia wanppan aab laalappa ele maattom.

2 Stori 7:20

amu da geha ag Israel danab ah da wan dahil, da ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, da heppi, danab ah laa ag lag imuam nau bekkunu at daatte dabmena, ag aon aon qettaglag.

Sam 106:38

Ag danab ah eheɗ laa ii heppig ele aqappig. Amuam ag bekkalkad, aɗelkad ele. Ag amu hena diin, Kanannu dottolkad hattak amu, ag manan, kayak hambuppuak amu madappig. Ag amu hekkulagnu aqak heegeg, Kayaknu neekkakppa wan am dubuttid naunab ele dayom. Nug ooppa uuaknab doyom.

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Jeremaia 10:18

Aɗinu? Keeke amu bekkunu haen uɗieb, da pahanab heppi, kekeɗ ag uɗin, ag wan imuppa daatteb ele, ahilagnu heppeg, danab nug men ketapolppa e gotte, amubia Israel danab ah, ag wan imu uun gokkulag. Da heppi, uug nau ahilagppa beeb, ag eheɗ dooglag,” awa atte.

Jeremaia 3:2

Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.

Jeremaia 9:19

Aɗinu ag amelag leb anam nekku? Juda danab ag Sion daatteb, ag gaanna akkulag. “Ig aakku padal memut. Ig uɗa nak naunab nau aot oittem. Aɗinu? Kekeɗ ag uɗin, lag ihinkad heeg nauhppig amunu, ig wan imu uut, laih gokkunigoitte,” aon akkulag.

Esekiel 36:17

“Danab bekka, deɗ laa Israel ag ahilag wanppa daappig, haen amuppa ag kobol nau digdig, hak nau digdig ele heeg, ahilag wan am dahil neekkakppa dubuttid tak dayom. Kalam aqak tiig am dubuttid ele, amubia da Israel dilag hak haen amuppanu dahil neekkakppa dubuttid ele daye doomi.

Esekiel 36:19

Da hei, kekeɗ ag uɗin heeg, Israel ag tamtam wan kuɗumppa gona daappig. Da ahilag hak nau, ahilag kobol nau ele anidmi amunu, da bu awak eleleppa bu mattai, ag tamtam wan digdigppa gona daappig.

Duteronomi 12:9

Gemu ag anam hettebnu diig am, ag aben Yawe, ahilag Kayak, Nug ag madatte, ag amuppa ii wappig. Ag amuppa nona, ag appa gemu hetteb bia ii hemana. Wan amuam hik awak aben; ag aulag.

Duteronomi 30:18

da genabnab genab ag amelagppa attem; Kayak Nug heeb, ag padal mekkulag. Yo, ag haen elab wan amuppa, ag geha Jodan le mataɗna gona, wan amu aoglagnu daatteb amu, ag haen elab wan amuppa iinab daamna.

Duteronomi 4:26

amunu, gemu da hab, wan ele aa dopeɗ, da nai imu Israel, ag amelagppa madippi, aa dooyya, dimppa aa da genab ag Israel danab ah, da ag amelagppa ami akkulahnu elele daaglah. Ag Israel, ag Jodan mataɗna wana, wan aon daaglagnu daatte, amuppa daaglagnu hetteb, amge diig amunuib ag haen elab appa, wan amuppa ii daamna. Iitta! Aɗinu? ⌊Ag digmen, kayak hambuppuak dim lamidkkulag dayeb,⌋ Yawe Nug genab heeb, ag padal mena autna aoglag.