Maika 1:13 - Nobonob Baibel

¹³ Israel danab ah ag hipunin heppig, hipunin amuib ag Lakis daatteb, ag beɗulagppa ba dayom amunu, ag heeg, Juda danab ah laa ag digmena, hipunin heppig. Anam amunu, ag Lakis danab, ag karis diiadna, hos amu eeɗadkkulagnu qakkalatteg!

Maika 1:13 ပူးပေါင်းရင်းမြစ်များ

Genesis 19:17

Omaladya dimittim noya amu, engel laa nug aum. “Ag padal memanade, ag oolna ukkeg! Aib eɗun neegppig. Ag qaukoppa ukkeg! Uɗemppa aib daappig! Ag qaukoppa ii gokkulag amu, ag padal mekkulag,” awa aum.

1 King 14:16

Jeroboam nug hipunin hatta he, Israel danab ah ag ele hipunin amu hadappig amunu, Yawe Nug uuatteb, ahilag kekeɗ ag eɗadkkulag,” awa aum.

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.

1 King 4:28

Laa ele ag hos, bannu karis eeɗaknu, amu uɗatnu hos ele dilag ee, keeke gane gane awa ukkaknu anak dayom bia, aben adeppa maknu anak ele dayom, ag amuppa, aon goppig; amuam ag bali aeg, am wit keeke gumu qaɗaiettak.

2 King 14:19

Amu Amasaia mauhomnu amu, nug Jerusalem dayeye, laa ag nug qeppeg mauhkkunu dabmak aon, ib madippig. Ag anam heeg ukke, ⌊amu hekkulagnu wagai meeg,⌋ Amasaia nug oola, Lakis ukkom, amge ag amu hekkulagnu heppig ele ag danab laa maatteg gona, Lakis appa ag ib anidna, nug qeeg mauhom.

2 King 18:17

Hesekaia anam heum, Asiria dilag king Senakerip nug silwa, gol ele amu awom, amge nug ⌊Juda uuatta ii ukka, nug⌋ he, nuhig ban daup ikki anuqaknab, nuhig ban daup ikki anuqak, nuhig ban daup ikki banppa o ban guguittakppa daatte, aria ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am, le ameg nakok attannu, le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig.

2 King 8:18

Jehoram wau am Ahap aɗeg amunu, nug Israel dilag king, ag kobol eheɗ dim lamidppig, Ahap nug baekkudppa ele ag ele amu dim lamidna heppig amu, Jehoram nug ele amubia heum. Nug Yawenu neekkakppa eheɗ heum.

2 Stori 11:9

Adoraim, Lakis, Aseka,

2 Stori 32:9

Amu haen Asiria dilag king, nuhikkud daup ele ag Lakis oo mattan aqaknu maadnana amu, Senakerip nug nuhikkud ban daup ikki laala maatte, ag nai imu Juda dilag king Hesekaia, Juda danab ah oh appa daappig ele appeg dooglagnu Jerusalem goppig.

Job 39:10

Na wagai mena, wan buuaknu keekenu muɗi nuhigppa qagappe, nug eeɗebeb, wan buukkutte? Ge, nug na dim lamitta, wan buuaknu keeke eeɗebeb, wan buukkute?

Eksodas 32:21

Moses nug anam ha mala, nug Aron amegppa aum. “Am danab ah ag nahipnu attem heeg, amu diig amunu na ag kobol eheɗ naunab amu hekkulagnu ae heppig?” awa aum.

Aisaia 10:31

Aab Matmenah danab ah ag oolna gobeppeg, Gebimnu danab ah ele ag oolna, lokkumak aben mattin gokkulag.

Aisaia 36:2

Asiria dilag king nug eɗatta haaha, Lakis appa ban haaha, nug he, nuhig ban daup ikki banppa o ban guguittakppa daatte, ban daup ameg naɗi ele ag Lakisnu ahan, King Hesekaia gumidna, Jerusalem goppig. Ag gona, Jerusalem gukkuidna tena daappig. Ag tena daappigppa am le ippu laa dayom. Le am le ameg nakok attannu le ippu amuppa noa, aab ooppa ukkom. Appa laa ag lamen hekkulagnu henana, lamen tatam ihona heppig amu, ag appa ihappig. Ban daup ikki, daup ele ag ib aben amuppa gotte ele, ag ib amuppa daappig.

