Luk 8:44 - Nobonob Baibel

⁴⁴ Aria, ah amu nug Jesus dimugppa doa, eppeg bahia, Jesusnu lamen elab daug lauɗittom. Lauɗitte amu, nuhig tiig nak oɗe laippun iitta meum.

Luk 8:44 ပူးပေါင်းရင်းမြစ်များ

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Matyu 20:34

Anam aeh amu Jesus Nug ahilahnu oo bodoetta le me, Nug eppeg aa amelahppa me, geha aakkunab aa amelah obate, neegya ahaya, Jesus dim lamidpiɗ.

Matyu 8:3

Nug anam a, Jesus Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum. Anam a amu, pahanab gaɗa oɗe nau amu iitta me, danab nug ena dayom.

Matyu 9:20

Amu ah laa appa dayom ele, tiig nak oɗe maɗ 12 nuhigppa dayom. Nug anam dayaya, nug ooppa, “Da lamen elab nuhig nakokib aɗakkul amu, da ena daakkul,” aum amunu, nug Jesus dimugppa gumitta wana, lamen daug lauɗittom.

Mak 6:56

Amu Jesus Nug aabaab oiyeye, ag oɗe danab aabppanu, aab dimittimnu ele diin, ee oɗiak abenalkadppa maadna, ag oɗe danab Jesusnu lamen elab daugib aɗaglagnu unuqppig. Unuqeg, danab ag anam heppig ele, amu oh ag beɗulag ena dayom.

Luk 13:13

Nug anam awowa, Nug eppeg ah amu qaɗeppa me, pahanab nug tutukku hibaitta, Kayak binag meum.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.

Luk 8:45

Iitta me amu Jesus Nug dayaya, oɗ meum. “Aun da aɗailom?” awa aum. Oɗ me amu ag appig. “Da iitta, da iitta,” aon appig. Aon aeg, Pita nug aum. “Danab Okkai, danab ah kuɗum gukkuidnanab talilidna daatteb amunu aɗinu na, ‘Aun da aɗailom?’ aon attem?” awa aum.

Jon 5:13

Ag anam oɗ medappig, amge danab beɗu ena dayom ele nug danab aun he, nug ena dayom ele amu, nug ii doyom. Aɗinu? Danab kuɗum appa daappig amunu, Jesus Nug ag oolagppa ukka qettoɗom.

Aposel 19:12

Danab ag takkaknu lamen laala, amu lamen qatti laala ele akkan uɗin, Pol beɗu amuppa lauɗittona, dimppa ag amu aon oɗe danab gumadna gona, beɗulagppa maatteg, danab oɗe ele ena daappig. Ouɗi nau ele amu uuadna goppig.

Aposel 5:15

Aria, totol danab 12 ag kobol danab hekkunu elele iitta heeg, danab laala ag oɗe danab amu qaɗaqaɗppa akkan uɗin, ib daugppa maatteg niippig. Amunu diig am Pita oiyebeb amu, nuhig itotog oɗe danab qaɗelagppa ukkeb ena daaglagnu oolag dayom.

Duteronomi 22:12

Na muɗi tutu kuɗum qagmak amu lamen qaɗeppan uttug waɗele ohppa mena koitkkutoitte.