Luk 7:6 - Nobonob Baibel

⁶ Anam aeg amu Jesus ahe, oh gona guguittegeg, ban daup 100 dilag ikki nug laikkud laa Jesus appeg dookkunu amelagppa a, ag gona, nug aum oɗe Jesus amegppa appig. “Naɗi, na uɗat okkai aib heme. Da am danab enate na uɗin, da laul ooppa nekkut?

Luk 7:6 ပူးပေါင်းရင်းမြစ်များ

Genesis 32:10

Da am nahip maɗi nid, na dahilnu oo mauhaknab kobol, oo metta ii uuak kobol ele doon hettem, amge da am nid ena amunu na amu helom am iittanab. Anukka da dahil hokkat eleib Jodan le mataɗmi; gemu amu, da danab ameg aɗit ele.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Mak 5:24

Nug anam a amu Jesus nug ele ukkaeheh, danab ah laala kuɗumnab ag Jesus happutna, qataiettan daaegeg goppig.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Luk 7:4

Ag Jesus gumidna gona, ban daup ikkinu oolag unuqagppanu unuqnana appig. “Nug am danab ena, na nug ehanidkkutnu elele.

Luk 7:5

Aɗinu? Nug am ig Juda ihinignu oo mauhtte. Nug nukka ihinig nai doyak lag amu buuom,” aon appig.

Luk 7:7

Am da ele da doottem, da danab ena iitta amunu, da na gumitten gokkulnu da elele ii doomi, amge na uɗat nid dahil eɗua ena daakkunu na amunu naiib appe amu, maɗi nid dahil nug eɗua ena daakku.

Luk 8:49

Jesus Nug nai amu mattiaya dayeye, danab laa nug Juda dilag nai doyak lagnu ikki danab Jairus, amu nug laugppanu uɗia, Jairus amegppa aum. “Na aɗen mauhom amunu, na ippunittak danab imu uɗat baula aib mettame,” awa aum.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”