Luk 8:23 - Nobonob Baibel

²³ Uub ugekke amu Jesus Nug niiom. Niieye, ulah naɗi laa laippun na, le amegppa he, le ite, uub ooppa noa ambekkunu he, ag mauhkkulagnu hena,

Luk 8:23 ပူးပေါင်းရင်းမြစ်များ

Sam 148:8

amemɗi, ais doɗo, sno, lombig, gu, amu ulah naɗi, Nug aɗi haknu a hette ele,

Sam 44:23

Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Aisaia 54:11

Amu Yawe Nug atte. “Aab okkai Jerusalem am danab laa, laa ag guittak medatteb, laa oo mak ii medatte, am amubia daatte. Aab okkai Jerusalem am uub yu qaɗeppa oiyeye, ulah eheɗ uɗia heehe, uub laih ugakka, eɗua laihnu uɗitte, amubia daatte. Jerusalem anam daatte, amge da heppi, laa ag aab okkai amu bappaidkkulag amu, ag aabnu men laa, neekkak enanag onig turkois, amuppa hekkulag. Amu ag aab amu ukku haknu, ag men sapaia, ag amu duqan hekkulag.

Luk 5:1

Deɗ laa Jesus Nug le ameg Genesaret, le amu ihippa hibaitta dayeye, danab ah kuɗum ag Kayak nai dooglagnu uɗin itun daaegeg,

Luk 8:22

Deɗ laa Jesus Nug nuhikkud ippunittak awak danab amelagppa aum. “Ig le ameg mataɗta, laih uppa gotu!” awa aum. Nug anam a amunu, ag uub attan tena goppig.

Aposel 27:2

Ig gokkunignu ahat oolta, uub laa aab Adramitiumnu laappa temut. Uub amuam Asia dilag aab okkainu aben ilon daattebppa oiyaya eeɗkkunu gokkunu daye, ig teta gomut. Aristarkus, nug am Makedonianu aab Tesalonaika ted, nug ig ele oh gomut.

1 Korint 15:30

Aria, danab mauhppig ag eɗun ii hippaidlob amu, ig ele hanhan danab laala ag ig eheɗ heigkkulagnu hetteb amu, aɗinu ig uug amu maottem?

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.