Jerusalem qauko heqo laih aam bedeppanu ukkakppan, appa qauko nakokppa Solomon nug aben aɗit babaittom; laa am Moap dilag kayak Kemos, Kayak Nug nuhignu ooppa uuaknab dootte amu, nug nuhig mettid lag nakok babaittowa, laa am Amon dilag kayak Molek, Kayak Nug nuhignu ele ooppa uuaknab dootte amu, nug nuhig mettid lag nakok ele babaittom.
Maika 1:5 - Nobonob Baibel5 Yawe Nug oo nauhe uɗittenu diig am, Jakop buɗub ag hipunin henan heeg uɗie, gemu ele hetteb. Ao, Israel danab ah ag hipunin henan ii uuppig daatteb. Amu aun beɗuppa Jakop buɗub ag Yawe uuidna, kayak hambuppuak dim lamadtteb? Amuam ag ahilag aab okkai Samaria aakku. Amu Juda danab ah kayak hambuppuak noolagppa dup nona binalag metteb ele amu, amu hak naunu aab diig am adekku? Amuam ag ahilag aab okkai Jerusalem aakku. အခန်းကိုကြည့်ပါ။ |
Maika 1:5
30 ပူးပေါင်းရင်းမြစ်များ
Aɗinu? Yawe Nug Betel ippa propet imu oɗeppa nai mattiom amu, nai amu oh am elele medakku. Yawe Nug Betelnu qaɗab heeb nauheb, am Israel wan ohppa mettid lag nakok, Samarianu aabaabppa mettid hambuppuak haknu abenppa daatteb, amu ele oh heeb nauhkkunu aum amu, nai amu oh am ba, elele medakku,” awa aum.
Josaia nug king dayaya, nuhig king dayaknu maɗ eblaih aɗitppa nug nid bau dayaya, nug digma, nug memetab Dawitnu Kayak antta dim lamidkkunu Nug mattiom. Nug king dayaya, nuhig king dayaknu maɗ 12ppa amu, nug digma, nug aabaabppanu mettid lag nakok, kayak hambuppuak Aserah dabmekkulagnu biidod, kayak hambuppuak dottolkad adppa hak, amu kayak hambuppuak dottolkad aenppa keeke, hak ele, keeke amu oh Juda wanppa, Jerusalem appa ele daamnanu, amu oh oppiak ele daaglahnu uɗat heum.
Nug uɗat amu gumaama he, danab ag kayak hambuppuak Bal iɗu iɗu dilag qaɗab loppaɗegeg, nug he, ag kalu danab ile muttuɗig enanag bette ele qaɗab, Balnu qaɗab laa guguittak daappig ele loppaɗadna, ag kayak hambuppuak Aserah dabmekkulagnu biidod, kayak hambuppuak dottolkad laa adppa hak, o aenppa keeke, hak amu, ag amu ele loppaɗatteg nauheg, nug he, ag keeke amu oh maduduɗeg, naunau neeg, ag aon gona, danab ah ag doɗ manadna, kayak hambuppuak amu madappig ele boumppigppa, ag appa boumak aben anen anen qaɗelagppa buɗieg ukkom.
Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.
Ag anam heeg anidmi, amu propet Jerusalem daatteb, ag ele eheɗ nau heegeg anadttem. Ag ewau pakkuna gappai henana, ag danab ah amelagppa ena hak danab bia daatteb, amge oolagppa, lokkumakppa ele ag danab nau daatteb. Ag danab eheɗ hekkulagnu hetteb ele ehanadtteb amunu, laa nug eheɗ hak nuhig ii dimedatte. Dahil neekkakppa Jerusalem danab ah oh ag Sodomnu danab ah, o Gomora danab ah bia daatteb,” awa atte.
Wan atu ohppan danab ah, ag doyeg! Dahilad danab ah ag dahil nai doyaknu uun, ii doyegeg uɗie, gemu ele ii dootteb; ag dahil ɗo dim lamidkkulagnu ele dimettan, ɗo dahil waappa ii daaegeg uɗie, gemu ele waappa ii daatteb amunu, da heppi, ag bu eheɗ aon, ag nauhna autna aoglag. Ag eheɗ hekkulagnu lokkumakppa dabmenana maittak eheɗ aon heppig amunu, kobol amunu meu nau ahilagppa bekku.
Da heppi, Israel bau mekkunu hettem. Da anam hettem, amge da ehanidkkulnu heiyi, Israel dilag hipunin am miagib daatteb. Ao, da ehanidkkulnu heiyi, Samaria danab ah dilag ɗo tippalak miag atiak daatteb. Aɗinu? Israel danab ah ag hambuppuak henan daatteb. Ao, ag laa laulkad loppaɗadna nona, keeke yab aotteb. Ge, ag oohona, ibppa danab ah dilagppa keeke yab agatteb.
Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.
Da heppi, Aisak buɗub ag kayak hambuppuak dilag mettid lag nakok bappaidppig ele amu, kekeɗ ag amu oh heppeg nauhkkulag. Ao, lag Israel danab ah ag appa kayak hambuppuak noolagppa dup nona binalag metteb ele amu, kekeɗ ag lag amu oh loppaɗppeg nauhkkulag. Amu da qep elabppa heppi, Israel dilag king Jeroboam buɗub laa sia king amuppa daakkunu ii daama,” awa aum.
ကြော်ငြာတွေ