Luk 7:39 - Nobonob Baibel

³⁹ Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Luk 7:39 ပူးပေါင်းရင်းမြစ်များ

2 King 5:20

amu Kayaknu danab, Elisanu maɗi nid Gehasi nug nukka nuhig dabmak he be, nug inam aum. “Danab okkai dahil nug Aram danab Naman keeke medakkunu awa uɗiom ele, nug amu aokkunu uue, nug eɗua awa gotte. Aɗinu nug keeke amu uue, Naman nug eɗua awa gotte? Amunu da Yawe Nug genab bau daatte, genab amubia da qaietten, Naman dim lamitte ukke, nuhig keeke laala appi meɗakku,” awa aum.

Prowerb 23:7

Aɗinu? Danab laa, nug nug ehanittak ii dootte ele, nug hanhan ee amu awaknu nob gane am dabmaama daatte; “Baula yaan la,” awa atte, amge ooppa nug na ii helomnu dabmette.

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Matyu 20:16

Jesus Nug anam ana amu, Nug nai tuɗitta aum. “Amubia dim daatteb amu, ag anuqkkulag. Anuqak daatteb amu, ag dim daaglag,” awa aum.

Matyu 21:11

Ag anam oɗ meeg amu, danab ah kuɗumnab ag Jesus omalppig ele ag appig. “Nug amu Jesus, Nug am propet, Galilinu aab Nasaret danab,” aon appig.

Mak 7:21

Kobol eheɗ imu oh danabnu dabmakppanu bette; dabmak eheɗ, ewau pakkua gappai hak kobol, gappai hak kobol digdig laa, yabhok kobol, danab qe mauhak kobol,

Luk 12:17

Nug ooppa nuhig dabmak inam dayom. ‘Da ee dahil huanak imunu attemtai hekkul? Da ee dahil oh qagmekkulnu amu, ee maknu lag elele iitta,’ awa aum.

Luk 15:2

Amunu ɗo gumak danab-Parasia amu ɗo mehuqak danab ele ag nai hena appig. “Danab amu Nug hipunin danab, amu danab laa, ag ig Juda, ihinig ɗo oh ii dim lamidtteb ele, Nug ag ele laippu dayaknu ooppa eleleib dootte, amu ag ele oh ee latteb,” aon appig.

Luk 16:3

Anam a amu uɗat gumak danab amu nug nukka nukka nai mattia aum. ‘Da attemtai hekkul? Danab okkai nug am dahil gumaknu uɗat amu eɗua aotte. Da wan oppatkkulnu amu, da ɠagattag elele iitta, laa amu da danab laa unuqadppi, ee meɗaglagnu am da uɗal nette,’ awa aum.

Luk 18:4

Ah amu nug anam heehe, epeɗiak danab nug laa ehanidkkunu amu, kobol amu nug beɗuppa ii daattom, amge dimppa nug ooppa aum. ‘Da Kayaknu ebehil oh bodoetta le ii me, danab dilagnu ele am da dab-ii-mettem,

Luk 3:8

Ag oolag eɗueb, kobol ena dim lamitteg! Amu ele ag oolagppa inam aib digmena appig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Luk 7:37

Daaeheh, aab amuppanu hipunin ah laa nug “Jesus uɗia, ɗo gumak danab-Parasia laugppa ee latte,” amu doya, nug men id enanag leppu muttuɗig enanag inak ele laa awa uɗia,

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

Luk 7:40

A amu Jesus Nug danab amu nuhig dabmakppa anam aawo doya, Nug nai mattia aum. “Saimon, da nai laa madippi na dookkutnu ool daatte,” awa aum. Awa a Saimon nug aum. “Ippunittak danab, nahip nai amu mehuqe!” awa aum.

Jon 4:19

Jesus Nug anam a, aria ah nug Jesus amegppa aum. “Danab Naɗi, da aakku na dooidmi, na am propet amunu,

Jon 7:12

Danab ah kuɗumnab ag appa goppig ele, ag akka akka Jesusnu nai kuɗum madippig. Laa ag appig. “Nug am danab ena,” amge laa appig. “Nug am danab nau, nug danab ah kuɗum hambuppualadtte,” aon appig.

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.