Maika 1:2 - Nobonob Baibel

² Naɗi Yawe, Nug ⌊Israel⌋ ag eheɗ heppignu ab dooglagnu, Naɗi Nug nuhig mettid lag nuhignu tituanak daatte, Nug appanu ⌊Israel ag eheɗ heppig⌋ ab ag dooglagnu, ag danab ah wan ohppa daatteb, ag doyeg! Ao, ag danab ah ag laih laih ohppa daatteb amu, ag oh daulag humeg!

Maika 1:2 ပူးပေါင်းရင်းမြစ်များ

1 King 22:28

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

2 Stori 18:27

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 24:1

Wan, amu keeke oh wanppa daatteb ele am Yawenuib. Yo wan, amu wanppan danab ah oh amu nuhigib.

Sam 28:2

Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

Sam 50:1

Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 50:12

Wan, amu keeke oh amuppa daatteb ele am dahil amunu, da enug iutte elelob, da ag ee meɗaglagnu oɗ madakkulte?

Sam 50:7

Kayak Nug atte. “Dahilad danab ah, da appi, ag doyeg! Ao, Israel danab ah, da ahilag eheɗ haknu amu appi, ag dooglag. Da Kayak, Da ahilag Kayak.

Prowerb 8:4

“O danab ah, da ahilagnu ettem. Ao, da danab ah oh dilagnu inam ettem.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Aisaia 18:3

⌊Amu uug ahilagppa bekkunu nai am inam.⌋ Ag wan ohppan danab, ao, ag danab ah wan atu ohppa daatteb, ag ⌊wan laappa ban ahakkunu daatte miag anidkkulagnu,⌋ haen danab ag pilak qaukoppa qabappeppeg, ag anidkkulag! Ao, ag ⌊wan laappa ban ahakkunu daatte miag anidkkulagnu,⌋ haen danab ag trampet iwalppeppeg, ag daulagppa dooglag!

Aisaia 50:7

⌊Amge⌋ Naɗi Yawe Nug ehaniɗtte amunu, ⌊gog tak haenppa⌋ auntai laa dahilnu nai eheɗ laa aabob, da uɗa nak nau guittak ele ii doopa. Ge, Naɗi Yawe Nug ehaniɗeb, da uɗa nak nau guittak ele ii doopa amunu, da nuhig nai dim lamidkkulnu dabmak ɠagattagnab awe daattem; amu diig amunu ⌊gog tak haenppa⌋ da uɗa nak laa ii aopanu doottem.

Jeremaia 22:29

O Juda danab ah. O Juda danab ah. O Juda danab ah, ag Yawenu nai doyeg!

Jeremaia 42:5

Jeremaia anam ag amelagppa a, ag appig. “Ig Yawe, nahip Kayak, Nug na amenppa ig aɗi aɗi hekkunignu akkutnu ana, meitteb ihinigppa uɗin appe doognig amu, ig anamib hekkunig. Ig ii hekkunig dayeb amu, Yawe, Nug nuhig diignu oo metta ii uuak kobol dim lamidtte amu, Nug aha, bu megakkunu oonig daatte.

Jeremaia 6:19

Wan atu ohppan danab ah, ag doyeg! Dahilad danab ah ag dahil nai doyaknu uun, ii doyegeg uɗie, gemu ele ii dootteb; ag dahil ɗo dim lamidkkulagnu ele dimettan, ɗo dahil waappa ii daaegeg uɗie, gemu ele waappa ii daatteb amunu, da heppi, ag bu eheɗ aon, ag nauhna autna aoglag. Ag eheɗ hekkulagnu lokkumakppa dabmenana maittak eheɗ aon heppig amunu, kobol amunu meu nau ahilagppa bekku.

Jona 2:7

O Yawe, da mauhkkulnu hein dayeye, da nahipnu dabmein unuqitti, na nahip mettid lag nahipnu tituanak daatte, na amuppa daanna, na unuqittak dahil aakku doome.

Jona 2:8

Danab ag kayak hambuppuak, am kayak hamu, kayak genab iitta, ag ag noolagppa dup nona binalag metteb ele, ag nahip oo mauhaknab kobol waappa daaglagnu aakku uutteb.

Habakuk 2:20

Kayak hambuppuak ag anam daatteb, amge Yawe Nug nuhig mettid lag nuhignu tituanak daatte, Nug appa daatte. Wan atu ohppan danab ah ag Nug noobppa toettan dayeg!

Malakai 2:14

Ag gaanna atteb. “Kayak Nug diig aɗinu ihinig mana mettaknu dab-ii-mette?” atteb. Amu Yawe Nug diig imunu ag ii dabmadatte. Ag danab bau daanna, ag anen anen ag ah diinna, ah amu ag waalkad daaglagnu ag ag ele nug tituanna nai qagappig, amge ag nai amu loppaɗna, ii dim lamidtteb. Ag ag waalkad uuadna, ah laa diippig. Ag waalkad ag nid bau daan diippig am ahilkadnab. Ag anen anen ag hanhan ag waalkad amu anamib daaglagnu ag Kayak noobppa nug tituanna, nai qakkanna, ag heppig bia ii hemananu appig, amge ag appig bia ii heppig.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Duteronomi 32:1

⌊Danab ag laa nai mattiegeg dootteb bia,⌋ O hab, da nai madippippi, na doye! O wan, na da nai madittem imu doye!

Revelesen 2:11

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, mauhak ebqak 2 am nug guittak nakok laa ii mettama. Iittanab,” awa aum.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Revelesen 3:13

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 3:22

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 3:6

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Ikki Danab 11:10

Nug Gileat danab anam oɗ matte amu, ag noob mena appig. “Yawe Nug ig iikku nai mattiutut doyeye, ig iikku attem. Na aɗi hekkunignu appe amu, ig genabnab genab hekkunig,” aon appig.