Luk 8:47 - Nobonob Baibel

⁴⁷ Aria ah amu nug doya, lokkumkkunu elele iitta amunu nug baɗa hahaɗaɗa, danab ah oh noolagppa Jesus baegppa laippun gateg qaun o, gomela, iɗu wanppa ma, nug aɗinu eppeg bahia Jesus aɗe, laippun oɗe nuhig iitta meum ele, nug amunu aum.

Luk 8:47 ပူးပေါင်းရင်းမြစ်များ

Sam 38:9

O Naɗi, na da aɗinunab ool huana hette am na doottem. Na haen oh da mahiak hettem amu, na doottem.

Sam 66:16

Aun aɗi oh ag Kayaknu ebehilag oh bodoetta le mette ele amu, ag doppeg, Kayak Nug aɗi keeke dahilppa ena heum amu, da amunu madippi doyeg!

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Hosea 13:1

Anukka, Israel dilag huu okkai laa, ag Israel dilag huu okkai Epraim dilagnu baɗan hahaɗppig. Ag Epraim dilagnu, “Ag binalag ele,” dooppig. Amge danab ah Epraimnu ag kayak hambuppuak Bal noobppa dup nona binag mena, hipunin heppig amunu, ag nauhppig daatteb.

Hosea 5:3

O Israel danab ah, ag attem daatteb amu, da doottem! Ge, ahilag hak am dahil neekkakppanu lokkumak ii daatte. Ag am ib baag ah laa nug gamu uuitte, danab laa ele oittep, ag amubia da uuiɗppig. Ge, ag am dubuttid naunab nau ele.” Yawe nug anam atte.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Matyu 28:8

Engel anam a amu ah aɗit aa baɗapiɗ, amge maɗoɗppan gamag ahak okkainab ele dooya, moɗ uuya, nuhikkud ippunittak awak danab amelagppa akkulahnu qaiqaɗ gopiɗ.

Mak 5:33

Dayeye amu ah amu nug, “Da nuhig lamen lauɗitten ena daami amunu, Nug dahilnu atte,” dabmakppa ana, nug baɗa hahaɗaɗa, Jesus noobppa wana, Nug baegppa laippun gateg qaun o, gomela, iɗu wanppa ma, keeke oh nuhigppa beum, nug amunu oh miag Jesus amegppa aum.

Luk 8:46

Amge Jesus Nug aum. “Da doottem, laippu laa eppegppa da aɗaele, ɠagattag laa uuiɗa ukkom,” awa aum.

Luk 8:48

Amu Jesus Nug ah amu amegppa aum. “O aɗel, na ootppa genab doome amunu na ena daattem. Na maɗoɗ ele ukke!” awa aum.

Aposel 16:29

A amu maniguittak gumak danab nug doya, amahlaknu ewa, maniguittak lag ooppa noa, nug ottaia baɗaɗa, nug Pol, Silas ele baelahppa na qeum.

1 Korint 2:3

Anukka da ukkai, ag ele daamut, haen amuppa da oolppa elele ii doyen, da uɗat pehettak ii heppi, meu elele ii bemanu ool baɗa auta awom.

2 Korint 7:15

Taitus nug ag gumatta ukke, ag nuhignu oolag ena doonna, ag eheɗ laa hemananu baɗan, ag nug aon amu ag oh nuhig nai amu dim lamidppig. Ag anam heeg, nug ag anam heppig amu dabmaama, tatam nug ahilagnu oo mauhom, gemu nug ahilagnu oo mauha auta aotte.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.