Luk 7:40 - Nobonob Baibel

⁴⁰ A amu Jesus Nug danab amu nuhig dabmakppa anam aawo doya, Nug nai mattia aum. “Saimon, da nai laa madippi na dookkutnu ool daatte,” awa aum. Awa a Saimon nug aum. “Ippunittak danab, nahip nai amu mehuqe!” awa aum.

Luk 7:40 ပူးပေါင်းရင်းမြစ်များ

1 King 2:14

Anam anana, nug tuɗitta inam aum. “Da nai nakok laa appi dookkutnu ool daatte,” awa aum. A amu, Batseba nug nob ma, amegppa aum. “Na da amelppa appe doye!” awa aum.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Matyu 26:49

Aria, ag uɗina, Judas nug pahanab Jesus gumitta ukka, “Tuqan ena Ippunittak Danab,” awowa, nug ootuqittom.

Matyu 7:22

Anam daatte amunu, epeɗiak deɗ naɗippa danab ah kuɗum ag da amelppa akkulag. ‘Naɗi, Naɗi, ig na oninppa propet nai iite mehuqmut? Na oninppa ele ouɗi nau iite lamadmut? Ig na oninppa kobol danab haknu elele iitta kuɗum laa iite hemut?’

Luk 18:18

Aria, Juda dilag ikki laa nug Jesus inam oɗ mettom. “Ippunittak danab ena, da attem heina da bauklel hanhannu aokkul?” awa aum.

Luk 5:22

Aeg, Jesus Nug nuhig dabmakppa ahilag dabmak amu doya, Nug ag amelagppa aum. “Aɗinu ag dabmak anam ele?

Luk 5:31

Anam aeg amu Jesus Nug ag amelagppa aum. “Danab nug oɗe iitta, nug dokta toppa ii gotte. Iitta. Danab oɗe ele nug gotte.

Luk 6:8

Anam daaegeg, Jesus Nug ahilag dabmak doyaya, Nug danab eppeg nau ele amegppa aum. “Na ahan, danab ah noolagppa hippaidna daye!” awa aum. Nug anam a, danab nug hibaitta dayeye,

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Luk 7:41

Anam a amu Jesus Nug nai imu mattia aum. “Danab aɗit laa aa danab laanu lon aopiɗ. Danab laa nug nuhig lon amu silwa men doɗo 100, amu laa nuhig lon am silwa men doɗo 10 ele.

Jon 13:13

Ag dahilnu, ‘Ihinig ippunittak danab amu ihinig Naɗi ele,’ aon atteb. Da genab da anam aakku daattem amunu, ag ena anam atteb.

Jon 16:19

amu Jesus Nug doyom, ag Nug ele oɗ mettaglagnu heppig amunu, Nug ag amelagppa aum. “Da nai ami amunute ag akka akka nug oɗ medatteb? Da inam ami. ‘Nakok laa ele ag da ii aniɗmana amu nakok laa ele dimppa amu ag da eɗun aniɗkkulag!’ awe ami.

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.