Luk 7:47 - Nobonob Baibel

⁴⁷ Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.

Luk 7:47 ပူးပေါင်းရင်းမြစ်များ

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Maika 7:19

Na am Kayak anam amunu, na baula ihinignu oot bodoetta, le mekku. Na ihinig hipunin tabappe nekkulag. Ao, na eheɗ hak ihinkad buɗiadppe, yu gamag unuqagnab ele, appa nokkulag.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Luk 7:46

Amu na da ikkil goɗen ii laaidme, amge ah imu nug leppu muttuɗig enanag ele awa uɗia, da bael gokkaɗ qettom.

Luk 7:48

Nug anam ana amu, Nug ah amegppa aum. “Na hipunin nahip uhuqa mettak aome daattem,” awa aum.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Rom 5:20

Aria, Kayak Nug danab ɗo matte, danab ag hipunin tuɗidna, kuɗum heppig, amge hipunin okkai meeme, Kayaknu ehanittak okkai hamu mettak am okkainab meum

2 Korint 5:14

Aɗinu? Kristus nuhig oo mauhak amuib ig uɗat imu hekkunignu maɗeɗikkom. Amunu diig am ig imunu tutukku ena doottem; danab laippu Nugib ig danab oh ig abeninig awa mauhom. Nug ig ounig daya mauhom, amuppa ig oh aakku mauhmut.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.