Maika 2:1 - Nobonob Baibel

¹ Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Maika 2:1 ပူးပေါင်းရင်းမြစ်များ

Genesis 31:29

Da na eheɗ heidkkulnu elele, amge na mamennu Kayak Nug tuqan da amelppa aum. ‘Da na nau aomnanu dabmettak nai imu na amenppa attem. Na Jakopnu eheɗ laa aib heme,’ awa aum.

1 King 21:7

Ahap nug Jesebel amegppa anam a amu, nug Ahap amegppa aum. “Aun nug Israel wannu king daatte? Nate o iitta danab laatai? Ahan, ee lanan, gaman ahaɗ! Da geha Jesril ted Nabotnu grep dad amu awe, na medakkul,” awa aum.

Esta 3:8

Anam daye amu, Haman nug King Ekserksis gumitta ukka aum. “Danab ah diig laa ag nahip ɗo waappa prowins ohppa daatteb. Ag ahilag ɗo am aabaab laa ele laippu iitta. Ag king nug ɗo mette, amge ag dim lamittaknu uutteb amunu, king nug ag uuatteb daaglagnu am ena iitta.

Esta 5:14

Nug anam mattiom amunu, nug wau Seres, amu laikkud oh ele ag appig. “Na heppe, danab ag balal attan danab aihadkkulagnu, nuhig elab attan tak 20 mita heppeg, buttua amu Mordekai balal amuppa aihaknu king oɗ mette! Amu oh hena malona, na goppe, ee lanak naɗi amuppa king ele aa gamag ahak naɗi dooglah,” aon appig. Ag anam appig, amu Haman nug nai amunu enanagnab doya he, danab ag balal amu heppig.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

Job 15:35

Nau hak danab ag kobol nau hekkulagnu dabmak aon oitteb. Ag eheɗ hetteb. Ge, hambuppuak kobol ag oolagppa daatte.” Elipas nug Job amegppa mattia, anam aum.

Job 24:14

Aam no, gatatu ne, qe mauhak danab ag ahan, daɗek danab aqaeg mauhtteb; tuqan ag yabhok danab hetteb bia ahan, qinonob qinonob oitteb.

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Sam 58:3

Nau hak danab ag anilkad menuatteg dona, ag laippun ib apiɗidna, nauhtteb. Yo, ag anilkad oolkadppan donana, ag ib apiɗidna, hambuppuak nai maditteb.

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 14:22

Danab ag kobol eheɗ hekkulagnu dabmetteb, ag padal metteb; amge laa ag kobol ena hekkulagnu maittak aotteb, ag oo mauhaknab kobol, oo metta ii uuak kobol ele, ag kobol aɗit amuppa daatteb.

Prowerb 3:27

Na danab ah ag nob ena aoglagnu elele heppig anidna, nob ena madakkutnu keeke elele na eppenppa daatte dayeb amu, na matte! Aib uun ii madakkutnu heme.

Prowerb 4:16

Aɗinu? Nau hak danab ag eheɗ laa ii heppig dayeb amu, ag niiglagnu elele iitta daaeg ukke, ag eheɗ hewona niitteb. Ao, danab amu ag eheɗ ii heeg, danab laa ii na qeum dayeb amu, ag paha ii niimna.

Aisaia 29:20

Aɗinu ag oolag gamag ahakku? Am inam. Danab ag oo doyak ii doon nau hetteb, ag iitta mekkulag. Amu danab ag Yawe, amu nuhikkud danab ah dilagnu ele ag aon aon aqatteb amu, ag padal mekkulag. Danab ah oh ag kobol nau hekkulagnu dabmenana oitteb amu, Yawe Nug heeb, ag nena qekkulag.

Aisaia 3:14

Am genab, Yawe Nug hettoɗiakppa nuhikkud danab ah dilag ikki danab, amu gumak danab ele, Nug ag epeɗiattatta, Nug ag amelagppa inam atte. “⌊Dahilad danab ah, ag dahil grep dad bia daatteb.⌋ Amu ag gumak danab agib aakku dad dahil amu heeg nauhom. Agib aakku danab keekenu tutu mak daatteb, ag daɗek ⌊keeke laippu laippuib aɗatteb amu,⌋ gumak danab ag ahilag keeke laib laib amu ag aɗadna, akkan gona, ag laulagppa meeg ambette.

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

Aisaia 5:8

O gadonnab gadon, ag danab ag lag kuɗum, wan kuɗum ele aonna, ahilagnu qagmetteb. Ag anam hetteb, amu geha ag wan oh aoppeg, danab laa ag daaglagnu aben laa ii daama. Ag akka, ⌊Kayak anamnu ii aum bia,⌋ agib appa daaglag.

