Luk 9:7 - Nobonob Baibel

⁷ Aria, Herot Antipas nug Galili wan guma dayeye, Jesus Nug nuhig uɗat heehe, Herot nug uɗat oh Jesus heumnu doya, nug dabmak kuɗum awom. Aɗinu? Danab laala ag, “Herot nug Layattak Jon baag otaɗom, amge Layattak Jon nug eɗua hibaitta oitte,” aegeg doyom.

Luk 9:7 ပူးပေါင်းရင်းမြစ်များ

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Aisaia 22:5

Aɗinu ⌊da anam doyeye daakkul⌋? Naɗi, Nug Yawe Nukka Ɠagattag Oh Ele, Nug haen laa me daye, amu haen amuppa Nug heeb, Jerusalem ippa uug digdig naunab ⌊ag Juda,⌋ ahilagppa bekkulag. Kekeɗ ag uɗin, ag huan baalag okkaippa enan, qaiqaɗ laih gona, laih uɗin hebeppeg, ag ⌊Juda danab ah, ag⌋ ottaina, kaaka aqeb, ag eheɗ nau baɗaglag. Kekeɗ ag aab okkainu aɗ loppaɗppeg, ag Juda, ag baɗan, laa ag ehanadkkulagnu ebeppeg, ag baalag am umanab ukka, qauko batakku.

Maika 7:4

Danab amu oolagppanu laa, nug laa oh naunab hetteb bia ii hette, nug nakok ena hette; nug anam daatte, amge nug ele am nau, uud keeke qaun ele bia. Ao, danab amu oolagppanu laa nug danab nakok ena bia daatte, amge nug ele am nau, aɗ keeke qaun ele eppak, amubia daatte. Amu ahilag bu awaknu deɗ, ahilag gumak danab tutukku, ag appig bia, deɗ amu aakku paha uɗitte. Ao, deɗ Kayak Nug ag bu madakku amu, deɗ amu aakku uɗiom daatte. Gemu am ahilag kaaka aqeb oiyak haen.

Matyu 11:2

Mehuqeqe, Jon nug maniguittak ooppa dayaya, Kristus uɗat oh heum doya amu nug nuhikkud ippunittak awak danab ⌊aɗit⌋ maate, aa nuhig oɗmak aoya, Jesus toppa gopiɗ.

Mak 8:28

A amu nuhikkud ippunittak awak danab ag appig. “Laa ag nahipnu, ‘Layattak Jon,’ atteb, amge laa ag, ‘Nug am Elaiya,’ atteb, amu laa ag, ‘Nug am propet oolagppan laa,’ aon atteb,” aon appig.

Luk 13:31

Jesus Nug nai amu mattia male, haen amuppa ɗo gumak danab-Parasia laala ag dona, nug amegppa appig. “Na laih imu uun, ahan laih ukke! Herot Antipas nug na nitteb mauhkkutnu hette,” aon appig.

Luk 21:25

Dimppa epponak keeke iɗu iɗu aam, kalam, hoɗoppai eleppa bekkulag. Wanppa amu danab ah wan anen anenppa ag yuppa duban okkai koɗkoɗ qeebeb amunu baɗan, dabmak kuɗum aoglag.

Luk 23:7

Aria, nug Jesus am Galilinu, Herot Antipas wan amu gumom ele, appanu uɗiom doyowa, nug me, Herot toppa ukkom. Haen amuppa Herot nug Jerusalem dayom.

Luk 3:1

Amu Sisar Taiberius nug Rom danab gumadkkunu digme ukke ukke, maɗ 14 uue, nuhig gumak maɗ 15 ooppa, Romnu wan okkai laa onig Palastin ooppa, Pontius Pailat nug wan obatak laa onig Judanu gawana daya, amu gume, Herot Antipas nug wan obatak laa onig Galili gume, amag Pilip nug wan obatak aɗit laa onilah Ituria amu Trakonitis ele gumate, Lisanias nug wan obatak laa onig Abilene gumom.

Luk 9:19

A amu ag appig. “Laa ag nahipnu, ‘Layattak Jon,’ atteb amge laa ag, ‘Nug am Elaiya,’ atteb. Aria, laa ag nahipnu, ‘Nug am Kayaknu propet anukkanu laa eɗua hibaittom,’ aon atteb,” appig.