Maika 1:1 - Nobonob Baibel

¹ Juda wanppa, haen Jotam, Ahas, Hesekaia ele ag king daappig, haen ag king daappigppa Yawe Nug Maika, Moreset ted, Nug nug nai imu mettom. Maika nug Samaria, Jerusalem ele dilahnu tulegleg imu anttom.

Maika 1:1 ပူးပေါင်းရင်းမြစ်များ

2 King 15:32

Remalia bekka Peka nug Israel dilag king dayaya, nuhig king dayaknu maɗ aɗitppa amu, Usia bekka Jotam nug Juda dilag king beum.

2 King 15:5

Amu Yawe Nug he, gaɗa oɗe nau ele Usia qa, ii uuitte ukke, nug mauhom batak am anam dayom. Amunu Usia nug kingnu lag enanagnab amu uua, lag laappa ukka dayaya, nug king dayom, amge nug bekka Jotam nug kingnu uɗat amu haaha, king laug am wan ele gumeeme ukke, mameg Usia mauhom batak.

2 King 16:1

Remalia bekka Peka nug Israel dilag king dayaya, nuhig king dayaknu maɗ 17ppa Jotam bekka Ahas nug Juda dilag king ba dayom.

2 King 18:1

Ela bekka Hosia nug Israel dilag king dayaya, nuhig king dayaknu maɗ ewamppa, Ahas bekka Hesekaia nug Juda dilag king beum.

2 Stori 28:1

Ahas nug maɗ 20 dayaya, nug king ba dayom. Nug king ba, nug Jerusalem appa maɗ 16 king dayom. Amge nug Yawenu neekkakppa kobol genab tutukku ele ii dim lamittom; nug alag Dawit heum bia ii heum.

2 Stori 29:1

Hesekaia nug maɗ 25 dayaya, nug king ba dayom. Nug king ba, nug maɗ 29 Jerusalem appa king dayom. Nug anig am Sekaraia aɗeg Abaiya.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Aisaia 7:1

Haen Jotam bekka Ahas, nug am Usia alag, nug Juda dilag king dayeye, Resin, Aram dilag king, amu Remalia bekka Peka, Israel dilag king ele, aa Jerusalem teya, ban hepiɗ. Aa ban hepiɗ, amge aa aab okkai amu eɗidya aoglahnu elele iitta.

Jeremaia 26:18

“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.

Hosea 1:1

Yawe Nug Beri bekka Hosea amegppa nai imu, Usia, Jotam, Ahas, Hesekaia ele, ag Juda dilag king baadna daaeg ukkom, aria Jehoas bekka Jeroboam nug Israel dilag king ba dayeye, haen amuppa Hosea nug nai imu mattiom.

Hosea 4:15

Ag Israel, danab ah ag ewau pakkuna gappai hetteb, amubia ag da uuiɗna, kayak hambuppuak laala dilagppa dup nona binalag metteb, amge Juda danab ah, ag anam aib heppig. O Juda danab ah, ag kayak hambuppuak noolagppa dup nona binalag mekkulagnu Gilgal aib goppig. Ao, ag amu hekkulagnu Bet Awen aib goppig. Ge, ag kayak hambuppuak noolagppa dup nona binalag menana, ag ahilag nai ɠagattag qettan, ‘Yawe genab bau daatte, genab amubia da inam inam hekkul,’ aib anan heppig.

Hosea 8:14

Da, Yawe, da Israel danab ah hattami, amge ag dahilnu daulag atie, ag king laulkad okkai okkai buualadppig daatteb. Juda danab ah ag ⌊kekeɗnu baɗan,⌋ ag aab kuɗumppa aɗ keeke heppig. Ag anam heppig, amge da heppi, aab dittia, ahilkad aab okkai, amu ahilkad aab okkai aɗ ɠagattagnab ele eokku.” Yawe Nug anam awa atte.

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.

Maika 1:5

Yawe Nug oo nauhe uɗittenu diig am, Jakop buɗub ag hipunin henan heeg uɗie, gemu ele hetteb. Ao, Israel danab ah ag hipunin henan ii uuppig daatteb. Amu aun beɗuppa Jakop buɗub ag Yawe uuidna, kayak hambuppuak dim lamadtteb? Amuam ag ahilag aab okkai Samaria aakku. Amu Juda danab ah kayak hambuppuak noolagppa dup nona binalag metteb ele amu, amu hak naunu aab diig am adekku? Amuam ag ahilag aab okkai Jerusalem aakku.

Maika 3:9

Ag Jakop buɗub dilag danab okkai ag daulag human, nai imu doyeg! Ao, ag amu dilag gumak danab, ag daulag human, nai imu doyeg! Ag danab okkai, ag nai doya mala hettoɗia epeɗia elele mettak kobolnu ena iinab dootteb. Ao, ag danab okkai, ag kobol genab tutukku ele oh aona, ag heeg, kaboliak dayeye, kaliak okkai aakku daatte.

Habakuk 1:1

Nai imuam propet Habakuknu nai meunab ele. Nug tuleglegppa Yawe oɗeppanu awom.

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.