Aisaia 59:3

Ag danab aqaeg mauheg, ag tiilag ag eppelagppa qataqak daatte. Ao, hipunin ag eppelag doɗoppa qataqak daatte. Ag oɗelagppa hambuppuak nai maditteb. Ge! Ag nai laa, nau hak danab nai nau digdig maditte, ag nai nau amubia maditteb.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Esekiel 11:2

Da danab oh anatti amu, Yawe Nug da amelppa aum. “Danab bekka, danab imu ag eheɗ hekkulagnu maittak aonna, ag danab ah aab okkai imuppa daatteb ele ulum nau madatteb.

Esekiel 33:26

Ag qep elab ahilkad amuppa ehanittak aoglagnu dabmenana, ag kobol digdig, da kobol amunu oolppa uuaknab doottem amu, ag kobol amu ele henana, ag oh anen anen ag ahilag mudippan laippu daatteb dilag ah ag ele niitteb. Ag eheɗ amu oh hetteb amunu, ag wan imu ahilag daakkunu aoglagte? Iitta!’

Esekiel 38:10

Amu Naɗi Yawe Nug inam ele atte. “Haen amuppa Gog, na dabmak aon, na eheɗ hak laa hekkutnu maittak aokkut.

Esekiel 46:18

Israel dilag okkai nug dahilad danab ah dilag wan, ag aulag aakku, nug ag uug matta, lamatta, ahilag wan aib awom. Nug anam ii hema. Iitta. Nug wan nuhig daatte, nug wan amu awa, nug bekkod, ahilag aug daakkunu nug ag madakku. Ib amuppa Israel danab oh ag ag wanelagppanab daaglagnu elele. Laa nug nuhig wan iitta ele ii daama,” awa atte.

Maika 6:12

Juda danab enub ele, ag amu, ag am laa guittak nau, mauhnoak mettak tiigppa dayak danab. Juda danab ah laa ag am nai hambuppuak mattiak danab. Ge, ag oɗelagppa mattiak hambuppuak hetteb.

Nahum 1:11

O Niniwe danab ah, ahilag okkai laa nug Yaweppa eheɗ hekkunu maittak awom daatte. Ge, nug laa nug ehanidppeppeg, ag nau hekkulagnu atte.

Sekaraia 7:10

Ag ah qab, nid ag mamelkad mauhppig, wan laihnu danab ah, amu daɗek danab ah ele aib eheɗ hadappig. Laa amu, ag anen anen, ag lailkad dilag guittak mattaglagnu maittak aib aoppig.” Yawe Nug anam atte.

Mak 15:1

Aria, wagɗe buttuanab amu, mana mettak danab okkai, Juda dilag ikki danab, ɗo mehuqak danab amu Juda dilag hettoɗiak okkai onig Sanhidren, amunu danab ele ag oh qagmena, Jesus mauhkkunu nai qakkona, Jesus eppeg muɗippa qakkana, aon gona, Pailat eppegppa meppig.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Aposel 23:12

Naɗi Nug Pol amegppa anam a, wagɗe deɗ amuppa Juda laala ag qagmena, ag keeke hekkulagnu nai ahilag ɠagattag qettan, ag inam appig. “Ig Pol qepput mauhkku. Ig ee le ele paha ii lamata. Iitta, Ig hamu daata, ig Pol qepput mauheb, ig eɗut ee le ele lakkunig,” aon appig.

Aposel 23:15

Ag anam ana amu, ag nai tuɗidna appig. “Ig anam amut amunu, ag amu Juda dilag hettoɗiak okkai onig Sanhidren, amunu danab ele ag gemu nai meppeg, ban daup ikki anuqak toppa ukkeb, nug Pol omala ag gumatta nekkunu oɗ mettaglag. Ag hambuppun inam aon amegppa aig! ‘Ig Pol nai maditte, nug tuɗitta mattiebeb, ig diignab doognignu oonig daatte!’ Ag anam appeg, nug omala neebeb ig bappaidta meidta daagnig amunu, Pol nug ag gumatta ii beebeb, ig geha nug qepput mauhkku,” aon appig.

Rom 1:30

layag baeg qak anak kobol, Kayaknu nau ninig ele doyak kobol, laa dilagnu eheɗ doya nai tappe nak kobol, beɗuppa tak kobol, ag akka onilag humana amunu nai mattiak kobol ele hetteb. Ag kobol nau bau digdignu dabmena hetteb, amu ag anilkad mamelkad oɗelag dim ii lamidtteb.

Duteronomi 28:32

Ag neegna daappeg, kekeɗ ag, ag bekkalkad, aɗelkad ele maɗi nid maɗi ah ele daaglagnu diin gokkulag. Ag ahilagnu oolag doyeb, ag eɗun uɗin daappeg anadlobnu kobol digdig hekkulag, amge ag amu hekkulag, amuppa ehanittak laa iinab aomna.