Maika 1:12 - Nobonob Baibel

¹² Danab ah Marot daatteb, ag uug naunab nau Yawe eppegppanu Jerusalem aɗnu odppanab uɗiom daatte anidtteb amunu, ehanittak aoglagnu dabmenana, tappaɗidnan daanna, ii anidna, ag guittak okkainab doon, beɗulag itoɗitte.

Maika 1:12 ပူးပေါင်းရင်းမြစ်များ

Job 30:26

Da laa uugppa daappig am anam hemi amunu, da dahilppa ena anambia bekkunu dabmak aɗe oimi, amge kobol eheɗ dahilppa beum; da amahlak anidkkulnu dabmemi, amge gatatu toniɗom.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Jeremaia 14:19

O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.

Jeremaia 8:15

Ig maɗoɗ daagnignu oonig dayom, amge iitta, keeke ena laa ii uɗitte. Ig eɗut ena daagnignu haen anidkkunignu oonig dayom, amge iitta, baɗak eheɗ nau aakkuib beum daatte.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.

Rut 1:20

Aeg amu, Naomi nug aum. “Dahilnu ag Naomi aib appig. Laa Nukka Ɠagattag Oh Ele Nug he, da uug naunab doottem amunu, dahilnu ag Mara aon aig!

1 Samuel 4:13

Danab amu nug qaiqaɗ ukka, Silo ta, nug ban abenppanu nai uug ele mattieye, danab ah dooppig. Aab amuppan danab ah ag doonna, ag eheɗ gaappig. Aria, Eli nug haen amuppa nug ib giginppa, nuhig dayaknu balalppa dayaya, ib neekkakka dayom. Aɗinu? Nug Kayaknu Tituanak Nainu Kunup eheɗ aomanu baɗaɗa dabmeum.