Luk 7:41 - Nobonob Baibel

⁴¹ Anam a amu Jesus Nug nai imu mattia aum. “Danab aɗit laa aa danab laanu lon aopiɗ. Danab laa nug nuhig lon amu silwa men doɗo 100, amu laa nuhig lon am silwa men doɗo 10 ele.

Luk 7:41 ပူးပေါင်းရင်းမြစ်များ

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Jeremaia 3:11

Yawe Nug anam awowa, Nug tuɗitta, da amelppa aum. “Israel danab ah ag da dimeɗona kayak hambuppuak laala dim lamadppig, Juda danab ah ag da ippunadmi bia da dim lamiɗkkulagnu uun hetteb. Anam amu, ahilag kobolppa, ahilag hakppa ele Israel dilag eheɗ hak am okkai, amge Juda danab ah, ag ahilag kobolppa, ahilag hakppa ele ag ahilag eheɗ hak am okkainab.

Namba 27:3

“Ig mamenig am atu taɗakppa mauhom. Nug am Koranu huuppa ii dayom. Danab amu ag Yawe waappa daaglagnu uun, nuhig nai tappaeg neum. Nug am ahilag huuppan iitta. Iitta. Nug nuhig hipunin, diig amunu nug mauhom. Nug mauhom, amge nug bekkod iitta.

Matyu 18:28

Amge haen maɗi nid amu nug noa ugakka, ibppa nuhig uɗat laippu laa anttom; layag amu nug nuhigppanu lon awom, amu lon amunu daden nob men doɗo nakokib. Aria antta, nug layag baagppa aɗe, ulah pehettak aokkunu elele iitta daye, nug amegppa aum. ‘Na lon dahilppanu aome amu, na lon amunu daden nob meɗe,’ awa aum.

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Mak 6:37

Ag anam aeg amu Jesus Nug aum. “Ag ee madappeg laig!” awa aum. Awa a amu ippunittak awak danab ag appig. “Ehe! Ig gota, bret silwa men doɗo 1,000 keeke anamppa daden mekkunigte? Ig men doɗo amubia iittanab iitta,” aon appig.

Luk 11:4

Laa hipunin megatteb, ig uhuqta madattem amubia na hipunin ihinig uhuqna megakkutnu na unuqidttem. Na ippun ena, ig nau hekkunignu eeɗak iittappa omaigppe gokkunignu oɗ medattem,’ ” awa aum.

Luk 12:48

amge maɗi nid nug nuhig danab okkainu dabmak ii dootte, amge nug bu aokkunu kobol heum amu, geha nuhig danab okkai nug nakokib makkuɗkku. Danab ag keeke kuɗum aoppig amu, ag eɗun keeke kuɗum nob mekkulag. Am danab laa nug eppegppa keeke kuɗum mak daatte amu, geha laa ag nug keeke huanak nob madakkunu onigppa ekkulag,” awa aum.

Luk 13:4

Laa ele, danab 18, anukka Siloam appa lag attan ta ukkak menppa hak na qa aqe mauhppig amu, ag ahilag dabmakppa ag amu dilagnu amu ag, ‘Danab amu, eheɗ hak ahilag am danab laala Jerusalem daatteb ele amu, ahilag eheɗ hak oh eɗattak,’ aon attebte?

Luk 7:40

A amu Jesus Nug danab amu nuhig dabmakppa anam aawo doya, Nug nai mattia aum. “Saimon, da nai laa madippi na dookkutnu ool daatte,” awa aum. Awa a Saimon nug aum. “Ippunittak danab, nahip nai amu mehuqe!” awa aum.

Luk 7:47

Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

Rom 5:20

Aria, Kayak Nug danab ɗo matte, danab ag hipunin tuɗidna, kuɗum heppig, amge hipunin okkai meeme, Kayaknu ehanittak okkai hamu mettak am okkainab meum