Luk 9:51 - Nobonob Baibel

⁵¹ Amu Jesus Nug eɗua Mameg toppa gokkunu haen miag do doyaya, Nug Jerusalem gokkunu dabmak ɠagattag awom.

Luk 9:51 ပူးပေါင်းရင်းမြစ်များ

2 King 2:11

Nug a amu, aa amu mattiya ukkaeheh, aakku aa gopiɗ gamalahppa laippun aab dittiak beum; aab amuam hos dottog, oiyaknu karis iɗu ele bia. Aab amu ba, gamalahppa ukka he, piɗe piɗe daaeheh, aria ulah kilibob amu uɗia, Elaiya awa, hab aabppa ukkom.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Luk 12:50

amge uug laa da maokkulnunab daatte amunu, da gemu ukka batakppa oolppa uug nau doottem.

Luk 13:22

Anam awowa, Jesus Nug aha ukka, aab nakok okkai, aab nakok eleppa oiyaya, danab ah nai ippuanattatta, Nug Jerusalem gokkunu ukkom.

Luk 17:11

Amu Jesus Nug Jerusalem ukkaknu ib amu dim lamitta, nug Samaria, Galili ele dilah tomppa ukka,

Luk 18:31

Amu Jesus Nug nuhikkud ippunittak awak danab 12 diia piɗe bia wana, amelagppa aum. “Doyeg, ig gemu iikku Jerusalem gottem. Kayaknu propet ag anukka Danab Bekkalag da, dahilnu Kayak aum oɗe madippig amu, nai amu gemu meu okku.

Luk 19:11

Jesus Nug Sakius laugppa dayaya, nai amu mattie doyeg, Nug Jerusalem guguitta dayom amunu, danab ah ag, “Kayaknu ɗo maɗoɗ am geha iikku miag atikku,” dabmenan dooppig amunu, ag anam dabmemananu, Jesus Nug nai tuɗitta, keeke danab ag dootteb ii dootteb ele ouaqata ippuanatta inam mattiom.

Luk 19:28

Amu Jesus Nug nai amu mattia malowa, Nug aha anuqa, Jerusalem ukkaknu ib awa ukkom.

Luk 24:51

Nug itattette, Kayak awe, Nug uuatta, hab aabppa ukkom.

Luk 9:57

Ag gona ibppa ukkaegeg, danab laa Jesus amegppa aum. “Na adep adep gokkut amu da na dim lamidkkul,” awa aum.

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 16:28

Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

Jon 16:5

Gemu amu da laa, Nug meiɗe uɗimi ele, da Nug gumitte gottem. Amu ag oolagppa laippu laa nug da oɗ meɗa, ‘Na adeppa gottem,’ laa ii atte.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.

Jon 6:62

Anam dayeb amu Danab Bekkalag da, da anukka daadmi, aben amuppa eɗuen tebippi aniɗna amu, ag attem dooglag?

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Epesus 1:20

Ɠagattag amuppa Kayak Nug he, Kristus Nug eɗua hibaitte, Kayak he, Nug hab aabppa Kayak eppeg naɗiap-ppa daatte.

Pilipai 3:14

da hab aabppa gokkulnu wagai mein, qaiedattem. Aɗinu? Kayak Nug da hab aabppa Kristus Jesusnu uɗatppa keeke ena meɗakkunu onilppa eum amunu, da amu aokkulnu anam hettem.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 6:20

Jesus Nug tatam lag oo amuppa ig ehanigkkunu noum. Nug am mana mettak ikki danab, Melkisedek bia hanhannu beum daatte.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.