Luk 9:11 - Nobonob Baibel

¹¹ Ukkaeg dimppa, danab ah kuɗumnab ag amu doon, ag dim lamidna gona, gumidna waeg, Jesus Nug ag ele laippu dayaknu ooppa eleleib doya, Nug Kayaknu ɗo maɗoɗnu nai amelagppa mehuqaqa, oɗe danab amu he ena daappig.

Luk 9:11 ပူးပေါင်းရင်းမြစ်များ

Aisaia 61:1

Yawenu maɗi nid nug inam atte. “Yawe Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi Yawe Nug nuhig Ouɗi dahilppa daatte. Nug da laa ag oolagppa uug okkai ele dootteb ehanadppi, ag oolag uug iitta ele dooglagnu, Laa, ag laa aɗalatteg, ag eppelagppa daatteb amu, da appi, ag uhuqak aoglagnu, Da appi, laa ag maniguittak nau gatatu eleppa daatteb, ag uhuqak aoglagnu, Nug danab ah, ahilagnu ii helo bia me, Nug ag ehanatta, oo mak haen madakku amu, Nug da ag amelagppa amunu akkulnu, Nug danab ah eheɗ hetteb ele, ahilagnu eheɗ haknu nob tutukku madakku haennu akkulnu, Nug danab ah ag oolagppa uug dootteb amu heeb, ag oolag mekkunu madikkulnu, Nug da laa ag Sion appa oolagppa uug doon gaatteb amu, da ag ehanadkkulnu, Nug da heppi, laa ag uug anam doon, ikkilkadppa uhuɗ metteb amu, ag eɗun, ena daan, uhuɗ amu ihappeg ukkeb, igippan haɗ neekkak enanag ele ag anen anen ag ikkilkadppa daaglagnu, da heppi, laa ag oolagppa mahiak dootteb ele amu, ag eɗun, enaib daan, danab nug king daakkunu laa nug igippa goɗen gokkaɗe, gamag ahak dootte, amubia danab ah imu ag gamag ahak dooglagnu, da heppi, laa ag oolagppa uug dootteb, ag ouɗilag na qekkunu hette bia doon, lamen ena ii tagatteb, ag oolagppa oo gamag ahak doona, ag Kayak binag mena, ag lamen ena takkaglagnu meiɗe uɗimi. Ehanittak dahil amuppa ag ad ok Yawe Nug eppom bia bena, genab tutukku hak danab ah daaglag. Ag anam bia daappeg, danab ah laa ag, ag anadna, ag Yawenu binag amahlak oppiaawak ele anidna, ag Nug humidkkulag.

Matyu 12:15

Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig.

Matyu 14:14

Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.

Luk 5:31

Anam aeg amu Jesus Nug ag amelagppa aum. “Danab nug oɗe iitta, nug dokta toppa ii gotte. Iitta. Danab oɗe ele nug gotte.

Luk 8:1

Haen laa dimppa Jesus Nug ukka, aab nakok okkai, aab nakok ele laalappa oiyaya, Kayaknu ɗo maɗoɗnu Nai Ena mehuqa, danab ah ippuanattom. Nuhikkud ippunittak awak danab 12 ag Nug ele oiyegeg,

Luk 8:10

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.

Luk 9:10

Aria, deɗ laa totol danab 12 ag eɗun uɗin, Jesus amegppa, ag gona keeke oh heppig amunu aeg doya, Nug aha omalatte, aab laa Betsaida, amuppa akka goppig.

Luk 9:12

Deɗ amu tueb, aam noono, nuhikkud ippunittak awak danab 12 ag Jesus gumidna dona appig. “Na appe, danab ah ag ee, niiak aben ele anidna aon daaglagnu ag aab nakok, danab laulkadppa ele aben imu taliliadna daatteb, ag amuppa ukkeg! Aɗinu? Aben ig daattem imuppa amu danab ag ii daatteb,” aon appig.

Luk 9:2

ag gona, Kayaknu ɗo maɗoɗnu nai mehuqnana, danab oɗe ele heppeg ena daaglagnu maatte goppig.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Aposel 28:31

Nug baɗak iitta ele Kayaknu ɗo maɗoɗnu nai, Naɗi Jesus Kristus, nug nuhignu nai ele danab ah ippuanattatta mehuqom. Nug anam heehe, danab laa nuhignu aib ii aum.

Rom 10:14

Amge laa ag nuhignu oolagppa genab ii dootteb ele, ag attem hena, onigppa ekkulag? Amu laa ag nuhignu nai ii dooppig ele, ag attem hena, ag nuhignu oolagppa genab dooglag? Amu laa nug ag amelagppa ii mehuqeb amu, ag attem hena dooglag?

Rom 10:17

Amunu ooppa genab doyaknu diig amu Nai Ena doyak, amu haen danab nug Kristusnu nai mehuqtte amu, danab ah ag nai Ena dootteb.

Rom 15:3

Aɗinu? Kristus ele, Kayak naippa nai nuhignu daatte amu, Nug nukka nuhig dabmak ii dim lamidttom. Nai amuam inam. “⌊O Kayak,⌋ danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.”

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!