Aisaia 37:8

Anam ba ukke, Asiria dilag ban daup ikki banppa o ban guguittakppa daatte, nug Asiria dilag king nug Lakisnu aha, Lipna ukka, appa dayomnu nai doyom amunu, nug aha ukka, nug king am Lipna appa ban heehe anttom.

Jeremaia 3:8

Juda ag Israel da dimeɗona kayak hambuppuak laala dim lamadppig anidna, ag da danab nug ah nuhig ewau pakkua gappai hette, diig amunu lamidtte bia, da Israel danab ah ahilag eheɗ haknu nob nau matten lamadmi anidppig, amge Juda danab ah, ag da ippunadmi bia, da dim lamiɗkkulagnu uun henana, ii baɗappig. Iitta. Ag ele ah gamu uuitta ukke, danab laa ele oittep bia, ag da uuiɗna, kayak hambuppuak kuɗum noolagppa dup nona binalag meppig.

Jeremaia 34:7

Jeremaia nug nai amu Sedekaia amegppa aum, haen amuppa Babilon dilag king Nebukatnesar nug Jerusalem, amu Juda aab aɗit laa, aa ii neya qepiɗ ele, amuam Lakis, Aseka ele, nug aab ewam amuppa ele ban heum. Aab ɠagattag, aɗ ele Juda ooppa daappig amu, aab amu oolagppa aab ewam amu aakkuib ag ii nena qeppig; Nebukatnesar eppegppa ii daappig.

Jeremaia 4:29

Kekeɗ ag uɗin, ban henana eppeg, danab ah aabppa daatteb ele ag oolkkulag. Laa ag atuppa gona, lokkumkkulagnu hekkulag. Laa ag gona, men okkai okkai daatteb, ag appa lokkumkkulagnu hekkulag. Anam dayeb, aab oh am hamu daaglag. Appa danab ah ii daamna.” Yawe Nug anam atte.

Esekiel 23:11

Amu Oholah nug anam he, nuhigppa anam be, nug makkeg Oholibah nug anttom, amge nug danab laala ele niiglagnu oo hak nau doya, ib baag ah kobol haaha, nug danab kuɗum ele niippig. Oholah nug eheɗ heum am huana heum, amge nug makkeg Oholibah, nug eheɗ naunab nau huana heum.

Maika 1:5

Yawe Nug oo nauhe uɗittenu diig am, Jakop buɗub ag hipunin henan heeg uɗie, gemu ele hetteb. Ao, Israel danab ah ag hipunin henan ii uuppig daatteb. Amu aun beɗuppa Jakop buɗub ag Yawe uuidna, kayak hambuppuak dim lamadtteb? Amuam ag ahilag aab okkai Samaria aakku. Amu Juda danab ah kayak hambuppuak noolagppa dup nona binalag metteb ele amu, amu hak naunu aab diig am adekku? Amuam ag ahilag aab okkai Jerusalem aakku.

Josua 10:3

Ag baɗappig amunu, Jerusalem dilag king Adoni Sedek nug nai awa ukkak danab maatte, king laala dilagppa nai aon goppig. King amu ag am, Hebron dilag king Hoham, Jarmut dilag king Piram, Lakis dilag king Japia, Eklon dilag king Debir ele.

Josua 15:39

Lakis, Boskat, Eklon,

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.

Revelesen 2:20

Amge eheɗ hak nahip laippu imunu da na amenppa iikku attem. Na ah Jesebel, nug nuhig haknu amu, na nug amegppa aib ii attem. Nug, ‘Da am propet ah,’ awa atte, amge nug anam ii daatte. Nug ippunittak hette, amuppa nug he, dahil maɗi nid ag gappai kobol hena, laa doɗ main kayak hambuppuak dottolkad madappig ele, ag doɗ amu ele latteb.