Luk 8:56 - Nobonob Baibel

⁵⁶ Nid ahin mameg anig ele aa anam anidya, aa ottaiya, dabmak kuɗum aopiɗ, amu Jesus Nug ɠagattag amelahppa aum. “Aa keeke imunu danab laa amegppa aib apiɗ,” awa aum.

Luk 8:56 ပူးပေါင်းရင်းမြစ်များ

Matyu 8:4

Ena daye, Jesus Nug danab amu amegppa inam aum. “Doye! Na danab laa amegppa, da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu ele iitta,” awa aum. Jesus Nug anam awowa, Nug he ukkom.

Matyu 9:30

Anam a amu, aa amelah oppatom. Oppate, Jesus Nug ɗo nai ɠagattag inam matom. “Dabmeiɗ! Aa keeke amunu danab laa apeɗ aib doyom,” awa aum.

Luk 5:14

Uuitte amu Jesus Nug danab amu amegppa aum. “Na danab laa amegppa da na bappaidminu aib ame! Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu iitta,” awa aum.

Luk 8:55

A amu nid ahin amu nug eɗua bau daya, laippun hibaittom. Hibaitte, Jesus Nug ag ee medappeg lakkunu amelagppa aum.