Luk 8:12 - Nobonob Baibel

¹² Amu ee aeg laala ibppa nena qeppig ele, nai amu inam ippunigtte. Danab laala ag nai dootteb, amge dimppa Satan nug uɗia he, Kayak nai ag oolagppa dayom iitta mette. Satan nug nuhig dabmakppa, ‘Ag nai amu oolagppa genab dooppeg, Kayak Nug ag eɗua diima,’ anana hette.

Luk 8:12 ပူးပေါင်းရင်းမြစ်များ

Prowerb 1:29

Ag doyaknu nau ninig ele dooppig. Ao, ag Yawenu ebehilag oh bodoetta le mekkunu uuppig.

Prowerb 4:5

Da mamel nug nai amu amelppa anana, nug aum. “Na doyak dabmak ena ele, aria diignu doyak tutukku ele aon oiye! Ge, na aib nai dahil imu daut atiom, o na aib dahil nai imunu dekkaɗna laih gome!” awa aum.

Aisaia 65:11

Da dahilad danab ah dilagnu anam hekkul, amge ag laa, ag da, Yawe, ag da dimeɗan, da dim lamiɗkkulagnu uutteb, ag dahil qauko, qauko amuam dahilnu tituanak daatte amu, ag appa gona dahil mettid hekkulagnu daulag atitte, ag kayak hambuppuak onig Gad noobppa dup nona binag mekkulagnu henana, nug onigppa hobul hena, ag kayak hambuppuak onig Meni noobppa dup nona binag mekkulagnu ag nuhignu wain digdig kabolina, tappiɗ okkaippa inatteb ele amu, da ag hettebnu dabmekkul.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Matyu 13:4

Nug tauɗa ugekke, ee aeg laala danab ib oittebppa nena qena niiegeg, ai ag uɗin, ee aeg amu lappig.

Mak 4:15

Ee aeg laala ibppa nena qeppig ele amu, nai amu inam ippunigtte. Danab laala ag nai dootteb, amge Satan nug paha uɗia he, Kayak nai ag oolagppa dayom iitta mette.

Luk 8:11

Jesus Nug anam ana amu, Nug nai baula tuɗitta aum. “Keeke danab ag dootteb ii dootteb ele ouaqaten ippuanatten mattimi amu, nuhig meu am inam. Ee aeg amu Kayaknu nai.

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Luk 8:5

“Ee eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom. Nug tauɗa ugekke, ee aeg laala danab ib oittebppa nena qena niiegeg, danab ag tappaeg, ai ag uɗin, ee aeg amu lappig.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.