Maika 1:11 - Nobonob Baibel

¹¹ Danab ah Sapir daatteb ele ag amu, ag lamen iitta, uɗa nak ele wan laappa ⌊appa diia ukka laih me dayak danab ah daaglagnu⌋ ukkeg! Danab ah Sanan daatteb ele amu, ag ⌊lailkad ehanadkkulagnu⌋ aab dimittim uɗiglagnu elele ii doon, aab ooppaib daatteb. Danab ah Betesel daatteb ele, kekeɗ ag heeg, ahilag aab am nauha autanab awom amunu, ag uug naunab nau aon, gaanna daatteb.

Maika 1:11 ပူးပေါင်းရင်းမြစ်များ

Aisaia 16:2

Moap ah ag oolna gona, Arnon leppa, le baag qak daattebppa, ag appa daanna, ag geha adeppa gokkulagnu amu, ag ii doomna. Ag ai nug nuhig kekeɗ teɗ nuhigppa daatte doya, eɗua gokkunu elele iitta amunu, oo uug ele hagagaɗa laih ukka, laihnu eɗua uɗitte, ag amubia hekkulag.

Aisaia 20:4

Aisaia heum, amubia geha Asiria dilag king nug ukka, Isip wanppa, Kus wanppa ele ban haaha ⌊eɗattowa⌋, geha nug danab nid bau, am danab kaino ele wan aɗit amuppan aɗalatteb, nug eppegppa daappeg, nug ag diia, wan laappa ukka maadkku. Haen nug diia appa ukkeb, geha ag qaɗelagppan lamen iitta, baelag gaɗa ele iitta, hamu oiglag. Asiria ag heppeg, danab ah kaino, nid bau oh ele ag anam oinna, ag bitolag ele miag dayebeb oiglag. Beɗulag miag ele anam oinna, geha ag uɗa nak nau dooglag.

Jeremaia 13:22

Amu uug okkai amu beeb, haen amuppa ag akka akka ag, “Aɗinu nau imu ihinigppa beum?” ag oɗmak amu hekkulag dayeb amu, ag oɗmak amunu nob am iikkude doyeg! Ag hipunin huanak heppig amunu, laa ag ah gamu uuitta, laa ele oittep, ag nuhig lamen pattiɗna aoeg, beɗu miag daatte, ag beɗulagppa kobol amubia ahilagppa beum.

Jeremaia 48:6

Ag Moap, ag ahan ooleg! Ag mauhmananu ag ahan oolna, atu taɗakppa lokkumna dayeg!

Jeremaia 48:9

Am Yawe Nug atte. “⌊Kekeɗ ag qaiettan uɗiglag, amge ii uɗiak haenppa⌋ ag Moap ⌊nauhmananu,⌋ ag oolna gokkulagnu ag tappaɗadppeg, Moap ag ai hagagaɗa ooltte bia ooleg! Aɗinu? ⌊kekeɗ ag heppeg,⌋ wan ahilag am nauhakib dayeb, ahilkad aab am hele-ettak daaglag, appa danab ah ii daamna.” Yawe Nug anam atte.

Esekiel 16:37

Na amu oh heme amunu da, Yawe, da danab oh na ag ele niippig, laa na ahilagnu oot mauhom, laa na ahilagnu nau ninig ele doome amu, da danab amu oh qagmaadppi, ag uɗin daappeg, da heppi, laa ag lamen nahip oh uɗappeg ukkeb, na ag noolagppa bam iitta, beɗun hamu daappe, ag na neekkidkkulag.

Esekiel 23:29

Ag nahipnu nau ninig ele doon, ag keeke oh na nahip daakkunu uɗat henan aome amu, ag aoglag. Ag heppeg, na beɗun miag hamu dayebeb, na ib baag ah kobol nau dubuttid ele henan daame amu, danab ah oh ag amu anidkkulagnu elele daaglag. Na gappai heeb baknu kobol dim lamidna, danab kuɗum ele niippig

Maika 1:8

⌊Samaria uug amu aweb, Jerusalem ele uug amuib aokku,⌋ diig amunu da gayeye, mahiak okkainab ele hekkul. Ao, da baeg gaɗa ii mepa, dimittimnu lamen ele ii tagapa, amge da anam oikkul. Doɗ jakal, nug eheɗ gaatte bia, da gaakkul. Ao, hipunai, nug gayak aiqakkak bia gaatte, amubia da gaakkul.

Nahum 3:5

Amu Yawe Nukka Ɠagattag Oh Ele Nug inam atte. “Niniwe danab ah, da ahilag hak amunu eheɗ doyeye ool ii madattem. Da heppi, ag uɗa nak naunab nau dooglag; laa nug ahnu lamen aɗe te, beɗu miag daye, danab kuɗum neegna antteg, ah nug uɗa eheɗ nette, amubia ag uɗalag nekku. Da heppi, wanppan wan ohnu danab ah ag uɗa nak ahilag anidkkulag. Ao, da heppi, wanppan ɗo maɗoɗnu danab ah ag uɗa nak ahilag miagib anidkkulag.

Sekaraia 14:5

Oolnu noak amuam ukka, Asal batakku amunu, ag Juda danab ah ⌊diia ii ukkak ele,⌋ ag oolnu noak amuppa oolna gokkulag; anukka ag Juda dilag king Usianu haenppa mim ne oolppig, amubia ag oolna gokkulag. Amu dimppa amu Yawe, dahil Kayak, Nug uɗikku; Nug nuhikkud, ag nuhignu tituanak daatteb amu, Nug ag oh ele uɗiglag.

Josua 15:37

Josua, nuhig ehanittak ele ag aab laala ele Juda madappig. Aab amuam Senan, Hadasa, Mikdalgat,