Luk 7:8 - Nobonob Baibel

⁸ Da amu doottemnu diig am, da ele uɗat imunu danab okkai waalagppa daaiyi, ag da gumiɗegeg, amu dahilad daup ag da waalppa ele daatteb. Amu da laa amegppa, ‘Na ukke!’ ai, aria nug gotte. Amu da laa amegppa, ‘Na do!’ ai, aria nug dotte. Da dahil maɗi nid ele amegppa, ‘Na uɗat imu he!’ ai, aria nug hette amunu, na naiib appe, keeke amuam bekku doottem.” Danab amu ag okkai ahilag oɗe amu aon, Jesus amegppa appig.

Luk 7:8 ပူးပေါင်းရင်းမြစ်များ

Luk 7:7

Am da ele da doottem, da danab ena iitta amunu, da na gumitten gokkulnu da elele ii doomi, amge na uɗat nid dahil eɗua ena daakkunu na amunu naiib appe amu, maɗi nid dahil nug eɗua ena daakku.

Luk 7:9

Ag anam aeg, Jesus Nug doya, Nug dabmak kuɗum awawa, Nug eɗua, danab ah kuɗum Nug dim lamidppig ele amu, Nug ag amelagppa inam aum. “Da ag amelagppa attem. Da Israel danab oolagppa ooppa genab doyak imubia amu, da laa ii anidmi,” awa aum.

Aposel 23:17

Pol nug nai amu doya amu, nug ban daup 100 dilag ikki laa onigppa e do, nug aum. “Na nid bau imu omalna, ban daup ikki anuqak toppa goppe, nug nai laa ab dookkunu atte,” awa aum.

Aposel 23:23

Aria, ban daup ikki anuqak nug nai amu doya, nug ban daup 100 dilag ikki aɗit onilahppa e doeh, amelahppa aum. “Aa ban daup 200 diiya, danab 70 hosppa gokkulagnu ele diiya, ban daup 200 laa ag ban aɗatteb ele diipeɗ bappaidna, ag tuqan nain kilok amu Pol omalna Sisaria gokkulag.

Aposel 23:26

“Da Klodias Lisias, da ad uɗug imu danab naɗi, gawana Peliksnu iikku yaattem. Da na humidttem.

Aposel 23:31

Amu ban daup ag ahilag ban daup ikki anuqak oɗe dim lamidna, ag tuqan Pol aon Antipatris goppig.

Aposel 24:23

Nug anam awowa, nug ban daup 100 dilag ikki nug Pol aon maniguittakppa mekkunu aum, amge maniguittak ɠagattagnab iitta, amu ban daup 100 dilag ikki nug ele Pol laikkud uuatteb, ag nug ehanidna, keeke aon gona mettaglagnu amu aib ii aum.

Aposel 25:26

Amge imu ele, da nug keeke aɗi heumnu nai amu genab anttena, uɗug yaappi ukkeb, ihinig okkai Sisar anidkkunu laa ii anidmi. Anam daatte amunu, King Agripa, da laa oh daatteb dabmemi, amge nahipnu tutukkunab dabmein, da danab imu omale ahilagppa domi. Ig oh nai nuhig anidta, da nuhignu nai laa uɗugppa yen meppi gokkunu anam hemi.

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!