Maika 1:6 - Nobonob Baibel

⁶ Am Yawe Nug inam atte. “Eheɗ hak am anam daatte amunu, da heppi, ⌊kekeɗ⌋ laa ag heppeg, Samaria am kinipan ameg okkai hume tak daakku. Ao, aab dayom abenppa am muɗi grep eppaknu aben daakku. Da heppi, ag aabnu men amu oh ehalppeg, oolnu noakppa gokku. Ao, da heppi, aab okkai Samaria, nuhig men ukku ele miagib daakku.

Maika 1:6 ပူးပေါင်းရင်းမြစ်များ

2 Samuel 17:13

O iitta, ig gobupput, Dawit nug aab okkai laa, aab amuam aɗ ele, nug appa daakkunu gokku dayeb amu, Israel laa oh ag muɗi aon, aab amuppa gona, aab amu loppaɗna, muɗippa qakkan eeɗppeg, oolnu noakppa nokku. Ag anam heppeg ukkeb, aab amu maha nakoknab laa dayom, amuppa ii daama. Iitta. Ohnab oolnu noakppa noa lokkumak daakku.” Husai nug Apsalom amegppa anam aum.

2 King 18:10

Ag maɗ ewam aab okkai amu oo mettan aqaknu maadna daaeg ukke, dimppa Asiria ag Samaria eɗadna, aab okkai amu aoppig. Hesekaia nug Juda dilag king dayaya, nuhig king dayaknu maɗ eblaih laippuppa amu, Hosia nug Israel dilag king dayaya, nuhig king dayaknu maɗ eblaih waɗeleppa keeke amu beum.

2 King 18:9

Hesekaia nug Juda dilag king dayaya, nuhig king dayaknu maɗ waɗeleppa, haen amuppa Ela bekka Hosia nug Israel dilag king dayaya, nuhig king dayaknu maɗ eblaih aɗitppa amu, maɗ amuppa Asiria dilag king Salmaneser, nuhikkud ban danab ele ag Israel wanppa banelag uɗin, ag gona, Samaria aab okkaippa tena, aab amu oo mattan aqaknu maadna daappig.

2 King 19:25

Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.

Aisaia 17:1

Nai meunab ele Damaskus aab okkaippanu Yawe he, Aisaia doyom ele am iikku. “Antte! Kekeɗ ag geha aab okkai Damaskus heppeg nauheb, geha Damaskus am aab okkai ii daama. Iitta. Ag heppeg nauha, aab amuam geha kinipan ameg okkai hume tak daakku.

Aisaia 25:12

Kayak Nug geha aab okkai ahilagnu aɗ attan, ɠagattag ele, Nug amu oh loppaɗeb gappudppa nekku. Gemu aɗ amu attan, ɠagattag ele daatte, amge Nug geha heeb, ag nena qena, wanppa nokkulag.

Aisaia 25:2

Amu na aab okkai hatte, gemu ag kinipan ameg okkai hume tak daatteb. Ao, na aab ɠagattag aɗ ele ele hatte, oh nauhppig. Na hatte, laihnu danab dilag aab, aab amuam ban haknu aben ɠagattag amu, aab amu oh iitta meppig. Ag eɗun, aab amu baula ii bappaidmana. Iitta.

Jeremaia 31:5

Ag Israel baula qauko nakok Samaria guguittak daatteb heqoppa muɗi grep eppaglag. Ge, dad gumak danab ag amu ebappeg, muɗi meu ob, ag meu amu aon lanana, ag oolag gamag ahakku.

Jeremaia 51:25

Amu Yawe Nug atte. “O Babilon, ag am qauko eotte ele wan atu oh he nauhtte bia daatteb. Ag heeg, wan atu oh nauhakib daatteb, amge da ahilag hak amunu eheɗ doyeye ool ii madattem. Danab layag ehale, baippa buɗibɗib noa nauhtte, amubia da dahil ɠagattagppa heppi, ag nauhkkulag, Da heppi, qauko eotte ele oug ma, nauhak daatte, ag amubia daaglag.

Jeremaia 51:37

Da heppi, kekeɗ ag heppeg, Babilon am kinipan ameg okkai hume tak daakku. Doɗ jakal, ag aguppa daaglag. Danab ah ag Babilon anidna, ag ameg iɗuak doon, ag Babilon danab ah dilagnu, ‘Keeke hamunab,’ dooglag. Danab laa Babilon appa ii daama.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Gayak Nai 4:1

O gadonnab gadon, kekeɗ ag heeg, keeke golppa hak, amemɗi aotte ele, am gemu amemɗi ii aotte. Ge, gemu gol enanag am amemɗi ii aotte. Kekeɗ ag heeg, men daden nob okkainab ele Yawenu tituanak daatteb amu, men amuam ib oɗatle ohppa, appa mauhnoak daatteb.

Esekiel 13:14

Danab nug men gilil gauppaib bappaitta laidtte amu, ag propet hambuppuak ag amubia hetteb, amu da gilil amu heppi nauha autanab aokku. Da heppi, gilil amunu ukku am miag daakku. Gilil amu na qeeb, ag propet hambuppuak, ag ele nauhkkulag. Amu beeb, ag dooglag, da am Yawe.

Hosea 13:16

Israel danab ah ag tappe nak hena, da, Kayak, ahilag Kayak, ag da oɗel ii dim lamidppig, ag beɗulagppa aab daatte amunu, ag bu aoglagoitte. Ahilkad kekeɗ dilag ban danab geha ag qep elabppa aqaglag. Ao, kekeɗ ag nid yuɗ, nid naunau ele aɗualadna, buɗiadppeg wanppa noppeg, ag beɗulag oh aoɗeb, huppu huppu nekku. Ge, ag geha qep elabppa ah oolkad ele oppatadppeg mauhkkulag.” Yawe Nug anam atte.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Amos 6:8

Naɗi Yawe Nug nukka Nug onig awa, nuhig nai ɠagattag qetta, Nug, Nug Yawe Kayak Nukka Ɠagattag Oh Ele, Nug inam atte. “Jakop buɗub, ag dada danab dilag kobol dim lamidtteb amu, da amunu oolppa uuaknab doottem. Ao, ag aab aɗ ɠagattagnab ele bappaladppig amu, da keeke amunu ele oolppa uuaknab doottem. Da anam doottem amunu, da kekeɗ paɗadppi, ag aab okkai ahilag imu eɗidppeg, aab amu, danab ah, keeke oh aab amuppa daatte ele am kekeɗ eppelagppa daaglag,” awa atte.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.

Matyu 24:2

Anam aeg amu Jesus Nug oɗelagppa awa aum. “Ag keeke amu oh anidtteb, amge da genab ag amelagppa attem, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.