Luk 8:13 - Nobonob Baibel

¹³ Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Luk 8:13 ပူးပေါင်းရင်းမြစ်များ

Job 19:28

Anam amunu, ag dahilnu, ‘Nug eheɗ he, Kayak bu medatte amunu, ig genab, ig nug amegppa ii daye daye amunu akkunig,’ akkulag dayeb amu,

Prowerb 12:12

Eheɗ hak danab ag keeke yabhok ibuppa aotteb, amu nau hak danab ag keeke amu ag eppelagppanu aoglagnu oolag hette; amge Kayak he, genab tutukku hak danab ag ɠagattag, ad diɗi ɠagattag daatte, ag amubia daatteb.

Prowerb 12:3

Danab nug nau hak haaha, nug ena, ɠagattag daakkunu elele iitta; amge genab tutukku hak danab nug am ad diɗi ena ele, ɠagattag daatte, amubia daatte.

Aisaia 58:2

Deɗ oh Israel danab ag ⌊gaɗalagppaib⌋ da aniɗna dim lamiɗkkulagnu mattiɗtteb, ag dahil nai dooglagnu hetteb bia hetteb, ⌊amge ag keeke amu oh ag oolagppa ele ii hetteb⌋. Ag huu laa kobol tutukku dim lamidtteb, dahil ɗo di-ii-mettan oitteb, ag huu amu, ag kobol amu genab hetteb bia ⌊dimittimnuib⌋ hetteb. Ag anam heegeg, laa anadna, ‘Danab ah umu ag genab Kayaknu ib dim lamidkkulagnu oolag hette,’ atteb, amge iitta! Ag da, Kayak, ag da hettoɗiakppa nai doya mala hettoɗia epeɗia elele mettak kobol dim lamidkkulnu anana, ag da Kayak, ag dahilnu, ‘Nug ig guguikka uɗikkunu oonig hette,’ ele atteb ⌊amge ag amu oh am gaɗalkadppaib hetteb. Oolagppa ele ii hetteb⌋.

Esekiel 33:32

Ag nahip nai dootteb, amge ag ii dim lamidtteb. Ag nahip nainu keeke hamu bia dootteb; danab nug layag ahi baag enanagppa hamu edatta, musik ele qa auta awe, layag ena dootte, amubia.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Mak 6:20

Aɗinu? Herot nug doyom, Jon am genab tutukku hak danab, Kayaknu danab oppiaawak ele amunu, Herot nug heeb mauhmanu baɗa atognoum. Amu deɗ laala Herot nug Jon nai madikkunu onigppa e uɗia, nai mattie amu Herot nug Jonnu nai amunu dabmak kuɗum awom, amge nug nai amu dookkunu oo ele dayom.

Luk 8:12

Amu ee aeg laala ibppa nena qeppig ele, nai amu inam ippunigtte. Danab laala ag nai dootteb, amge dimppa Satan nug uɗia he, Kayak nai ag oolagppa dayom iitta mette. Satan nug nuhig dabmakppa, ‘Ag nai amu oolagppa genab dooppeg, Kayak Nug ag eɗua diima,’ anana hette.

Luk 8:14

Amu ee aeg wan uud keeke qaun ele beppigppa nena qeppig ele, nai amu inam ippunigtte. Danab amu ag nai dootteb, amge ag gona oiyegeg, wan imuppa uug laala, enub awaknu uɗat, amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

1 Korint 15:2

Ag da Nai Ena ag amelagppa mehuqmi ele ɠagattag aɗatteb dayeb amu, Kayak Nug nai amuppa ag eɗua diitte. Ag ɠagattag ii aɗatteb dayeb amu, ag hamu oolagppa genab dooppig.

Galesia 3:1

Galesia ag am dabmak tutukku iitta danab. Da Jesus Kristusnu ag amelagppa mattiiyi, ag geha aakku Nug ad emaitakppa atuleg dayeye anidppig bia dooppig. Amu aun nug he, gemu ag ahilag dabmak am kaboliak daatte?

Galesia 3:4

Anukka ag keeke ena aoppignu amu, gemu ag amu daulag atie, paɗaeg ne, meu ii ottete? Genab o genab iitta ag keeke ena amunu hamu doona paɗappigte?

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 2:7

Ag nuhigppa ad wanppa ɠagattag hibaitta daatte bia ɠagattag dayeg! Ag nuhigppaib ɠagattag aweg! Ag Kayak amegppa, “Ena hen mekkame,” okkainab anana, laa ag ooppa genab doyaknu nai ippuanatteg, ag oolagppa genab dooppig, ag heppeg, ooppa genab doyak amu ɠagattag dayaɗ!

1 Tesalonaika 3:5

Amunu da baula hamu daakkulnu elele iitta oolppa doyena, da ahilag ooppa genab doyak anidkkulnu Timoti mei ukkom. Da oolppa uug doomi. Aɗinu? Da eheɗ haknu oo eeɗak danab nug ag eheɗ hekkulagnu eeɗatte, ag oolag eɗuomtai dabmemi. Anam dayeb amu uɗat ig hemut ele amu hamu daalo.

1 Timoti 1:19

Na Kristusnu ootppa genab doyak nahip ɠagattag aɗan heppe, beɗunppa aab iitta oiyak ele aib paɗame. Danab laa amu ag amu paɗappig amunu, ahilag ooppa genab doyak nug uub gikkuɗ attan ta aoɗa nauhom bia nauhppig.

Hibru 10:39

Amge ig am danab ag Jesus dimettan padal metteb ele, danab amu oolagppa ii daattem. Iitta! Ig am danab ag nuhignu oolagppa genab doon, bauklel aotteb ele amu, ag oolagppa daatteb.

Jems 2:26

Danab beɗu ouɗi iitta ele am mauhom. Anamnab aakku, danab nug kobol ena ii hette amu, ooppa genab doyak danab amunu am danab laa mauhom daatte, anam bia hamu daatte.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

2 Pita 2:22

Amu oiyak ehanittaknu nai tutu aɗit laa aa genab attep. Nai amuam inam. “Qai nug bahowa, nug eɗua awa latte.” Amu laa ele, “Bo laa nug beɗu leppa ihak ele amu, nug eɗua hikoɗ laatte.” Nai amu ahilagnu atte.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.