Luk 9:12 - Nobonob Baibel

¹² Deɗ amu tueb, aam noono, nuhikkud ippunittak awak danab 12 ag Jesus gumidna dona appig. “Na appe, danab ah ag ee, niiak aben ele anidna aon daaglagnu ag aab nakok, danab laulkadppa ele aben imu taliliadna daatteb, ag amuppa ukkeg! Aɗinu? Aben ig daattem imuppa amu danab ag ii daatteb,” aon appig.

Luk 9:12 ပူးပေါင်းရင်းမြစ်များ

Esekiel 34:25

Amu Yawe Nug anam awowa, Nug nai tuɗitta atte. “Israel danab ah ag am dahilad sipsip, amu da haen amuppa heppi, ag da ele ig maɗoɗ dayaknu nug tituanta nai qakkagnig. Ig amu heta, da heppi, ahilag wanppa doɗ dakkuɗ nau laa ii daama amunu, ag atu taɗakppatai daaglag, o iitta atuppa niiglagtai amu, ag baɗak iittappa daaglag.

Hosea 13:5

Da ag atu taɗakppa atognoadmi; aben amuam gakkaɗak naunab ele.

Matyu 14:13

Haen Jesus nai amu doya amu, Nug aben amu uua, uub awa, aben danab ii daatteb, appa gokkunu ukkom. Nug anam ugekke amu, danab ah kuɗumnab ag nai doona, ag aab laalappanu ahan, Jesus ugekke, ag baelagppa Nug dim lamidna goppig.

Matyu 15:23

Ah nug anam aum, amge Jesus Nug oɗeppa nakok laa ii awom. Oɗeppa nakok laa ii awe, nuhikkud ippunittak awak danab ag Jesus gumidna dona appig. “Ah imu nug ewawa, ig dim lamigttede! Na heppe ukkaɗ!” aon appig.

Matyu 15:32

Danab ah ag anam heeg amu, Jesus Nug nuhikkud ippunittak awak danab onilagppa e doeg, ag amelagppa aum. “Da danab ah imu oh dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta. Da heppi, ag enug gokkulagnu ool ii daatte. Aɗinu? Da ee ii matten heppi, ag enug aqebeb gonana, ib manppa ag amelag qittineb, nena qekkulagtai,” awa aum.

Luk 9:11

Ukkaeg dimppa, danab ah kuɗumnab ag amu doon, ag dim lamidna gona, gumidna waeg, Jesus Nug ag ele laippu dayaknu ooppa eleleib doya, Nug Kayaknu ɗo maɗoɗnu nai amelagppa mehuqaqa, oɗe danab amu he ena daappig.

Luk 9:13

Aon appig amge Jesus Nug amelagppa aum. “Ag ee madappeg laig!” awa aum. A amu ag appig. “Ig ee kuɗum iitta. Bret kunum tanig ele, kakai aɗit eleib daatteb. Am na oot attem daatte? Ig gota, danab ah ameg imu oh dilag ee daden mekkunigte?” aon appig.

Jon 6:1

Imu dimppa Juda dilag Pasowanu Hobul haen miag do, Jesus Nug le ameg Galili, laa ag le amunu, “Le ameg Taiberias,” aon atteb, le amu heqo laih gokkunu mataɗom. Jesus Nug laih ugekke, danab huanak ag le ihi aiɗna, dim lamidna goppig. Aɗinu? Ag Nug Kayak dabmettaknu kobol danab haknu elele iitta oɗe danab beɗulagppa heehe, ag ena daaegeg anidppig. Jesus Nug appa ukka, qauko laappa nakok te, nuhikkud ippunittak awak danab ele ag heɗep nena daappig. Daanna amu, Jesus Nug neekke ukke, danab ah huanak ag gumidna uɗiegeg antta, Nug Pilip oɗ mettom. “Ig ee elele adeppanu imu oh mattagnignu daden mekkunig?” awa oɗ mettom.

Pilipai 1:19

Aɗinu? Da doottem, ag Pilipai daatteb amu, unuqittak ahilkad, amu Jesus Kristus Ouɗi, nuhig ehanittak ele, keeke aɗit amu aa hepeɗ, da maniguittakppanu uhuqak aokkul.