Luk 9:20 - Nobonob Baibel

²⁰ Nuhig ippunittak awak danab ag anam aeg amu, Jesus eɗua ag oɗ mattom. “Anam aakku amge ag akka, ag dahilnu aɗi atteb?” awa aum. A amu Pita nug aum. “Na am Kristus; Kayak meitte uɗime!” awa aum.

Luk 9:20 ပူးပေါင်းရင်းမြစ်များ

Matyu 22:42

“Kristus, nuhignu amu ag attem dootteb? Aun bekka amu Kristus?” awa aum. Nug anam a amu ag, “Dawit bekka,” aon appig.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Matyu 5:47

Ag lailkadib humadnana, ag danab laala kobol aɗippa ag eɗadtteb? Iitta aɗi danab ag ele amu iite hetteb?

Mak 14:61

Nug anam aum, amge Jesus Nug nai nakok laa ii mattiom. Aria, mana mettak ikki danab nug eɗua, bau oɗ mettom. “Na am Kristus, Kayak Bekkate o iitta?” awa aum.

Mak 8:29

Anam aeg amu Jesus Nug aum. “Anam amge ag akka, ag dahilnu aɗi atteb?” awa aum. Awa a amu Pita nug aum. “Na am Kristus!” awa aum.

Luk 22:67

Nug appa dayeye amu, ag Nug amegppa appig. “Na genab Kristus daattem dayeb, na amu ig amenigppa a!” aon appig. Aeg amu Nug ag amelagppa aum. “Da ag amelagppa appi amu, ag oolagppa genab ii doomna,” awa aum.

Luk 9:19

A amu ag appig. “Laa ag nahipnu, ‘Layattak Jon,’ atteb amge laa ag, ‘Nug am Elaiya,’ atteb. Aria, laa ag nahipnu, ‘Nug am Kayaknu propet anukkanu laa eɗua hibaittom,’ aon atteb,” appig.

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 11:27

Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 4:29

“Dona, danab imu antteg! Nug keeke oh da anukka hemi amu, Nug amu miag da amelppa aum. Nug am Kristustai?” awa aum.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

Jon 7:41

Laala ag appig. “Nug am Kristus,” amge laala ag appig. “Kristus Nug Galili appanu ii bema.

Aposel 17:3

Nug Kayak nai amu diig mehuqaqa amelagppa aum. “Kristus Nug nuhig uɗat ha malakkunu amu, Nug guittak nauppa mauha, eɗua hippaidkkunu dayom,” awa aum. Nug nai mehuqe doyegeg, nug aum. “Jesus, da nuhignu ag amelagppa attem ele amu, Nug amu Kristus,” awa aum.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Aposel 9:22

Ag anam aegeg amu Saul nug Jesusnu, Kayak Nug Nug tituanom, Kristus daatte, amu tutukkunab nai ebehi eleppa ippuanatte, Juda ag Damaskus daappig, ag nuhig nai tabappeg nokkunu ib laa ii anidppig.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.