Maika 1:3 - Nobonob Baibel

³ Aɗinu? Antteg! Yawe Nug nuhig dayak abenppanu uɗitte. Ao, Nug nuhig aben uua, wanppa na, qauko igippa tappa oitte.

Maika 1:3 ပူးပေါင်းရင်းမြစ်များ

Job 40:12

Genab, na dada danab ohnab neekkadna anadna heppe, ag danab nukka onig qe ne oitte bia dayeg! Ao, na nau hak danab oh ag daattebppa oɗoɗadppe, ag nauheg!

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Esekiel 3:12

Yawe Nug anam a, Ouɗi da humiɗe, da dimulppa baag oqotti okkai ele laa nai inam mattie doomi. “Yawe Nug hab attan daatte, Nug binag amahlak oppiaawak ele. Ig Nug binag metu!” awa aum.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Amos 9:5

Naɗi, Nug Yawe Nukka Ɠagattag Oh Ele, Nug wan lauɗitte, wan le mette; Nug anam he, wanppan danab ah oh ag mahitteb; Nug he, wan oh am le Nil, amuam Isipnu le okkai, am titiɗa ba, eɗua hiɗatte, amubia hetteb.

Habakuk 3:19

Naɗi Yawe Nug da ɠagattag meɗatte. Ao, Nug ehaniɗe, da dia qaietta gotte bia oittem. Nug he, da qaukoppa elele oikkulnu elele daattem. Unuqittak imuam danab nug danab ah noolagppa daya, ahi edatte ehanidkkunu. Laa ag musik haknu keeke muɗi ele qeegeg, danab ah ag ahi ettaglagnu daatte.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Duteronomi 32:13

Yawe he, ag qauko attan, wan oh ele aoppig. Ao, Yawe he, ag dattan keeke aon lappig. Nug he, ag uppuh leppu aben men eleppan aon lappig. Yo, Nug he, ag olip goɗen, ad wan men eleppa beppig amu, amuppanu aon lappig.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.